Nyadi Uyut tu nama tuai Iban Batang Paku, dalam pati Batang Saribas. Iya tu berani serta lalu tau matak kayau anak, ngalah ka rumah sabuah, udah nya lalu pulai. Iya apin tau matak serang, taja ati iya endang nguji matak kayau anak awak ke tau serang. Nyadi kayau dibatak Uyut chelap, anembiak iya nadai kala rusak, lalu mudah bendar bulih dengah. Manok sabong Uyut maioh sereta tau dikarap ka iya magang. Menoa iya di Batang Paku dipala pasang. Iya mati leboh umor iya nyau tuai bendar empat tauka lima taun udah Raja James Brooke merintah menoa Sarawak.
Leboh Uyut jadi tuai di Paku Ili enggau Anyut, Libau ke dikumbai “Buban” megai menoa ari Nanga Samu lalu ngulu ka Batang Paku alah datai di entigis ai. Nyadi Libau tu enda berani tang ati iya manah lalu rurus megai adat menoa. Nyadi siko tuai Iban di menoa ili benama Adir “Bungkok”, mentua Linggir “Mali Lebu”, ke balat bendar ngembar Linggir ngator pemansang menoa sakayu Batang Paku, Anyut enggau Bangkit. Adir enda tau kayau, tang iya tuai alai mensia maioh di Batang Paku betanya ka adat tuai ke dikena mensia maioh diau nitih ka adat aki ini ke dulu ari rebak sida. Adir dikarap ka Datu Laksamana Amir megai pasu mengut kena mupu bansa Iban ngulu Paku. Menoa ili samoa bansa Laut kena pupu Datu Laksamana Amir empu magang. Serta udah parai Uyut, nya baru pansut anak iya ke benama Linggir nganti apai iya nyadi tuai Iban Paku ili enggau Anyut.
Agi idup apai iya menya, Linggir tak enggai gawa, ka kerja iya nemuai ngagai orang rumah sabuah-sabuah, lalu berandau enggau orang ke tuai-tuai pasal burong enggau mimpi manah kena tuai dulu matak kayau. Enti iya ninga tuai bisi matak kayau, iya lalu enggau orang nya ngayau. Leboh ngayau baka nya, nya baru iya badengah, tang iya nadai hari gawa bukai, laban ati iya balat bendar berunding ka pengawa kayau. Tambah mega iya endang anak orang bisi. Udah nya baru Enchana anak Sa, sama sarumah enggau Linggir balat bendar besulu enda tau jauh pangan. Leboh sida sama agi biak tu, enti Linggir nurun ngayau nitih ka tuai Batang Ai bukai, nurun ga Enchana sama enggau, laban leboh nya udah mati Uyut tuai Paku nadai agi tau matak kayau. Nyau kepuas seduai ke enggau tuai bukai ngayau seduai pan nyau maioh dengah udah ulih. Udah nya baru orang Paku minta ulu ka Linggir empu ngayau.
Terubah menoa dikayau Linggir nya Luba Nanga Rajang. Kayau iya tu bulih bendar laban manok sabong iya nyau deka bedengah magang. Ba rambau tu, menoa Sabelak, Sabetan, Awik enggau Krian apin diuan bansa Iban. Orang nguan menoa tunga kia leboh nya bansa Seru, Beliun enggau Baketan. Kedua kali kayau dibatak Linggir nya ngalah ka Sadong munoh munsoh tiga buah tumpok. Leboh perau sida nuntong ba pangkalan munsoh, Enchana ke diluan perau lalu terjun ngentak ka tiang taman. Linggir lalu terjun ari panggau kemudi, niti lembayan kajang ngenjing enda berenyut bangkong, peda iya tak udah laboh ba ujong luan. Ari nya iya lalu belanda nengah pantai reboh tang kaki iya tak enda tepurok, empa pemerantu iya ko kenang sida ke tuai. Sida bukai tepurok magang naka buah pah. Datai iya ba pala pantai lalu munoh munsoh putus sigi pala. Enchana ke nunda udi iya pan lalu munoh munsoh siko ke lalu putus pala dia.
Sida enda lama iga begau laban munsoh rari. Linggir enda ngasoh sida nitih ka munsoh jauh ka dalam kampong. Leboh kayau tu Linggir empu bedengah sigi, Enchana bedengah sigi, Menggin bulih sigi. Orang bukai pan maioh ga bulih dengah, tang penyampau semua dengah enda ulih ingat ka agi ditusoi orang ke sama enggau nayau leboh nya ngagai Mujah Anak Mambang menya. Nyadi leboh kayau tu bala Linggir ngenjing nadai rajai mimit. Sida pulai ka menoa lantang magang ati laban kayau bulih serta nadai rajai mesai sayat kemelang.
Ketiga kali Linggir matak kayau ngalah ka Belawai ba pun Tanjong Sirik. Leboh kayau tu Enchana, Minggat, Menggin enggau Mubok maioh bendar dengah. Tuboh sida enda maioh ka sabuah perau aja. Nyadi laban perau sida mit serta enggau tuboh enda berapa maioh, nya kebuah sida enda ati ngalah ke nengeri. Sida semina ngalah ka 3 buah rumah panjai munsoh aja. Udah rumah munsoh alah, sida lalu rari naban ka dengah guai ka ngerok. Leboh sida benong ngerok, dia semoa manok sabong bungah jako enggau Linggir.
“Nyadi nuan Watt, udah maioh dengah ari nuan agi disabong orang ngagai nuan tiga kali udah nyabong kami. Kayau batak nuan tiga kali ke udah tu chelap samoa. Ka agi tu ila nuan tentu enda agi ngiga nama diri empu bedengah baka ke udah tu. Nya alai samoa kami ke jadi manok sabong nuan diatu nyau deka ngaga ka nuan ensumbar,” ko Enchana.
Ninga nya lama Linggir tak ngenong, enda bemunyi. Udah nya baru iya nyaut, “Ba runding aku, manah kita ngaga bejulok diri empu dulu,” ko iya bejako ngagai bala manok sabong iya.
Ninga saut Linggir, nya alai Mubok lalu manjong nyintak pedang dikeritok iya ka langit lalu ngumbai ensumbar diri “Kendawang Ular Bisa”. Udah nya angkat ga Enchana lalu nyintak parang tundok lalu keritok iya ka langit. Iya lalu ngumbai ensumbar diri “Letan Pulas Mas” enggau panjong-panjong. Udah nya angkat ga Birai lalu nyintak pedang panjai keritok iya kelangit lalu manjong madah ka ensumbar diri “Jawa Jambai”. Udah nya lalu ditangkan ka Nyelang lalu nyintak pedang lalu manjong madah ka ensumbar diri “Guntur Dalam”. Udah nya angkat Rajit nyintak nyabor lalu manjong madah ka ensumbar diri “Moahari”. Udah nya lalu kentudi ka Briak nyintak pedang lalu manjong madah ka ensumbar diri “Bintang Beguang”. Udah tembu nya, nya baru samoa manok sabong iya bejako madah ka sida nyau deka ngaga ensumbar ka Linggir empu.
“Tau”, ko Linggir, “enti ensumbar digaga kita nya aroh ati aku. Enti iya enda manah, awak ka aku enda bensumbar skali”.
Ninga saut Linggir nya baru manok sabong iya baum kediri enda didinga iya. Ko pemutus runding sida, awak ka ensumbar Linggir digaga ka kitai “Mali Lebu”, nadai sangkut bukai, ko sida. Udah putus aum sida, nya baru manok sabong madah ngagai Linggir ensumbar iya diberi sida “Mali Lebu”.
Ninga nya Linggir nadai jako tang nerima ensumbar ke manah enggau patut ba ati samoa manok sabong iya. Penyuah Linggir ke bensumbar “Mali Lebu” udah matak kayau ngagai hari iya digaga ka bala manok sabong iye ensumbar 3 kali, leboh sida pulai ngalah ka Belawai. Penyampau dengah iya udah leboh tu 5 igi, lalu samoa kayau iya ke udah nya nadai kala sabau.
Linggir “Mali Lebu” Ninggang Kayau OKP Dana “Bayang” Ngalah Ka Undup:
Kira dalam taun 1837, sabedau Rajah James Brooke datai di Sarawak, OKP Dana Bayang bisi skali nesau tuai-tuai Iban Saribas mai sida ngayau ngalah ka Undup. Nyadi Iban ari Undup enggau Iban Dau selalu bendar ngaga pengachau bekayau ka Iban ari Kumpang enggau Lemanak ke diau di sabelah ili Batang Ai. Ngasai ka diri ka selalu kena kachau tu, sida lalu minta tulong OKP Dana Bayang bebalas nyerang Iban Undup enggau Dau.
Ketarubah iya OKP Dana Bayang bejako madah ka Iban Undup enggau Dau ukai munsoh iya, nya alai iya enggai ngemasok ka diri ngagai laya tu. Tang orang Kumpang, Lemanak enggau Skrang keras bendar minta tulong iya, laban enti semina sida iya aja, tentu munsoh tu enda ulih di alah ka sida. Sida mega suah udah alah laban munsoh tu dalam kandang lima taun ti ka udah. OKP Dana Bayang lalu nanya sida sapa orang ti deka di padu ka sida nyadi tuai kayau ngelaban munsoh tu. Sida Tuai Iban Skrang, Lemanak enggau Kumpang sama nadai maioh jako lalu setuju ngasoh OKP Dana Bayang nyadi ka tuai kayau sida.
Ninga sida tak berat bendar minta bantu iya, OKP Dana Bayang pan sinu serta deka berunding ka peminta sida. Iya lalu madah ka sida, sabedau iya nyanggup ngulu ka sida ngayau, iya dulu deka nanya semua bala manok sabong iya dulu serta enggau semua tuai kayau bukai di Saribas laban deka nemu paneka sida enggau ngayau ka sekali tu. Orang seruan ari Kumpang lalu diasoh OKP Dana Bayang nganti berita ari manok sabong serta enggau tuai kayau bukai dalam kandang dua tiga hari nya. Dalam kandang dua tiga hari nya, tuai sida ari Ulu Layar iya nya Unal “Bulan” enggau manok sabong iya Igoh apai Lamban enggau Uyu apai Ikum, datai madah ka sida sama setuju deka enggau ngayau. Linggir “Mali Lebu” ari Paku pan madah ka diri enggau bala manok sabong iya deka enggau, tang sida iya apin sempat mindah nama apin abis nugal umai bukit.
Serta OKP Dana Bayang udah nemu runding semua tuai kayau Saribas bukai enggau manok sabong sida ti setuju deka enggau ngalah ka Undup, iya pan lalu ngasoh bala seruan ari Kumpang nya pulai awak ka madah ngagai bala sida din, iya enggau bala manok sabong iya ari Padeh, Layar enggau Paku deka datai enda lama agi ka Kumpang. OKP Dana Bayang pan lalu milih manok sabong iya empu nambah ka enggi sida Unal “Bulan” ari Ulu Layar enggau sida Linggir “Mali Lebu” ari Paku.
Manok sabong iya ka di bai OKP Dana Bayang iya nya Sabok “Gila Berani”, Bedindang enggau menyadi iya Isik seduai Senaang. Manok sabong Unal “Bulan” ari Ulu Layar nya Igoh Apai Lamban seduai Uyu apai Ikom. Nyadi manok sabong Linggir “Mali Lebu” ka enggau ngayau tu di ketuai ka Enchana “Letan Pulas Mas”, Birai “Jawa Jambai”, Minggat Apai Runai enggau Chulo “Tarang”.
Leboh semua pengawa ke nyendia ka kayau udah tembu diator, sida OKP Dana Bayang enggau beratus-ratus bala iya lalu angkat ari Padeh. Sida melunggang ka Skrang lalu bemalam samalam ba Nanga Lemanak. Hari siti sida lalu mupok bejalai ka Kumpang. Leboh sida datai din, sida meda nyau beribu-ribu bala endang udah nganti penatai sida. Penatai bala sida nya tadi ari Skrang, Seramat, Lemanak enggau Belambang.
Malam nya leboh ka berandau enggau tuai-tuai bukai, OKP Dana lalu nanya ngagai sida berapa penyampau sida ari Skrang, Lemanak, Saramat, Belambang enggau Kumpang udah sedia deka enggau bala. Sida madah ka iya bisi dua tiga ribu iko ti endang udah datai, lalu enda temu pemaioh ti agi deka datai. Udah ninga tu OKP Dana Bayang nanya sida baru sekali ka sida amat milih iya ngulu ka bala. Tuai sida lalu nyaut endang agi nitih ka semaia endang siga ngambi iya jadi ka tuai ngulu ka bala.
OKP Bayang pan lalu madah ka sida enda ngasoh sida angkat dulu, laban agi nganti penatai Linggir “Mali Lebu” enggau bala iya ari Paku ka agi nembu ka tugal umai sida. Nya alai sida Kumpang kiroh bendar ngintu bala pengayau dalam kandang dua minggu leboh ka nganti penatai Linggir “Mali Lebu” enggau bala iya ari Batang Paku.
Dua minggu lepas nya, baru bala Linggir “Mali Lebu” datai. Malam nya OKP Dana Bayang pan lalu mai orang barengkah baum ka pasal kayau. Dalam aum nya, iya lalu nusoi ngagai Linggir “Mali Lebu” pasal pemutus runding sida Batang Lupar ti udah niri ka iya jadi ka tuai ngulu ka bala ngalah ka Undup. Linggir “Mali Lebu” pan lalu setuju serta madah ka atur nya betul bendar laban ko iya, ” nadai tuai bukai ditu bisi lebih agi ari nuan ti udah lama serta udah suah agi ngulu ka bala ngerja pengawa besai baka tu. Enti ukai nuan, OKP Dana “Bayang”, di padu nyadi ka tuai bala kitai, aku enggau bala manok sabong aku nyangka enda enggau bebala tang lalu pulai ngintu pengawa umai di menoa din,” ko Linggir “Mali Lebu” nampong jako iya tadi.
Udah ninga saut Linggir “Mali Lebu” nya tadi, OKP Dana “Bayang” pan lantang bendar ati. Iya pan lalu madah ngagai semua tuai bukai utai ti enda tau enda di kerja dulu dikena nyendia ka Kayau. Jerita ke silik agi pasal kayau tu bisi ditusoi dalam jerita lama OK Dana “Bayang”.
Nyadi kayau sida tu mujur bendar. Munsoh alah magang laban sida. Linggir “Mali Lebu” beperapasan ka benda menaga sigi ti diintu bala ichit iya di Matop, Paku. Bala manok sabong ti bukai sama bela bulih perapasan magang, baka tajau lama enggau bedil temaga enggau parengka temaga bukai. Udah bekau tasah diserang bala OKP Dana “Bayang” enggau orang ari Kumpang, orang Undup lalu lari ngagai dua bengkah bagi menoa. Maioh agi sida ngagai Salimbau dalam Kalimantan Barat, lalu ti bukai nya lari ngagai Ulu Lingga lalu diau enggau bala Balau. Nyau kelama udah nya menya, leboh Mr. Brereton megai kubau Skrang, sida diasoh pulai baru ka Undop, tang leboh sida datai dia sida nemu menoa Skrang Ili udah diwan orang ari Skrang, lalu di Ulu Undop udah diwan orang Kumpang.
Linggir “Mali Lebu” Nyerang Bansa Bugau Diulu Ketungau:
Endang udah datai Rajah James Brooke di Sarawak dalam taun 1840, nya baru kitai Iban di Batang Lupar belaboh bemunsoh ngelaban bansa Bugau di Batang Ketungau enggau Dayak di Batang Kantu. Sida nya nyau ka alah bunoh enggau Iban ari spiak tu. Laban penusah nya sida nyau minta bantu Dayak ari Batang Kapuas. Nyadi sakali bansa Bugau ngaga kuta besai bendar ba antara Ulu Undup enggau Ulu Ketungau. Parit ngelingi kuta dalam enggau besai bendar digaga sida. Kubau sabuah digaga sida ba tuchong bukit ke dikuta sida. Nyadi orang jaga kuta nya ngena bedil enggau senapang tang enda maioh. Meda kuta nya teguh bendar nya alai Iban ari Undup irau bendar ati. Sida mai Iban ari Skrang ngambi Linggir “Mali Lebu” tuai Iban Paku jadi ke tuai kayau sida.
Udah nya bala munsoh makin lama makin maioh, laban bansa Dayak ari nyin nyau ninggang Bugau enggau Kantu magang. Orang ke ninggang sida tu bansa Mengallang, bansa Sebaru, bansa Remun, bansa Dampu. Suah tuai Iban ari spiak tu udah nguji deka ngalah ka kuta nya tang enda ulih alah ka sida. Leboh sida ari Undup enggau Skrang datai ba rumah iya di Paku, Linggir madah ka diri deka ngayau enti sida sama setuju ngasoh iya jadi ke tuai tuai kayau.
“Semina pemar ba kami ari tu, “ ko Linggir, “laban Bugau ukai munsoh kami – tang munsoh kita. Nyadi enti kita kitu semina ngambi aku enggau anembiak aku jadi ka manok sabong kita, aku enggai. Manok sabong aku ari tu pen enda aku asoh, laban kami enggai alai Bugau malas”, ko iya.
Ninga jako Linggir sida ari Undup enggau sida ari Skrang bejako madah ka sida dua ai nya endang ngambi Linggir jadi ka tuai matak bala ari tu ngelaban Bugau. Ninga jako sida, Linggir lalu ngasoh sida pulai nusoi semaia nya ngagai sida di Skrang enggau di Undup, iya deka matak serang ngalah ka kuta Bugau. Sida nya tadi pan pulai enggau lantang ati, laban Linggir udah deka diambi sida matak bala besai nyerang bansa Bugau.
Udah pulai sida Skrang enggau sida Undup tu, Linggir lalu baum enggau semoa manok sabong ke dikarap ka iya bendar. Iya madah ka ngagai sida diri udah nyanggup ka ambi sida ari Skrang enggau sida ari Undup ke minta tulong iya jadi tuai serang ngalah ka Bugau ke udah ngaga kuta enggau kubau ba bukit entara menoa Ulu Undup enggau Ulu Ketungau. Ninga nya, Enchana ke bensumbar “Letan Pulas Mas” madah ka samoa sida menyadi enggau ngayau magang. Nambah ka sida nya sida sarumah bukai: Munji, Rajit “Moahari”, Sa “Panggau”, Tindin, Chabu, Beriak “Bintang Beguang”, Kedit “Rindang”, Luie, Mubok “Kendawang Ular Bisa”, Birai “Jawa Jambai”, Saing “Matahari” enggau Embit pan madah ka diri enggau ngayau magang.
Udah utai sikap magang nya baru Minggat seduai Menggin madah ngagai Linggir sida sedia samoa enggau senyata kayau. Ninga nya, nya baru Linggir lalu beburong tiga hari. Udah Linggir tembu ngibun burong kayau, nya baru iya mai samoa manok sabong iya nurun ari Paku meraka Batang Layar lalu melunggang ke Pelasok, ngili ka Skrang alah datai ka nanga. Ari nya sida mupok ngulu ka Undup nepat ka rumah orang ke ngambi iya dalam Sungai San.
Leboh sida datai ba rumah orang San, sida meda rumah nya endang udah penoh laban orang ari Skrang, Lemanak enggau Kumpang, ti sama nganti penatai sida. Orang nya datai die endang sikap enggau chukop bekal kena ngayau. Nyadi pemanjai rumah orang San bisi tiga puloh pintu. Ba rumah nya samoa anembiak Linggir dipedua ka orang endor sida dudok, awak ka sida diintu tiap pintu orang dalam rumah nya. Tuboh sida maioh nya alai enti sapintu dua alai sida begempuru, tentu enda tintu ka sida.
Aum Kayau:
Udah tembu makai malam sida ke datai, tuai rumah orang dia pen lalu ngempuru ka mensia maioh baum ba ruai iya. Bejako kena muka aum, ko tuai rumah, “nyadi malam tu kitai apin bisi randau bebatang tang semina berandau baru betemu awak ka kitai ngelala diri sama diri. Nama pangan bisi kala kena dinga tang tuboh nyengala enda kala dipeda, laban kitai nadai kala betemu”.
Ninga jako tuai rumah, Linggir empu lalu nyaut ko iya, “nyadi baka kami ke datai ari Paku, rindu bendar ninga jako nuan unggal. Kabuah aku jako nya, laban kami agi lelak agi ikak bekau bejalai jauh kitu ari menoa kami. Kedua agi aroh iya kitai apin bisi utai ke menyana dikejako, awak ka kitai dulu bekelala enggau berandau enggau diri sama diri dulu. Tang meh penyalah kami ke datai tu unggal tak puang basong, puang piso, nadai mai beras, laban kami enda baka ke datai ngena perau”.
Ninga saut Linggir, tuai rumah lalu nyaut ko iya, “Kami tuboh tiga ke ngambi kita suba tak enda chukop jako, tang kami endang enda ngasoh kita kiroh mai bekal kediri, laban samoa utai nya endang tanggong kami magang. Aku enda ngasoh nuan irau ati ka utai baka nya”. Nambah ka nya, ko tuai rumah, “enti naka sabulan rumah kami ditu kena tatam bala, unggal, kami agi tan,” ko iya.
Lepas jako nya sida pan lalu berandau ka burong kayau enggau lalu betusut kena bekalala enggau diri sama diri samalam-malam nya. Udah nya agi dini-hari nya baru tuai begerah ngasoh indu nyembui padi awak ka bisi tepong digaga ka penganan enggau lalu ngaga beras ka bekal bala ke ngayau. Pagi siti, barang orang ke endang udah bisi beras lama lalu ngerendam beras ditutok ka tepong, orang ke nadai beras lalu nyembui padi nitih ka gerah tuai rumah. Nyadi lelaki ke bujang pen nurun magang begiga ka upa, nginti enggau begiga ka jelu, lalu indu ke tuai agi mansai ikan enggau undang ke lauk bala. Orang ke tuai agi berandau enggau bala Linggir ke datai ari Paku.
Berandau Malam Kedua Sida Udah Datai:
Nyadi malam siti udah nya maioh agi ga penguang datai ari Skrang, Lemanak enggau Kumpang. Leboh sida begempuru malam nya, nya baru tuai rumah ngator penudok orang ke tuai betangkan-tangkan nitih ka ripih patut ba ati iya ba panggau ngalih ari pantar. Randau sida malam nya nyau ngerakit ngagai randau kayau. Pia mega penguang ke dudi datai nyau nanya ke penyampau tuboh bai Linggir ari Paku. Linggir madah ka penyampau tuboh sida lebih dua-puluh iko manok sabong ke dipilih iya empu.
“Kabuah kami kitu,” ko iya, “laban ba ujong bulan nyin suba, bisi sida ari rumah tu tuboh tiga iko datai ba rumah aku. Nyau jauh malam, abis jako bukai aku lalu nanya ka kabuah sida datai ari jauh ngagai aku. Sida lalu madah ka diri minta bantu aku nyerang bansa bugau ke lama bendar udah bemunsoh lalu dikayau sida, tang lalu enda ulih alah ka. Ninga pamerat kabuah sida nemuai, aku lalu nyaut. Enti kita datai semina naka pinta bantu aku enggau manok sabong aku, aku enda enggau kita, laban bansa Bugau ukai munsoh kami Paku, lalu kami enggai semina alai Bugau malas ngapa. Ninga saut aku, sida madah ka diri ngambi aku jadi tuai serang, ukai semina pinta bantu pia aja”.
Udah abis jako Linggir, nya baru tuai rumah orang Nanga San ke ngambi Linggir ka Paku bejako.
“Amat munyi ko unggal Linggir, kami tuboh tiga iko ari tu ke ngambi iya kin beguai bendar ari aum kami ke bekelingi rumah ditu. Kami nadai hari madah ka pengawa nya ngagai samoa kitai menoa. Kabuah kami ngambi iya kin, laban kitai menoa tu suah bendar udah nguji ngalah ka kuta Bugau tang lalu enda ulih alah ka kitai. Ruji pan enda ga munsoh laban kitai. Anang ka menoa sakayu Batang Ketungau kitai talah ka ke udah tu, semina kitai ari sepiak tu ke bulih pemedis enggau pengrusak kena kayau enggau tinong munsoh,” ko jako tuai rumah orang Nanga San.
“Nya alai ke tu, Linggir, udah datai ditu chukop enggau manok sabong pilih iya empu. Nyadi enti kitai semina pinta bantu iya enggau tubuh pia aja, iya empu enggau manok sabong iya enggai mantu kitai, laban bansa Bugau ukai munsoh sida. Tang kabuah iya nyau mai bala kitu laban kami tiga ke ngambi iya kin endang ngasoh iya jadi ka tuai serang kitai, chukup enggau manok sabong ke dipilih iya empu serta sida ke mutus berani magang,” ko tuai rumah nampong jako iya tadi.
Ninga jako nya, nya baru Itut tuai orang Undup bejako, “O…manah bendar nuan datai Linggir, aku gaga bendar meda nuan sinu lalu deka nyadi kepala serang kitai ngalah ka bansa Bugau. Nuan datai ditu pen endang mai samoa manok sabong ke endang masai disabong nuan empu ngelamatu kenyau ari terubah nuan matak bala menya. Semina nuan siko pen datai asai ba ati aku asai ka tuboh saratus iko”, ko iya.
“Nyadi tu naun jadi ka tuai serang kitai ngalah ka bansa Bugau ke ngaga kuta kena sida ninong kami disakayu Batang Undup tu,” ko Itut nampong jako iya tadi. Iya lalu ngasoh Linggir anang kakang ati ngator jalai kayau nitih ka iya ke ngena ba ati Linggir empu. “Kami ditu enda nyakang penemu nuan,” ko Itut.
“Nyadi tuai kayau kami ditu suah bendar udah nguji ngalah ka kuta bansa Bugau nya, tang lalu enda ulih alah ka,” ko Itut. “Nyadi Dayak Bugau maioh bendar tuboh lalu Dayak Kantu pan maioh mega tuboh ke lalu ditinggang Dayak Chengkang, Dayak Mengallang enggau Dayak Sebaru enggau Remun,” ko Itut. “Laban kuta nya lalu enda ulih alah ka kami, dini deh tuai kayau kami ari tu berani neresu ka diri matak kayau ngalah ka sida di Batang Ketungau. Kabuah ati kami bengat pedis, laban kubau nya digaga sida bengat ngalih ka menoa kami ke jadi sarang sida ngayau kami,” ko Itut. Nambah ka jako, ko iya, “enti kubau nya meruan enda alah, kami di Batang Undup tu tusah besai”.
Ninga jako Itut, Linggir lalu nanya iya munyi tu, “Kati kuta nya ngalih ari menoa kita tauka ngalih ari menoa Bugau?”
Tuai rumah orang Nanga San nyaut, “Kubau nya ba tinting tampong Bukit Kelingkang betangkup enggau Ulu Undup enda jauh ari rumah kitai ngalih ka spiak tu di Ulu Undup”.
“Kati ka pendiau orang dientigis Ulu Undup ngari ka kita spiak tu tauka ngari ka Bugau ari spiak nyin,” ko Linggir nanya baru.
“Ati orang Ulu Undup ngari ka kami. Tang munsoh ari nyin enda nganu sida. Pia mega, ko rita, enti kami ngayau kin sida Ulu Undup tu madah ka munsoh, lalu enti munsoh ngayau kitu, sida madah ngagai kami,” ko tuai rumah.
Udah tembu jako nya, nya baru Linggir nanya ngagai tuai rumah gaya penudok kubau. Ko tuai rumah kubau nya gangam bendar. “Aku enda kala meda pintu dalam nyin laban kubau nya besai bendar. Penyampau pintu kubau nya empat iti” Ko iya. Udah abis randau nya, sida lalu ngetu bejako ka pekara nya agi.
Ngiga Tambak Burong:
Nyadi pagi siti Linggir ngiga tambak burong Ketupong kanan enggau Beragai kiba. Tang kejang iya deka nurun beburong, iya dulu ngasoh orang nyendia ka perengka piring laban lemai siti sida dulu deka bedara. Ninga jako Linggir, tuai rumah pen lalu ngasoh indu sida sarumah betutok ka tepong, bambi ka ruas enggau begaga ka raran alai ngelulun asi pulit. Kena bedara babi siko ditangkap dibunoh ditanju ke dipeda atau. Langkau babi nya diatap ngena pua kumbu lalu atas perabong tuat ka menira. Udah nya baru tuai rumah miau ka manok niti rumah ngerah orang beranchau tikai ba sebelah ruai kasetak-setak apus rumah. Udah tembu beranchau tikai, perengka piring lalu ditanggong ari bilik ke lalu dibiau enggau manok kena ngerah orang miring. Kejang deka miring tuai rumah lalu mansut ka pinggai antu pala ke alai orang nugong ka pengaroh kena ngayau. Lepas nya tuai rumah lalu bejako ngasoh orang mai senyata kia ka magang engkah semak pinggai alai tugong pengaroh taring, tandok enggau batu. Udah samoa pengaroh enggau senyata digempuru ka dia, nya baru miau enggau manok udah nya babi siko ga dibunoh laban darah iya dikena ngenselan pengaroh enggau senyata.
Udah nya baru orang nyampi ngangau ka sida Keling sida Bungai Nuing, sida Laja sida Bungai Jawa, sida Sempurai sida Ngelai, sida Tutong sida Sanggol Labong ari Gellong enggau Panggau Libau, minta sida nulong berurus jalai kayau, ngambi ka iya chelap lindap, rurus alus, enda menawa enda seneka, enda tunsang enda balang. Udah tembu nyampi nya baru orang ngaga pandong alai engkah duku senyata kena ngayau. Tembu pengawa nya, nya baru sida makai lemai. Udah tembu makai tuai rumah lalu ngantong tali wa alai lemambang dua iko besaut ngagau ka renong kayau. Dalam leka renong dia lemambang ngiga manok sabong ke manah dulu. Orang diasoh ngintu manok nya sida ari Panggau Libau baka sida Keling, Laja, Sempurai enggau Pungga ke bensumbar Puntang Medang enggau orang ari Gellong baka sida Tutong, Ngelai, Sanggol Labong, Kumpang Pali enggau Gelayan ke digelar Ragak Riang.
Nyau tawas hari orang lalu bejalai melit rumah mansang nyugu babi, leboh tu, lemambang ke berenong pen lalu terjun ari tali wa seduai iya. Udah babi disugu, iya lalu digayang enggau atau iya lalu diulih ka, lalu dibai ngagai tugong tuai ke dudok dipanggau awak ka sida meda ka tujum iya. Udah atau babi dipeda, nya baru tuai Skrang, tuai Lemanak, tuai Kumpang enggau tuai-tuai Undup nanya ka tuku iya ba ati Linggir empu.
Ko saut Linggir “pasal atau babi tu mar bendar aku nyaut, nyebut iya manah aku enda berani………awak ka naka nya saut aku,” ko iya.
Udah tembu meda ka atau babi, Linggir lalu bejako enggau Itut enggau dua iko tuai ari Kumpang ko iya, “nuan tuai rumah enggau Itut sama enggau aku nurun saharitu. Kitai tiga ngaga langkau burong enda jauh ari rumah tu.”
Lepas nya baru Linggir bejako enggau Enchana “Letan Pulas Mas”, tuai manok sabong iya ari Paku, ko iya, “nuan Letan sama enggau kami tiga Itut enggau tuai rumah tu ninga ka burong”.
Sida empat sama nurun tang mai anembiak empat iko awak ka bisi berapi ka sida. Nyadi bala maioh apin diasoh Linggir nurun ari rumah. Udah sida ngejang ka rumah nyau enda datai manok bemain agi, dia sida ngetu ngusok, makai pinang, udah nya baru sida mupok bejalai baru. Nyau kelama sida udah bejalai ketupong kanan bemunyi. Ninga nya Linggir lalu enchabut tambak burong. Udah nya sida anembiak empat iko lalu belangkau. Tembu belangkau, dua iko anembiak lalu ngambi daun ka dibai pulai ka rumah diberi ngagai tiap pintu sida sarumah. Ngena daun nya indu mandok telu manok ke dibai ngagai sida empat ke ngibun burong tadi.
Note : Nitih ka adat tuai Iban, udah burong bisi didinga orang ke ngibun, orang ke bujang biak diasoh sida mai daun ka rumah kena minta telu manok, ikan enggau undang ulih mansai enggau asi ari rumah. Ngena daun lalang ke dibai bala bujang biak nya tadi, indu nguji ka pemandai diri mungkus asi enggau lauk dalam putong. Putong nadai dipeda laban dibalut sida enggau rampang bunga. Nyadi samoa rumah bukai ke semak jalai kena pansa nya alai minta utai magang enti orang ke ngibun burong nya maioh tuboh. Kedua hari udah tuai ngibun burong, nya baru samoa tuboh ke enggau ngayau nitih ka sida kia. Udah chukup tiga malam sida udah ninga Ketupong kanan, hari ka empat sida lalu angkat ninggang Beragai kiba samalam ke dikumbai Sandik Belantan Chawit.
Ditu menoa munsoh nyau udah runggang satengah jalai. Angkat ari nya, nya baru sida ngiga endor diau. Malin bejako madah ka kubau Bugau enda berapa jauh ari nya. Ninga nya Linggir lalu mai bala mansoh. Iya enda ngasoh bala inggar, enda ngasoh sida ngambi kayu idup kena berapi awak ka nyamai kena berapi malam hari. Siang hari nya sida agi makai asi pulut ke diberi indu tadi. Malam nya Malin diasoh Linggir ngulu ka orang ke berani nya ngikup, bejalai sebarang tunga. Enti sida niti jalai raya nunga ka kubau Bugau sida enda tau enda bejimat enggai ka temu munsoh.
Nyadi bala sida ke ngikup nya Enchana “Letan Pulas Mas”, Menggin Apai Riah, Belalih enggau Rajit “Moahari”. Udah pulai sida ngikup, malam nya Linggir mai tuai-tuai baum udah tembu makai lemai.Ba aum nya, Linggir ngasoh enchana tiga Menggin enggau Rajit nusoi rita sida ke ngikup.
Saut Enchana, “kami ke ngikup ko ati kami tak bejalai sabelah babas meda ka bekau munsoh. Nyau kelama kami udah bejalai, kami nyau bisi ninga auh gendang sida. Udah kami ninga nya kami lalu mulai ka diri.”
Nya baru Linggir bejako baru nanya ka penyauh kubau ari palan sida. Saut tuai-tuai orang empu menoa madah enti serta udah badu makai pagi sida angkat ari nya, urong tengan matahari niki datai ga sida din.
“Kati ko kayau kita ngelamatu, ni maia hari kita angkat ari tu?” ko Linggir. Saut sida , serta badu makai pagi, urong tengan matahari niki baru kami nuntong ba kuta. Linggir lalu ngasoh sida nusoi macham kubau.
“Kami semina meda nya ari luar, kami enda kala tama ka dalam”, ko sida. “Tang ko tusoi orang Ulu Undup kubau nya alai munsoh diau. Kayu bepangkat-pangkat ka dinding enggau parit dalam enggau besai digaga sida ngelingi kubau nya”. “Kuta nya enda berapa tegap”, ko sida, “enti iya ulih ditama utai dalam nyin nadai tentu mar, semina pintu tiga iti ke kukoh bendar ari belakang pangkat kayu”, ko sida.
Udah nya Linggir nanya ka macham ator sida ngalah ka kuta nya dua kali ke udah. “Baka tu ko kayau kami ditu alai kami seruran rusak berarai”, ko sida. “Udah badu makai pagi kami lalu beradu. Orang ke ngambu dulu enda ngambu nepat pintu kuta. Tang pintu kuta nya lalu enda kala ulih pasok sida, nya alai endor kami bamok ba moa pintu nya. Nyau kepuas udah betikam, bala kami rari ke lalu dititih ka munsoh”. Nya rita ke ditusoi tuai rumah orang San.
Udah nya baru Linggir madah ka bala apin sempat angkat sahari pagila, “Tang nuan Enchana mai orang ngikup baru laban kitai enda nemu skali ka munsoh bisi nginau sebelah babas ninga ka bala kitai. Nyadi enti kita bisi nemu sida, enti sida maioh tuboh tau laban nyangka nasip bisi. Enti sida enda maioh tuboh anang nitih ka sida enggai ka kayau kitai regu”.
“Nyadi penyampau tuboh bai nuan anang lebih ari sapuloh iko. Nyadi enti kita ngelaban sida betuboh maioh ngena tuboh mimit, bulih pen kita pala nadai ga guna, laban kuta sida apin alah laban kitai,” ko Linggir.
Nyadi hari sida Enchana ke ngikup, Linggir mai anembiak iya siko ke benama Janang beniat ngagai tuchong Bukit Tiang laju. Seduai iya berumban bendar bejalai. Datai seduai ba kaki tebiang kejang deka niki ka tuchong bukit, dia Janang ikak nyau luput lalat. Meda nya Linggir lalu kediri niki ka tuchong. Datai din peda iya indu siko nyau beselat uban benong mandi nyepoh ka buok iya atas telaga. Ninga Linggir, indu nya lalu malik, lalu nanya ka penatai Linggir dia. Linggir lalu nusoi diri deka nyerang Bugau ba Tinting Kelingkang entara Ulu Undup enggau Ulu Ketungau.
“Eh, nadai nya utai ngasoh nuan irau ati Linggir, tak nadai siko orang tunga kia berani nantai ka jari ngelaban nuan pagila”, ko indu nya. Iya lalu nyua ngagai Linggir pugu entemut siti ka emplias kena ngelaban munsoh. Nambah ka nya, ko indu nya, “siko pan nadai meh anembiak nuan rajai laban munsoh ila, nya alai anang ngasoh sida takut bamok”.
Udah nya iya madah ka diri Kelinah ke ditelah Indai Abang ke endang ngemata ka kayau Linggir berari ari. Pulai Linggir ari tuchong bukit, datai iya ba enggal tanah ke alai Janang luput, peda iya Janang udah gerai. Seduai lalu berumban baru mulai ka diri ngagai bala besai. Malam nya Linggir mai bala tumu tindok laban malam siti iya deka mai bala nyurong semak agi ngagai kuta Bugau.
Nyau tawas hari, Enchana seduai Menggin enggau Rajit seduai Mubok mai sida bukai ngikup baru. Tuboh sida ke ngikup to sapuloh iko tang sahari nya sida nadat tetemu ka bekau munsoh, nya alai sida jampat mulai ka diri ngagai bala besai. Udah badu makai lemai nya, nya baru Linggir mai bala baum. Dalam aum tu, Linggir mai sida angkat ari langkau nya apin merekah pajar lak ka sida nuntong ba kuta nya leboh munsoh baru dani enggau sabagi apin dani.
“Nyadi kita tuboh dua puloh ke dibai aku ari Paku, aku enda ngator kita. Kabuah aku jako nya, laban kita udah puas disabong aku, lalu pemutus ati kita siko-siko temu aku magang. Nyadi enti kita lantang kita anang enda masok ka dalam kuta. Nyadi kita menoa tu, ni ko ator tuai kita empu ngator anembiak diri”, ko iya.
“Nyadi kitai nyurong tu anang mai basong, semina beka diempa sahari pagila aja tau bai. Tang sapa kita enda manah mimpi awak ka iya tinggal ngibun langkau kayau kitai tu, anang neresu ka diri ngelaban munsoh. Malam nya bala maioh enda tindok, laban deka betenggau ngena api nyurong ngagai kuta. Dini-hari mabu sida pan lalu nyurong. Datai ba kaki kuta dia bala bebai ka kayu kena niki kuta.
Hari pen merekah pajar, bala Enchana ke ngambu dulu pen lalu nuntong ba moa pintu kuta. Datai sida dia sida lalu ngentak ka kayu kena sida niki lalu terjun ka dalam kuta. Maioh bendar manok sabong Linggir ke dibai iya ari Paku masok ka dalam kuta. Leboh sida masok kuta tu, munsoh baru satengah udah dani. Sakeda sida agi tindok. Dani munsoh, barang sida ka deka pansut ari pintu lalu dientak ka bala Linggir dia magang. Nyau kalama udah bamok, nya baru munsoh muka pintu kuta ke jalai sida rari. Leboh tu kubau udah tebelit laban bala sida Enchana, bala sida Briak enggau bala sida Birai. Nyau puas ka bamok nya baru bala Bugau alah. Samoa pala ulih bala Linggir 91 igi.
Nyadi Belalih seduai Menggin ke nganti munsoh ba moa pintu kuta, barang munsoh ke pansut dipantap seduai iya magang. Dia Belalih bedengah rawai lima, Menggin rawai tiga, kubau pen lalu alah. Nyadi bala manok sabong Linggir bukai pen maioh ga bedengah didalam enggau ari luar kuta, taja sida mar bendar munoh munsoh ke rari sereta ka dalam babas. Bala munsoh ke rari ke dalam babas lalu dititih ka bala Linggir. Tang sida ke kelalu jauh nitih ka munsoh maioh kena tebak tukak, nya kabuah leboh Linggir nyerang Bugau, anembiak iya semina bakal ditebak tukak. Tu ka empat kali Linggir matak bala.
Rambau Linggir nyerang Bugau, Tuan Rajah James Brooke baru dua taun udah merintah menoa ari Tanjong Datu ngagai Batang Samarahan ari 24hb Sembilan, 1841. Menoa bagi kedua tu agi dipegai tuai Iban enggau tuai Melayu empu. Agi apai iya Uyut nyadi tuai Iban Paku ili enggau Anyut sabedau Rajah James Brooke datai di menoa tu kena 15hb Lapan, 1839 Uyut endang udah bepangan enggau Datu Laksemana Amir, tuai bansa Laut di Buling dalam pegai Saribas. Sida endang sama bekaul dalam pengawa dagang enggau pengawa nyaga menoa. Bala Laut Saribas mega endang nyadi ka malin sida Uyut leboh ka mindah pansut ari Nanga Saribas ngagai menoa bukai laban bansa Laut tu endang nemu tunga menoa sabelah tebing tasik. Kaul tu mega ditampong Linggir empu ke begulai bendar enggau bala sida anak Datu Laksemana Amir baka sida Abang Apong seduai Abang Gudam.
Raja James Brooke Nyerang Padeh, Paku Enggau Rimbas:
Kategal pengawa Iban Saribas enggau Skrang ke deka bendar nyerang menoa orang ba sabelah tebing tasik bakatu, nya kabuah Raja James Brooke mai bala sedadu tasik British ke diulu ka Captain Henry Keppel ngena kapal HMS Dido mudik Batang Saribas lalu nyerang rumah OKP Dana “Bayang” di Padeh, rumah Linggir “Mali Lebu” di Paku enggau rumah OK Gun “Mangku Bumi” di Nanga Tawai pati Sungai Rimbas.
Leboh serang Rajah James Brooke ke terubah iya tu, Uyut endang enda dapat agi ngulu ka bala, laban iya endang udah tuai bendar. Nya kebuah iya ngasoh anak iya Linggir ke agi biak ngulu ka bala belaban enggau bala Raja. Linggir enda ngasoh bala manok sabong iya nerusu ka diri ngelaban bala Raja tang nyurut ka diri ka Ulu Anyut enggai ka bala indu anembiak iya bebadi. Iya semina ngasoh bala manok sabong iya ngipa munsoh nyangka ke bisi berani nitih ka sida. Sida sempat ngelalai ka bala anembiak redak laban ti dipadah ka bala Laut ari ili rita bala Raja James Brooke bisi datai nyerang sida mai bala Balau, Iban Lundu enggau Laut Kuching.
Bala sida Rajah Brooke datai ngena kapal besai ti benama HMS Dido betuai ka Captain Henry Keppel ke mai bala soldadu laut British. Leboh serang Raja James Brooke tu bala Linggir nadai bebadi. Semina rumah Uyut di emperan Kerangan Pinggai ditunu bala Raja serta enggau sakeda kayu buah ti ditanam sida ngelingi rumah bisi ditebang bala Raja. Leboh tu tampun antu pala Lanchang apai Lanjing angus lalu pia mega Kenyalang lama niang Saang laki Selaka ke ditaroh Uyut pen lalu angus dibai rumah ke ditunu bala Raja.
Di Padeh, ke dulu agi diserang bala Raja, OKP Dana “Bayang” mega nyau tuai bendar, nya alai bala iya betuai ka Ajie, Nanang enggau Luyoh nan ka kuta di Nanga Padeh. Kuta tu alah, tang orang nadai bebadi laban endang udah sedia ngelari ka diri. Bala OK Gun “Mangku Bumi” pen alah mega di Tawai.
Sida Raja nyerang Padeh, Paku enggau Rimbas dalam 10 hari aja. Kabuah Raja James Brooke nyerang Saribas enggau Skrang maia tu laban sida deka ngerembai serta ngukoh ka kuasa iya ke nyadi Raja merintah menoa Sarawak tu lalu ngasoh tuai-tuai bukai talok serta nerima Rajah James Brooke nyadi Raja menoa tu. Sabedau tu, semina Laut Kuching anggau Iban Lundu enggau Balau di Banting udah nundok ka perintah iya. Nya alai sa-agi agi tuai Iban enggau Tuai Laut menoa tu enda talok ka perintah iya, penudok iya ti nyadi Raja menoa tu lalu enda kukoh ba runding iya….(jako kenang Captain Henry Keppel dalam surat dairy iya).
Udah bekau ka belanggar di Saribas tu nya ngujong ka OKP Dana Bayang enggau Linggir “Mali Lebu” dikangau ka Rajah James Brooke ngagai kapal iya di Tanjong Sabuloh dalam kandang Saribas Ili ngasoh seduai iya nyerah ka diri nundok ka Parintah. Tang iya enggai nyain surat ti ngasoh iya nyerah laban iya agi enggai nundok tau ka ngelala Perintah ti di pegai Rajah Brooke.
Lalu maia nya mega Rajah James Brooke bisi nulis pasal seduai ti munyi tu: “Orang Kaya Pemancha Dana Bayang ari Saribas diatu bisi lalu ngagai aku ….iya tu orang ti pemadu iya diketakut ka serta mega pemadu berani. Iya enda besai gamal lalu pendiau iya likun serta umur iya nyau tuai. Lengan kanan iya singkong lalu tuboh iya penuh laban litan abi pantap serta abi tumbok sangkoh. Aku deka bendar berati serta merening gamal iya, lalu ari semua tuai bukai dalam batang ai nya, ba runding aku, iya siko tuai ti pemadu pandai serta lurus ngiring bala anembiak iya.”
“Siko agi tuai bansa asal ti sama bisi lalu ngagai kapal aku iya nya Linggir. Tubuh iya baroh serta manah bendar di peda. Mata iya gining-gining baka perening mata ular bisa leboh iya duduk atas deck kapal. Aku enggai badu merening ulah iya ti likun laban ari perening mata iya ti tajam bisi pangering, pemintar lalu nemu beparagam ka utai dudi hari ila. Silak mata iya mit serta tajam indah baka jarum kompas.”
Sama datai maia tu mega tuai siko ti benama Linggi ngari ka sida ari Skrang laban Libau “Rentap” enggai meda orang kulit putih. Leboh ka betemu Rajah James Brooke madah ka tuju iya mesan ka semoa sida ngagai kapal iya. Iya minta Iban Saribas enggau Skrang badu agi ngayau. Sida tiga sama nadai batang saut ba pekara tu laban nemu diri bedau deka di pegai bansa orang bukai. Lalu pia mega pengawa bebaik tu enggai digaga naka nya aja, laban maioh pengerusak udah nyadi. Sida tiga semina ngau ka Raja aja, tang nemu maioh pekara patut diadu ka dulu bedau bebaik baka pengawa megai serta ngemansang ka menoa baka ka diasai kitai ke diatu.
Tuju Raja Brooke maia tu semina deka nyekat pemindah Iban Saribas enggau Skrang enggai ka ngaga pengachau lalu iya ulih numpu ka pengawa iya ti ngerembai ka kuasa iya ngagai menoa bukai dalam menoa Sarawak tu. Ari nya tadi iya tau ngukoh ka penudok iya ti nyadi Raja megai menoa Sarawak.
Dua belas bulan udah nya, kena 8hb Lapan, 1844, sida Raja James Brooke datai baru tang sekali tu sida masok Batang Lupar lalu nyerang Sherif Sahap di Patusan enggau Sherif Mullah dalam Undup lalu betempoh enggau Iban Skrang ba endor ke dikumbai Kerangan. Leboh ke nyerang Undup, bala Sherif Sahap enggau Sherif Mullah nadai nan tang ngelari ka diri. Leboh ke nitih ka bala Sherif Mullah rari, siko bala soldadu tasik British ke bepangkat Lieutenant benama Wade parai. Leboh ka betempoh enggau bala Iban Skrang di Karangan bala Raja maioh bendar parai. Nitih ka tulis Captain Henry Keppel empu, bala sida ke parai iya nya Mr. Steward, bala Laut 30 iko nyengkaum tuai sida ke benama Datu Patinggi Ali enggau tiga iko bala kelasi kapal.
Linggir Mai Bala Ngalah Ka Raja James Brooke Di Kuching:
Dalam taun 1847, Linggir mai bala 60 iko ka Kuching. Tuju sida tu endang deka ngulih ka pala Raja James Brooke empu di astana iya di Kuching. Linggir empu mega endang enda puas ati laban ka enda diasoh Raja James Brooke ngayau agi. Nambah ka nya Raja James Brooke pen nadai ga mai sida mindah ngayau ngalus ka menoa bukai, lebih agi mai sida ngadu ka pemansang menoa. Nya alai iya nyau berunding ngiga jalai munoh Raja James Brooke lalu ngambi pala iya dikena iya mantup ka pemerani ati diri nyadi tuai Iban Paku. Nyadi malam sida datai di Kuching, iya lalu ngulu ka bala iya niki ngagai astana Raja leboh Raja James Brooke makai enggau akan iya dua iko, James Brooke-Brooke seduai Charles Johnson Brooke.
Meda bala Linggir datai ngenyit, Rajah Brooke ngelalu ka sida lalu ngasoh sida dudok ba geladak berintai-rintai ngelingi mija ke alai sida menyanak nya makai. Laban penatai sida nya, Raja irau serta rawan bendar ati. Iya belaba ka Linggir enggau bala iya jai ati deka ngalah ka astana iya. Laban nya iya bejako enggau pengibun astana iya siko, ngasoh iya madah ngagai Datu Bandar seduai Datu Temenggong, awak ka sida mai bala mantu penusah nya enggau jampat. Leboh bala Datu dua iko nya datai enggau bala 60 iko kia, Raja James Brooke madah ka Linggir enda patut mai bala ka astana iya malam hari enda ari padah dulu. Iya lalu ngasoh Linggir mai bala iya pulai enggai ka sida diamok bala Datu. Enggai ka bala manok sabong iya bisi bebadi ditimbak bala Raja dia Linggir lalu mai sida pulai ngagai perau sida di pangkalan astana. Tang ati sida enda lantang laban ringka ke digantong dalam perau iya enda endor engkah pala Raja James Brooke. Sida lalu pulai ka menoa.
Di rantu ai sida lalu munoh laut ka berikan di nanga Sarawak. Datai dimenoa, iya lalu madah ka ati diri enda tembu laban niat ati iya ke deka bedengah Tuan Raja empu enda ulih dikerja iya. Nya alai iya berunding deka nurun nyayau baru ngelaban semaia iya enggau perintah Rajah James Brooke.Leboh maia tu mega, nitih ka almanac negeri Sarawak, penyampau mensia ke diau di Kuching maia tu udah manggai ngagai 8,000 iko. Lalu menoa ke dipegai perintah Raja Brooke udah ngerembai air Kuching ngagai Sungai Oya.
Belanggar Ba Ujut Beting Maro:
Dalam taun 1849, lebih dua taun udah ke mai bala niki ngagai astana Raja James Brooke, Linggir nurun baru ngayau beripa enggau lalu deka ngalah ka Igan, Matu, Paloh, enggau Sarikei. Sida ke nurun tu udah tembu nebas umai bukit. Semoa perau pengayau anembiak Linggir leboh tu lapan belas buah ari Paku, Layar, Skrang enggau Rimbas. Datai sida di Nanga Rajang sida lalu ngalah ka Igan, Palog enggau Matu. Ari nya sida lalu mudik deka ngalah ka Sarikei. Datai sida dia, sida nemu munsoh udah ngadang sida datai, laban dipadah ka munsoh ke bisi rari ari Paloh. Udah nya sida lalu betempoh enggau munsoh, munsoh enda alah, nya alai sida lalu mulai ka diri guai ka ngalah ka kampong Duri ke apin lama udah alah laban bala OKP Dana “Bayang” enam bulan dulu ari tu, dalam Sadong enda berapa jauh ari nanga.
Datai bala sida Linggir ba Nanga Kalaka, dia sida iya tepeda ka bala Raja James Brooke bisi ngipa sida ngena empat puloh buah perau. Rajah Brooke empu ngena perau ke benama Singa Raja ke ulih ngundan lapan puloh iko, lalu Charles Brooke ke enggau ngipa leboh tu nepan perau ti benama Raja Wali ke ulih ngundan enam puloh iko. Udah bala Raja James Brooke berengkah nimbak sida, Linggir lalu mai bala rari nuju Nanga Saribas ke endor sida betempoh enggau bala Raja ke endang udah ngipa dia ngena kapal Nemesis, Albatros, Ranee enggau empat puloh perau Dayak Balau, Lundu enggau Laut.
Meda utai nyadi bakanya, Linggir lalu ngasuh bala mayuh ngelanggar ka perau sida ngagai tebing pasir Beting Maru, lalu ngasuh semua bala ngelarika diri bedarat nuju Nanga Undai beserayong ka malam. Ari nya, ko runding sida ke rari nya, sida bedarat nepat Ulu Sungai Undai pati Rimbas, entara enggau Batang Krian. Bala pengayau ke bedarat tu mega mai prapasan enggau tangkap ke ulih sida ngayau.
Meda bala Raja balat bendar nimbak, Linggir lalu mai perau iya enggau perau Abang Apong nempoh kapal Nemesis awak ka sida badu nimbak bala ke lari bedarat. Bala Linggir enggau bala Abang Apong nguji deka niki ngagai kapal Nemesis nya tang enda ulih laban bala kelasi kapal nya balat bendar malu sida. Kapal nya lalu enda ulih tiki bala Linggir, nya alai sida lalu bekejang rari nama Batang Saribas. Taja orang ari kapal balat bendar nimbak sida tang perau enggau sida iya empu nadai kena laban leka mariam.
Maya tu mega perau bala pengayau ari Skrang nguji ngelarika diri meraka Nanga Saribas nuju Nanga Batang Lupar. Nya ke ngasuh bala pengayau ari Skrang bisi tasah bebadi ditimbak bala pengayau ari perau bala Laut, Iban Lundu enggau ari perau bala Balau. Taja pia, perau bala Apai Dendang enggau perau bala Pengelima Linggi ari Skrang mujur ngelarika diri laban hari nyau petang bendar. Bala sida Rajah James Brooke enda berani nitih ka bala Linggir ngelaban malam.
Udah sida lepas ari semoa pemar, nya baru anembiak Linggir ke lari ngena perau masuk Batang Saribas lalu mangkong setawak ngena “Pangkong Kumbai” kena madah ka jalai pulai ngagai menoa diri ngagai bala ke bedarat pulai malam nya. Setawak ka dipangkong sida nya digelar sida “Bunsu Remaung Negong” ke agi dikembuan penulis tu di bilik sida di Krangan Pinggai, Paku, Spaoh dalam menoa Saribas.
Nitih ka rita ti ditusoi B. Urban Vigors ngagai Editor London Illustrated News, ke bisi enggau dalam kapal Albatros maia nya, dia iya madah ka bala Rajah James Brooke mai tiga buah kapal besai, iya nya kapal Nemesis, Albatros enggau Royalist. Tuju sida tu iya nya nyerang bala munsoh ke bisi ngaga pengachau dalam Batang Rajang. Sida iya angkat kena 24hb. July, 1849. Datai di Lingga, sida ninggal ka kapal Royalist dia dikena nyaga bala Balau ke diau dia tinggal bala manok sabong sida ke dibai Raja ngayau. Sida Raja angkat ari Batang Lupar kena 26hb July, 1849 lalu nuju Nanga Saribas ke alai sida semaia beranti sabedau belayar ke Nanga Rajang. Leboh ka beranti dia, siko tuai bansa Laut menoa nya bisi datai ngagai sida lalu madah ngagai Raja sida bisi meda 107 buah perau Iban Saribas enggau Skrang mansa sida dia nuju Tanjong Sirik deka nyerang orang ba sabelah Nanga Rajang.
Ninga rita nya, Rajah James Brooke lalu ngambi ulih ba maya nya mai bala iya ngipa sida Linggir pulai ngayau ba Nanga Saribas dia. Raja James Brooke lalu ngasoh Captain Farquhar ari Kapal Nemesis ngator ipa sida dia. Sida nemu sida Linggir enda tau enda pulai nengah Nanga Kalaka tauka Nanga Saribas. Nya alai Captain Farquhar ngator Raja James Brooke ngena perau Singa Raja enggau anak menyadi iya, Charles Brooke ngena perau Raja Wali mai 40 buah perau Dayak Balau, Dayak Bidayuh Selakau ari Sadong enggau Laut Kuching ngempang Nanga Kalaka enggai ka munsoh lari kia. Sida Captain Farquhar empu ngena kapal Nemesis, Albatros, Ranee, 40 perau soldadu tasik British enggau perau Iban Lundu ngipa ba Nanga Saribas. Sabuah perau ti pemadu iya laju dipilih sida nyadi ka wan ai lalu diengkah ka ba Tanjong Sirik ngemata ka penatai sida Linggir. Enti sida Linggir bisi ayan, sida lalu beguai nesau bala Raja ngasoh sida sedia negah munsoh lalu muru sida ngagai Nanga Saribas ke alai sida iya lalu besatup enggau bala besai ke ngipa dia.
Ditu pulai ka pun baru jerita. Nyadi leboh sida anembiak Linggir deka ngalah ka kapal Nemesis tadi, ipar Linggir empu ke benama Chabu lalu laboh ka ai lalu enda sempat niki ngagai perau agi. Iya lalu rarat dibai ai ka tasik kin. Nyau kelama iya udah nyemerai alai iya nemu apong balu ke alai iya nepan. Ngena nya iya rarat ngagai maia ai pasang ke mai iya ketebing ka baru. Pagi siti orang ke ba kapal Nemesis tepeda ka iya empakap ba apong nya. Sida lalu ngepong iya ngena sampan mai iya pulai ka dalam kapal. Datai ba deck kapal dia tuai Laut siko minta minoh iya ngagai Tuan Rajah seduai Captain Henry Keppel. Tuan dua iko nya enda ngasoh orang munoh iya. Pedis ati ninga tuai laut nya deka munoh iya, Chabu lalu numpu dada laut nya ngena tumbit iya, ke ngasoh iya luput dia. Chabu pan lalu di kurong Raja dalam pelekah kapal nya.
Ari samoa perau sida ke pulai ngayau tu tadi semina perau Linggir empu enggau perau Abang Apong ulih mulai ka diri ka menoa. Perau orang bukai karam lalu penepan iya tasah magang. Nyadi sida ka betempoh tu tadi leboh tengah malam lalu sadini-dini hari 31hb Tujoh, 1849. Hari siti kena 1hb. Lapan, 1849 bala Raja lalu bambi ka perau bala Linggir ke karam ditasik. Ngena nya sida mudik nitih ka perau Linggir enggau perau Abang Apong ngulu ka Saribas. Sida lalu mudik Paku, datai ba tumpok laut di Nanga Buling lemai 2hb Lapan, 1849.
Di Nanga Buling dia Raja ninggal ka kapal Nemesis enggau perau ke besai ke ngundan ubat meriam. Leboh sida mudik Paku ngena pasang hari siti, Chabu ke udah kena tangkap di Maro tadi lalu ditinggal ka Raja dalam kapal nya dijaga bala kelasi iya. Leboh sida datai ba Nanga Ketunsong ari ili Nanga Matop, dia bala Raja nemu pengerebah udah rebah ngalit ka Batang Paku ditebang bala Linggir. Laban tu pemudik sida lalu janggal. Batang Kayu maioh bendar, batang ensurai ngenjing babesai ngalit ka ai, ke dipungga bala Sebuyau ari Lundu enggau Samarahan, bala Balau ari Lingga enggau bala Bidayuh ari Sadong. Sida mungga pengerebah nya sahari kenapat ke ngasoh sida mudik naka Lubok Peka.
Lemai nya bala Linggir di Krangan Pinggai ninga bala Raja udah betatam ba Lubok Peka. Iya lalu ngasoh Enchana “Letan Pulas Mas” seduai Gerijih Apai Landan nginau munsoh. Seduai iya nurun tang ati seduai rawan bendar, datai ka tanah asai benyut-benyut ditengah seduai iya ko tusoi seduai. Datai ba juol tanah atas Lubok Peka, dinga seduai Raja enggau Captain Keppel benong baum enggau bala seduai. Sida benong bejako ka sapa dikarap ka ngambu dulu betiki pagila. Nyadi ko OK Janting didinga bejako madah ka bala Balau enda ngambu dulu, laban ko sida dua iko biring sempidan rikut-rikut ngair ba tengah emperan datas. Nyadi ko saut OK Temenggong Jugah ari Lundu enti anak Balau enggai ngambu dulu, lak ka kami anak Sebuyau Lundu dulu ka bala pagila.
Udah tembu jako nya, Abang Hassan, tuai laut Sarawak, bejako madah ka sida ke ngambu dulu enda tau enda belabong kesumba kuning. Urong pukul delapan pagi ko iya, “sapa ari ulu tauka ari ili dulu pegari pansut panjong, nya maut”. Udah abis jako nya, Gerijih seduai Enchana lalu beguai mulai ka diri kulu ka. Datai seduai dirumah, seduai nusoi utai dipeda enggau jako bala Raja didinga seduai iya. Ninga nya Linggir lalu mai anembiak iya baum ngeram ka ipa pagi siti. Ninga nya baru Laksemana Amir ngebak ka ketika iya. Dipeda iya ari ketika manok sabong ke manah bulu enda tau enda diasoh dulu ngeram ka ipa. Tang kita tiga enda tau enda belabong kesumba kuning.
“sapa ari ulu tauka ari ili dulu pegari pansut panjong, nya maut”, ko iya.
Nyadi bala Linggir nadai maioh. Kabuah pia laban samoa orang ulu Paku enggau Anyut agi tasah sabelah utan ba entara Rimbas enggau Batang Krian enggau ba sabelah ulu Sungai Undai pati Rimbas. Nyadi orang Paku ili udah belalai sabelah ulu Sarudit, Sekundong enggau Luban magang, nadai enggau ngelaban bala Rajah. Pagi siti agi urap ari bala Linggir nurun ngeram ka ipa nebing ai Peka. Endor sida ke ngipa tu jerami, benong daun pumpun munti ke ngelindong pala sida ke nan dia. Nyadi anembiak ke apin bujang, Muking, Saang enggau Mula asoh sida nguyat puchok nangka ba kaki tangga tembawai rumah ba munggu ari atas sida ke ngeram ka ipa.
Serta sida udah ngeram ka ipa, peda niki Bunsi ke lalu ditangkan ka Tujang seduai Kalong sama anak OK Temenggong Jugah empu. Sida ke niki tu lalu tepeda ka puchok nangka beguyat ditiki bala anembiak mit tadi, nya alai sida lalu beguai bejalai nuju nya. Leboh Bunsi mansa Kedit “Rindang” ke belindong ba pun munti tang dipeda iya lanjai burong ruai, iya lalu tegepang, Kedit pan lalu mumpong iya kemaia nya ke ngasoh pala Bunsi lalu putus dia. Bukang iya belanda nadai agi pala ko tusoi sida ke tuai menya bulih tiga depa penyauh. Nyadi Kedit ke mumpong Bunsi nya tadi nyau ka belaboh alu enggau Belalih ke ngeruroh Bunsi enggau sangkoh iya.
Udah parai Bunsi, Tujang lalu mansang ka moa, ke lalu betemu enggau Abang Apong. Seduai iya sama enda sempat mantap pangan laban udah kelalu semak. Nya alai seduai lalu berekak, tang sama enda terebah ka pangan. Nyau kepuas seduai ke deka ngerebah ka pangan, nya baru Abang Apong nyu ka Tujang, ko iya “alau Linggir”. Linggir lalu mantap pala Tujang kena pending putus, abi iya lalu ngerampit keruntok pala. Tang Tujang ke landik bendar nyilat agi dapat muai diri ngagai Sungai Peka. Ai sungai nya leboh nya agi benong pasang menoh. Linggir lalu mantap iya baru, tang pedang iya sukar, nya alai pedang Tujang ke nyilat pantap Linggir ngena ka dekuan Linggir ke balat bendar bedarah. Linggir udah nya nyau deka mabok darah.
Nyadi Tujang mati ba ai Peka. Pala iya lalu enda ulih pumpong Linggir laban senapang batu bala Raja lalu nimbak menimbak. Sigi peluru senapang nya kena Abang Gambong ke lalu ngebus ka bau iya. Udah Abang Gambong balat bakal, sida lalu rari mai Abang Gambong pulai bedarat kulu. Ari Krangan Pinggai sida lalu naban ka Abang Gambong merau ngulu ka Sungai Anyut. Abang Gambong mabok darah, agi idup, tang meda iya enda ulih ubat, sida numbak ka iya atas Lubok Engkala ari ili munggu Engkerebai dalam Anyut.
Nyadi samoa bala Linggir nyengkaum iya empu nan di Nanga Peka 18 iko aja. Bala Raja agi nitih ka sida kulu, datai di Nanga Anyut lalu nunu rumah Majang apai Juing ba kepit Anyut enggau Paku. Ari nya sida lalu mulai ka diri kili. Datai sida ba pangkalan sida di Nanga Peka, siko sida tindik ka pengaraih senapang batu lalu meletup. Leka peluru nya lalu kena dada ipar Bunsi seduai Tujang ke ngasoh iya parai dia. Nyadi OK Temenggong Jugah meda anak iya dua iko enggau menantu iya siko udah parai, nyabak. Iya lalu minta diri pulai mai bangkai sida nya sahari nya ka Lundu.
Tang ko Raja, “Anang tusah ati Orang Kaya, anak nuan mati berani, laban ngering ka adat menuku. Udah nya OK Temenggong Jugah enggau bala iya lalu pulai mai bangkai Bunsi, Tujang enggau ipar sida iya. Semina Kalong enda pulai laban iya agi deka bebalas ka menyadi iya ke udah dibunoh Linggir. Udah nya bala Raja pen lalu mulai ka diri. Datai sida di Nanga Buling dia siko Negro mati kena timbak senapang batu sida iya empu. Bangkai Negro tu lalu di tumbak ka sida ba pendam Melayu di Telok Semang ke diengkubang Bajut ke bensumbar “Ujan Batu”, di Luban.
Udah nya bala Raja lalu pulai ka Sarawak mai Chabu ke ditangkap sida di ujut Maro suba. Datai di Sarawak Chabu diengkah ka Raja ba dapor astana iya. Kira saminggu udah nya baru Raja bejako enggau Chabu. Chabu minta pulai laban ko iya, anak iya lima iko agi mit lalu nadai orang ngidup ka laban indai sida udah parai. Nyadi bini Chabu ke benama Tambong endang amat udah parai karam leboh ngeresap tinggal menyadi iya Linggir nyerang Bugau. Tambah ka nya iya madah ka ngagai Raja iya orang umang, orang seranta. Ninga serabana nya, Raja sinu ati, tang enda berani ngelepas ka iya pulai kadiri nadai orang nganjong.
Nyau kelama udah berunding baru Raja ngasoh Laut nganjong iya sereta lalu mai surat ngagai Abang Ali di Kabong. Iya ngasoh Abang Ali nganjong Chabu pulai ngagai rumah iya empu di Paku. Datai di Kabong, Abang Ali lalu macha surat dikirum Raja ngena tulis Jawi. Chabu alit bendar ati meda Abang Ali tau bejako enggau arok tulis nya. Udah Abang Ali nemu rita dalam surat, iya lalu ngator anembiak iya nganjong Chabu merau pulai ngulu Krian. Datai sida di Nanga Gerenjang, Chabu lalu bedarat ngulu Gerenjang nuju Ulu Paku. Ari Ulu Paku iya bedarat kili lalu datai ba rumah Kadir di Batu Tampak Panas enda jauh ari Nanga Penum.
Leboh mansa pendai orang Batu Tampak Panas dia, iya tepeda ka menyadi indu iya nama Angkis bisi mandi, tang lalu belanda pulai ka rumah enda nanya iya. Iya pen enda ga nanya Angkis. Datai dirumah, Angkis lalu nusoi diri bisi meda Chabu bedarat datai ari Ulu Paku. “Bula nuan,” ko sida iya sarumah, “Ni Chabu agi bisi, iya udah parai tasah di Ujut Maro”, ko sida. Angkis ngumbai mata diri enda saru, tang tentu menyadi iya Chabu ke dipeda iya bejalai datai ari ulu. “Lapa nuan enda mai iya niki,” ko sida bukai. Angkis enda bemunyi agi.
Ari Batu Tampak Panas, Chabu lalu bedarat ngili Paku. Datai iya di Nanga Samu, iya lalu niki Bukit Saban Tinggi, ari nya lalu bejalai ninting berari ari ngagai iya datai ba Bukit Ulu Kulat ari atas rumah sida empu di Krangan Pinggai. Leboh iya nurun bukit nya mansang ka rumah, dia bala anak lelaki iya, Muking, Garran, Layang enggau Jugol ke ngambi kayu kena sida deka ngerapoh iya, tapeda ka iya ari jauh lalu belanda pulai ka rumah. Datai sida di rumah, sida lalu kemaia nya madah ngagai orang bisi meda apai sida datai. “Bula kita”, ko orang, “ni apai kita agi bisi”, ko sida. Enda lama udah nya Chabu lalu niki ka rumah. Meda iya datai orang tekenyit enggau gaga magang, laban iya ke dikumbai udah parai tak datai baru. Orang sarumah nya pen enda ga nyadi ngerapoh iya, laban iya dikumbai udah mati udah pulai idup baru enggau gerai nyamai.
Bebaik enggau Raja Di Kuching:
Apin lama udah Chabu pulai, alai Linggir nyuong Abang Apong di Buling mansang nyaut seruan Raja di Kuching. Tuai orang ari Padeh & Layar sama enggau sida ka Kuching leboh tu, Nanang, Luyoh enggau Ajie, sida tiga diri menyadi, anak OKP Dana “Bayang” ari Padeh. Leboh sida berandau enggau Raja James Brooke di astana iya, Raja enda ngasoh sida agi bekayau ka orang kia-kia bedarat tauka merau, enggau enda mega agi ngasoh sida ngelaban perintah iya. Sida ke tuai pen besemaia badu agi bemunsoh, tang deka diau bebaik ngidup ka diri, nitih ka adat ke menyana enggau rurus. Udah tembu jako nya, orang ke tuai pulai ka pasar, tang Chabu ke enggau Linggir apin pulai. Iya madah ka diri deka bejako kediri enggau Raja empu. Leboh iya betemu enggau Raja, iya minta ampun, laban leboh iya kena tan ka di astana nya dulu suba, iya udah bula ka Raja, madah ka diri umang enggau seranta.
“Aku, Raja, tuai orang”, ko iya. “Aku suah udah matak kayau anak enggau endang masai nitih ka serang ipar aku Linggir,” ko iya.
“Oh, enti munyi nya bula ka aku nuan,” ko Raja James Brooke.
Raja lalu nanya ka nama iya, laban leboh iya kena tan ka perintah suba, iya enggai skali-kali madah ka nama diri ngagai orang ke nanya. Iya madah ka nama diri Chabu, lalu besemaia enda agi enggau orang ngayau tauka ngelaban perintah Raja. Udah tembu jako nya, Chabu lalu pulai nitih ka tuai bukai ke udah pulai ka pasar Kuching. Nyadi udah bekau ka betempoh enggau bala Linggir di Beting Maru, Raja lalu ngaga kubau siti ti dikumbai Kubau James di Nanga Skrang dikena iya nagang sida ari Skrang undor ninggang kayau sida Linggir ari Paku enggau sida Ajie ari Layar nyerang orang ke diau ba sabelah tebing tasik.
Kategal nya, kena 26hb. Empat, 1850, bala sida Libau “Rentap” nyerang Kubau James. Dalam serang tu, Tuan Alan Lee ke ngemata ka kubau nya parai dibunoh menantu Libau “Rentap” ke benama Layang leboh ka betempoh ba endor ka dikumbai Lintang Batang ari ulu Nanga Skrang mimit. Nya alai nitih ka jerita lama Iban, semina Libau “Rentap” tuai Iban ke udah mujur ulih nan ka kuta diri ari serang Raja, iya nya di Kerangan enggau di Sadok dua kali, serta lalu udah ulih ngalah ka Kubau Raja di Nanga Skrang.
Linggir Seduai Ajie Mantu Apai Dendang “Gasing Gila” Di Skrang:
Dalam bulan Empat, 1854, Tuan Besai James Brooke-Brooke seduai Tuan Muda Charles Brooke mai bala nyerang rumah tuai Iban Skrang siko ka benama Apai Dendang “Gasing Gila” di menoa ke dikumbai Tekalong dalam Skrang. Kabuah seduai nyerang rumah tu laban sida Raja nyangka sida Apai Dendang bisi mantu bala Libau “Rentap” enggau garam di Sungai Lang. Tang ba kenang sida ke tuai kelia, bala sida Raja tu endang agi enda tentu lantang ati udah Kubau James ka alah diserang sida Libau “Rentap”. Nya alai Raja James Brooke endang ngiga kabuah nyerang sida Apai Dendang, dikena bebalas ka pemarai Tuan Alan Lee.
Nya alai leboh tu Linggir seduai Ajie mai bala seduai ninggang bala Apai Dendang nan ka rumah nya. Meda nya Tuan Besai seduai Tuan Muda enda nyadi nyerang rumah Apai Dendang. Ninga Linggir seduai Ajie bisi mantu Apai Dendang, Raja James Brooke lalu mesan ka seduai iya datai ka Kuching. Leboh ka betemu enggau Raja James Brooke, dia iya lalu besalah ka Linggir seduai Ajie laban seduai mai bala seduai mantu Apai Dendang ke deka diukum sida laban ditemu mai garam ngagai sida Libau “Rentap” di Sungai Lang. Nya alai Raja lalu ngukum seduai iya enggau lapan igi tajau. Linggir seduai Ajie madah ka seduai iya enda setuju enggau ukum Raja nya laban seduai nulong orang ke nadai penyalah. Seduai lalu nudoh ka Tuan Besai seduai Tuan Muda ngerja penyalah besai mungkal bunoh enggau Apai Dendang enggau nadai kabuah.
Ninga nya, Raja James Brooke enda bemunyi, lalu penyarut sida tu lalu abis naka nya. Taja pia Linggir seduai Ajie madah ka Raja Brooke seduai endang megai semaia seduai ke dulu agi ari tu enda agi nyerang orang ari darat tauka merau. Seduai semina nulong orang ke enda salah lalu enda ngasoh Tuan Besai seduai Tuan Muda nyerang rumah Apai Dendang agi.
Linggir Nyerang Baketan Sugai:
Kalima kali Linggir matak enggau serang ngalah ka rumah Baketan, Apai Siba, di Sugai pati Kanowit. Kabuah iya nyerang Baketan tu, laban Apai Siba enggau anembiak iya diau ba entara menoa Iban enggau Baketan. Serta Apai Siba ninga rita Linggir bisi ngayau tunga kia, iya dulu madah ka munsoh ngasoh sida rari. Pedis ati ka pengawa Apai Siba, Linggir enggau anembiak iya lalu ngalah ka rumah Apai Siba. Rumah nya lalu alah, taja Apai Siba enggau anembiak iya balat bendar ngelaban nan ka rumah sida ari alah ka Iban.
Leboh tu manok sabong Linggir ke balat bendar pegari nama nya Chulo “Tarang” nangkap rawai lapan, Minggat Apai Runai badengah rawai tiga, Garran anak Chabu iya nya anak menyadi Linggir empu badengah rawai lima. Manok Sabong bukai nyau deka badengah magang, tang penyampau dengah enggau tangkap siko-siko sida enda ulih ingat ka magang. Semina ulih dikingat ka Langie nangkap Kuyat, Adu apai Jingan nangkap Dinai enggau Garran nangkap Sadi seduai Nyeridan. Tang seduai tu dipesilih ka Garran kena minta Dinai ari Adu.
Nyadi anembiak Linggir mati leboh kayau tu benama Angga anak Sa “Panggau”, kena rurok munsoh ari sadau ke lalu munoh iya kemaia nya ba moa pintu ukoi entara bilik enggau ruai. Serang Linggir sekali tu pen raat bendar. Samoa pala ulih sida bulih sadaun idas dianchau sida ba Krangan Pinggai di Sungai Paku. Tangkap tama bilik Linggir 30 iko, tama bilik Chabu 7 iko enggau tama bilik Munjie siko. Tama bilik orang bukai pen bisi tang enda ingat ka penyampau iko agi.
Datai dirumah sida lalu rami enchaboh arong ka samoa dengah. Siko tangkap Minggat Apai Runai balat bendar bakal, nya alai Linggir lalu ngasoh Minggat nembu ka iya ba sendi rumah sida. Udah tangkap nya mati, pala iya lalu dikerok Linggir ba Sungai Kerok enda jauh ari ulu Krangan Pinggai.
Udah nya laban bala indu Baketan bengat maioh, leboh sida tinggal orang turun ka umai, sida betampong-tampong begiga kutu pangan lalu ngelantang ka ati diri ingat ka di menoa sida seruran besangin berari ari. Nyau kepuas sida baka nya, sida baum rari, tinggal orang ke empu sida gawa ba umai. Sida rari ngulu ka ai Paku deka melunggang ka Julau. Tang enda mukai leboh orang ngiga sida temu orang magang. Siko sida ke benama Indai Jungki ditemu belindong enggau daun lemayong ba tebiang ari ulu Lubok Lesong ke benama Tebiang Indai Jungki datai ka saharitu. Udah sida temu, sida lalu dijual sida Linggir ngagai Datu Laksamana Amir magang. Semina sida ke lelaki agi ditan enggau siko dua indu ke biak agi diempu orang ke bempu sida. Tang leboh niki ka pala ulih ari Sugai tadi, Linggir meri Datu Laksamana Amir ulun indu siko kena iya gaga ka serang diri raat bendar.
Udah bekau serang tu, Linggir nurun baru (ka enam kali) kayau beripa ngagai Luba Lassa enggau lalu nyerang Sungai Illas tunga ka Nanga Rajang. Leboh kayau tu dia Ganja “Kemping Padi” ari Penom seduai Gunggu “Ribut Nyepu Gulang Galu Nanga Illas” sama bedengah sigi siko enggau Muking Apai Mendong bedengah sigi, tang dengah tu bambu enggau unggal iya Mula, sama besendi ruai enggau iya. Tang aya seduai iya Linggir ngatur seduai iya beparas terang, barang sapa seduai iya dulu agi bedengah baru nya empu dengah tu. Udah pulai serang tu, nya baru Sa “Lua” (apai Enchana “Letan Pulas Mas” seduai Minggat Apai Runai), sida Linggir sarumah di Krangan Pinggai nyuong isan iya Enteri apai Jara di Suri Rimbas ngabas menoa Batang Awik pati Krian, ka alai mai anembiak pindah ari Paku. Menoa manah diabas seduai. Seduai pen lalu mulai ka diri ka Suri enggau Paku. Tang enda mukai datai dimenoa seduai ke sama udah tuai pen mati. Sa di kubor ka ba pendam Batu Anchau, Paku lalu Enteri ba pendam Bukit Batu di Suri. Udah merantu sida ke udah parai, nya baru Enchana “Letan Pulas Mas” anak Sa “Lua” pindah ngulu ka bala ari Paku enggau Anyut, tang maioh agi bala ari Anyut ari sida ari Paku. Dua taun Enchana enggau anembiak iya udah datai di Awik, menyadi iya Minggat enggau anembiak iya ari Suri pen pindah lalu diau ngulai sida menyadi iya Enchana, Menggin, Gurang di Awik.
Linggir Mantu Perintah Raja Brooke Dialah Ka Bansa China Kheh Di Kuching (20/02/1857):
Dalam taun 1857, bisi berita ngenyit datai madah ka perintah Raja Brooke di Sarawak udah dialah ka bansa China Kheh ke gawa ba lumbong mas ari Bau, Buso enggau Siniawan di Ulu Sungai Sarawak. Pia mega Tuan Muda Charles Brooke ari Kubu di Nanga Skrang bisi begerah mai tuai-tuai Iban Lingga, Skrang enggau Saribas mantu penusah tu. Nya alai laban nya OK Janting enggau anembiak iya ari Lingga mantu magang. Pia mega OK Gasing enggau tuai-tuai Skrang Ili sama bisi mantu. Ari Saribas, Linggir, Abang Apong enggau bala seduai iya sama bisi mantu ari Paku lalu Nanang, Luyoh enggau Ajie mega bisi mantu enggau bala sida ari Padeh.
Bala Linggir merau ngena barong meraka tasik lalu bala sida Nanang ngena perau panjai. Datai di Kuching, leboh betemu enggau Raja James Brooke, sida diasoh iya nitih ka Chine ke benong belalai di sabelah babas ari luar nengeri Kuching. Bala Iban lalu mupok begiga ka China, belaban ngena nyabor, langai tingang, malat enggau ilang. Nyadi China ngelaban sida ngena tat, parang bingkok tang panjai bendar ulu, bulih lima depa pemanjai.
Ngena duku enggau terabai Iban nyamai bendar nyilat pantap tat ke ngasoh China balat bendar rusak. Udah alah China, Abang Apong seduai Abang Aing ari Skrang enggai agi dibai tuai Iban ngiga China ke tasah ka dalam kampong. Semina bala Iban Lingga, Saribas enggau Skrang bebendar endar berasu ka China ke tasah tu. Leboh kayau tu, Luyoh nampak bendar berani. Inggar bendar panjong iya pulai ari babas ba moa Tuan Raja empu. Pia mega leboh kayau tu maioh bendar Iban badengah laban munsoh enda mar dilaban, tang dengah siko-siko enda ulih kingat ka agi.
Lepas mantu Tuan Raja ngalah ka China, Linggir nadai agi matak serang besai kadiri empu. Samoa pengawa kayau iya udah nya ngari ka Raja berari ari. Tang taja pen sida Linggir udah nundok ka Raja kenyau ari taun 1849, entara taun 1854 ngagai 1858, bala Balau agi mengkang ngaga pengachau ngagai Iban Saribas. Sida mungkal bunoh lalu nyerang Iban Saribas ke berikan di Tanjong Kauk dalam taun 1854. Sida mega nyerang perau Iban Saribas ke undor ka Kuching dalam taun 1858 kira sataun udah sida ke sama mantu Raja James Brooke ngalah ka China Khek di Kuching. Nyadi pengawa sida tu balat bendar ngasoh ati Iban saribas enda lantang lebih agi Ajie anak OKP Dana “Bayang”. Nya kebuah iya pulai ngelaban Raja baru lalu nyerang kubau Lily ke baru tembu di Betong kena 14hb. Tujuh, 1858. Tambah ka nya iya deka bebalas ka bala sida ke rusak bendar di Tanjong Kauk laban bala Balau. Iya pen selalu mai bala kayau anak ka Banting lalu nguta diri di Nanga Spak, pati Layar ke alai iya parai betempoh enggau bala Raja dalam taun nya.
Dalam taun 1858 nya mega bala anembiak Linggir bisi rusak laban enda ngadang diri betempoh enggau bala Balau ke diasoh Raja ngipa orang Saribas ke pansut ari Nanga Saribas enti nadai surat kamendar ari perintah di Kubau Lily, di Betong. Endor pengerusak tu nyadi di Meludam ba entara Nanga Saribas enggau Nanga Batang Lupar. Nyadi ensepi diri udah nundok ka perintah kenyau ari taun 1849, Linggir ngemendar ka anembiak iya nemuai ka Kuching. Sida ke nemuai tu diulu ka Kedit apai Enggang. Tuboh sida enda maioh, tang ka dikingat ka nama nya Adu apai Jingan, Manjan apai Tebakang enggau Juing apai Ganggang. Datai sida di Sampun semak Nanga Sadong dia sida ditimbak Balau lalu kena dada Adu, peluru lalu masok ari dada lalu ngembul ba belakang iya. Meda penusah nya Kedit lalu mai sida beruntu bekayoh naban ka Adu ke bakal ka Kuching. Balau seruran nitih ka sida tang sida enda ulih dititih ka laban sida bebendar amat bekayoh ngerari ka diri. Datai di Kuching nya baru Kedit muntas peluru ke ngembul ba belakang Adu. Udah peluru pansut, Adu lalu mutah ka darah balat bendar.
Nyadi rita sida tu datai di Saribas ditusoi Laut, madah ka sida abis mati kena alah ka bala Balau. Ninga nya Majang Apai Adu seduai Manjan enggau Juing tusah bendar ati, laban rita madah ka anak iya abis parai kena alah ka Balau di Sampun. Iya lalu kemaia nya ngagai Linggir, mai Linggir nurun ngabas berita. Tang Linggir ke baru ninga berita madah ka anang guai dulu, manah agi nentu ka berita dulu. Tang Majang ke kelalu tusah ati enggai dibai Linggir nganti berita.
“Enti kita ke Raja Berani bangat enda tebantu ka penusah aku, lebu meh aku berisan enggau nuan,” ko iya bejako ba moa Linggir.
Ninga nya Linggir madah ka iya leboh nya iya nadai perau besai tau kena meraka tasik. Tang Majang keran mai Linggir kemaia nya ngena perau ka dikebisi ka iya leboh nya. Ninga jako Majang bengat balat ngumbok, Linggir lalu mesan ka Belawan di Samu ke agi bisi perau besai. Belawan madah ka diri deka enti Linggir sama enggau mantu Majang. Sida lalu undor. Tuboh nepan perau Linggir lebih 20 iko lalu nepan perau Belawan maioh agi. Leboh sida bekayuh nebing ka Meludam dia perau Linggir ke dulu ditimbak Balau ngena bedil mit. Perau sida lalu karam. Linggir empu kena timbak tang enda masok peluru, semina pelalang bungkus pengaroh ba punggong iya selayor laban api peluru. Iya lalu luput, tang di ema ipar iya Tindin apai Jantan ka tebing. Ari tebing iya dibai tama ngagai kampong. Tang munsoh ke betuboh kira lapan iko ke nitih ka sida balat bendar bepantap enggau Muking seduai Mula ke nan ka aya seduai ari ulih pantap munsoh. Empa pemalat ka bepantap, nyabor seduai nyau sama bisi rabang. Leboh Muking seduai Mula bepantap enggau munsoh, Jantin anak menyadi Linggir siko kena pantap munsoh ba perut, ayan lempuang, leboh iya ngema pengaroh sida ngena piso. Bala Balau sakeda pan bisi mega parai. Sida ke agi idup lalu ngerari ka diri. Sakeda sida lalu mai Jantin rari nitih ka Tindin ke ngema Linggir.
Datai sida semak kampong datas, dia sida ninga daan kayu meranti bemunyi, munyi ka laban ribut balat. Leboh sida malik, peda sida daan meranti nya kebab-kebab kena parekoh ka sawa besai bendar. Sareta Linggir ninga daan meranti iya lalu ngeleda ari luput, lalu ngasoh Tindin badu agi ngema iya, laban ko iya “Indai Abang seduai Kumang udah datai ngintu iya.” Ari nya Linggir enggau bala iya lalu bedarat muntang ngagai Tanjong Spinang ari spiak ke alai sida betemu enggau Laut benama Kudus ke deka nganjong sida pulai ngena perau ngagai menoa sida ka Paku.
Nyadi perau Belawan tadi serta meda bala Linggir ke dulu udah rusak serta karam kena timbak munsoh, lalu nikal enda mantu. Tang Majang enggau bala iya lalu nan sereta perau sida udah karam tadi, lalu lama bendar didinga bepantap ngelaban munsoh. Majang empu kebal tang laban iya dipesaup ka munsoh, parai leboh tu. Pia mega Tur, menyadi Angga ke parai di Sugai suba pen sama mati enggau siko menyadi iya ke enggai rari meda Tur udah parai. Samoa sida parai alah di Meludam 13 iko.
Ngalah ka Iban Jaloh Di Ulu Layar:
Apin lama udah penusah di Meludam, Linggir diasoh Tuan Muda ari Skrang sama enggau Bunyau Apai Bakir ari Entanak ngalah ka Iban Jaloh di Ulu Layar. Kabuah perintah ngasoh ngalah ka rumah orang Jaloh laban sida tu alai Libau “Rentap” ari sadok ngambi garam ke enda diasoh perintah beri ngagai munsoh perintah. Linggir empu lembau bendar jai enggau diri samenoa, tang laban ari asoh perintah nya alai iya enda ulih enda enggau ngayau tu. Leboh sida ngayau iya enda ngasoh bala iya bebendar munoh diri sama diri. Laban nya alai ka tiga iko manoh sabong iya bedengah. Sida nya Bir ari Sekundong, Gesi sama sarumah enggau Linggir empu enggau Tumbing orang Anyut. Udah alah rumah, Linggir lalu bepemai ka ningka sigi ke dikumbai datai ka saharitu “Ningka Indai Dudu”. Lepas ari ngalah ka Jaloh, Linggir nadai agi kala nyerang kediri, laban iya enggau anembiak iya udah nundok ka Raja. Leboh ngayau udah nya, iya ari bala Raja berari.
Linggir “Mali Lebu” Mantu Perintah Ngalah ka Bansa Kayan enggau Kejaman Di Ulu Rajang:
Dalam taun 1863, dua taun udah Libau “Rentap” alah di Sadok, Tuan Muda Charles Brooke bisi nemuai ka Betong ari Skrang. Datai iya di Betong, iya lalu ngasoh Pemantu Resident di Betong, Mr. Watson, nesau tuai-tuai Iban di Saribas betemu enggau iya di Kubau Betong. Sida nya Bakir ari Entanak, Nanang ari Padeh enggau Linggir “Mali Lebu” ari Paku.
Udah sampal sida datai di Kubau Betong, Tuan Muda lalu bejako ngasoh sida ngaga perau pengayau kena sida ngalah ka bansa Kayan enggau Kejaman di Ulu Rajang. Kebuah Tuan Muda mai ngayau bansa Kayan enggau Kejaman tu laban sida ngelindong sida Sawing, Tani enggau Skalai ke udah munoh Mr. Fox seduai Mr. Steele di Kubau Kanowit. Sida lalu nimpoh diri beranti di Sibu sabedau mudik kulu.
Pulai ari Betong, Tuan Muda lalu undor ka Kabong lalu betemu enggau Minggat seduai Chulo “Tarang” mai seduai sama enggau ngayau ke Ulu Rajang. Seduai leboh tu sama apin tentu lama udah mai bala seduai pindah ke Awik enggau Krian. Dalam bulan Lima taun 1863, semua perau pengayau ari Batang Lupar, Saribas enggau Kalaka berangkat ari Kabong mansang ka Sibu. Datai di Sibu sida meda perau Minggat seduai Chulo “Tarang” endang udah nganti dia. Leboh ka baum lemai nya di Sibu, Tuan Muda lalu nusoi kabuah iya ke mai bala besai begempuru dia laban iya deka ngukum bala Kayan enggau Kejaman ke ngelindong orang ke munoh Fox seduai Steele serta enggau nyerang bala Iban ke ngaga pengachau di Ulu Rajang.
Ari siti sida lalu angkat ari Sibu mudik Batang Rajang nuju Kubau di Kanowit. Datai sida di Kanowit, sida lalu ditinggang bala Iban Kanowit ke betuai ka Mujah “Buah Raya”, Ubong enggau Lintong “Moahari”. Sida lalu bemalam dia samalam. Tumu pagi siti sida lalu ngejang ka Kanowit lalu mudik nuju Nanga Katibas ke alai sida bemalam. Dia sida lalu ditinggang bala Iban Katibas diulu ka Balang, Ranggau, Unggat enggau Gerinang.
Nyadi rambau tu menya bansa Iban nadai udah pindah ka ulu Batang Rajang ari ulu Nanga Katibas. Nyadi leboh sida ke tuai-tuai berandau malam nya, Balang besumpah ba moa Tuan Muda iya enggau bala iya enda surut ka munsoh ngapa sabedau tebalas ka pemarai sida samenoa ke dibunoh bala Kayan dulu agi ari tu. Maia tu mega nadai udah kayau dulu agi ari tu mai ngemaioh nya tuai-tuai Iban begulai ngayau. Ari Nanga Katibas, bala sida lalu mudik kulu ka agi lalu bemalam ba entara Ai Kapit enggau Nanga Baleh.
Tumu pagi hari ke empat, sida lalu mudik kulu ka agi. Sida lama bendar meraka wong Pelagus ke pedis bendar ditengah. Sida datai ba endor ke dikumbai Pasir Nai nyau lemai bendar. Datai sida dia bala munsoh ke betuai ka tuai Bansa Kayan ke benama Dian Abun lalu berengkah nimbak sida ari kubau sida di Nanga Sama. Meda nya, perau Minggat lalu dulu mudik lalu nuntong ba kubau munsoh. Udah sangkai dia, bala anembiak Minggat ke diulu ka manok sabong iya ke benama Luing lalu berengkah nyerang Kubau munsoh. Bala sida ngentong pintu kubau nya ngena kayu. Tang enda mukai-mukai, sareta tebuka pintu kubau nya, dia Luing ke ngambu dulu lalu kena tikau munsoh enggau sangkoh. Iya lalu parai dia ke lalu ditaban ka bala sida pulai ngagai perau.
Meda Luing udah parai, Tuan Muda lalu enda agi ngasoh sida niki ngagai kubau munsoh agi lemai nya. Udah badu makai lemai nya, Tuan Muda lalu mai bala tuai-tuai baum. Sabedau nya iya ngerah bala manok sabong bukai ngikup munsoh enggai ka munsoh bisi nguji datai nyerang sida dia. Udah ngadu ka orang ke ngikup munsoh, Tuan Muda lalu ngerah semua perau sida ari Kanowit enggau Rajang bejaga ari ulu perau bala orang bukai laban ko Tuan Muda, sida ngelala jako bansa orang Kayan enggau Kejaman enti munsoh bisi deka datai ari ulu nguji nyerang sida iya malam nya. Nyadi malam nya, bala munsoh berengkah ninggal ka kubau sida. Malam nya mega sida bisi ninga bala munsoh ngangau ka bala sida Rajang enggau Kanowit ngena jako sida empu. Tumu pagi siti leboh sida ngelingi kubau nya, sida nemu munsoh udah abis rari. Sida lalu nyangka bala Iban Rajang enggau Kanowit bepakat enggau munsoh.
Ari Pasir Nai, sida lalu mudik ngulu ai Rajang nitih ka munsoh ke rari. Nyadi bala sida Iban Ketibas ke diulu ka Gerinang, Unggat enggau Balang endang teleba menoa nya serta nemu endor rumah munsoh. Sida lalu dulu nyerang rumah bansa Kejaman serta bulih bendar dengah, tangkap enggau perapasan. Pulai ari kayau tu perau sida nyau sarat bendar laban ulih sida. Kategal nya perau Mujah “Buah Raya” seduai Lintong “Moahari” ari kanowit dikena nulong sida mai perapasan, tangkap enggau pala ke ulih sida. Nyadi bala ari Saribas enggau Skrang endang enda tentu teleba menoa orang Ulu Rajang. Nya kabuah sida enda baka pemujur sida ari Katibas enggau Rajang. Taja pia bala sida Nanang ari Padeh, Minggat ari Awik, Bakir ari Entanak enggau Chulo “Tarang” ari Krian sama bela bisi bulih dengah, tangkap enggau perapasan.
Nyadi bala sida Linggir seduai Birai ari Paku mujur agi bulih dengah, tangkap enggau perapasan. Linggir pulai mai tajau Segiu sigi ke agi disimpan turun iya di Rumah Tanjong, dalam batang Paku. Udah tembu kayau tu, tuai-tuai Kayan lalu undor ka Kanowit ke alai sida madah ka diri deka nundok ka perintah serta nyerah ka Sawing ngagai Tuan Muda. Udah nya Sawing lalu diukum bunoh di Sibu. Skalai seduai Tani lalu dibunoh bala Kayan di Ulu Rajang. Kena 27hb. Semilan, 1863, Raja James Brooke mulai ka diri ka England lalu ngasoh Tuan Muda Charles Brooke nganti iya. Lima taun udah nya, kena 11hb. June, 1868 Raja James Brooke parai di Burrator dalam Devon, England.
Linggir Mantu Minggat Apai Runai Ngalah ka Katibas:
Dalam taun 1868, Minggat Apai Runai ari Krian diasoh Raja Muda Charles Brooke nyerang bala Iban ke rari ari Ulu Kabo lalu nguta diri ba Bukit Dungan entara Ulu Ensiring enggau Ulu Katibas begulai enggau Iban Ketibas ke betuai ka Janting seduai Ranggau ke agi ngelaban perintah. Dalam kayau iya ke skali tu, bala Minggat bulih 81 igi pala enggau 4 iko tangkap. Udah ke alah dia, bala sida Janting seduai Ranggau lalu ngaga kubau ba Bukit Dungan nya baru. Ninga nya, dalam bulan enam, 1870 Raja Muda Charles Brooke lalu ngasoh Minggat “Apai Runai” nyerang Katibas baru. Raja Muda lalu ngerah Linggir “Mali Lebu” ari Paku enggau Entering Apai Nawai ari Julau mantu Minggat dalam kayau iya skali tu. Bala manok sabong sida leboh maia tu ia nya Munan anak Minggat empu, Luna “Panggau” ari Sebelak, Garran “Lembang Batu”, Juing enggau Ajan “Sanggol Langit” ari Paku, Chulo “Tarang”, Adu apai Jingan enggau Telajan ari Krian.
Dalam kayau sida ke skali tu, sida nadai betempoh enggau munsoh. Leboh sida nuntong ba kubau munsoh, bala munsoh endang udah rari magang. Sida lalu bemalam dalam kubau nya malam nya. Linggir empu leboh tu endang udah tuai bendar. Udah ke mantu Minggat ka skali tu, iya nadai agi ngulu ka anembiak iya ngayau agi.
Linggir “Mali Lebu” Minta Bantu Minggat Ngalah Ka Bansa Muallang:
Nyau udah lapang mimit pengawa beperang enggau diri sabansa mantu bala Raja ngalus ka menoa, bala anembiak ari Paku berengkah mindah bedagang ngagai menoa bukai. Sida ngiga getah ka dijual lalu babeli ka barang ke dibai pulai ka menoa.
Nyadi skali rambau tu menya bisi siko anembiak Iban ari Paku ke benama Kedit ngulu ka bala anembiak Paku bukai ngiga menoa endor ngetah. Sida ke enggau iya ngetah tu iya nya Kelanang, Chupong, Usin, Tumbing, Manggie enggau Sagoh. Nyadi bansa getah ka dikerja sida iya tu nya nyatu puteh, nyatu rian, beringin, sebang, semalam, kubal tusu, gubi, kerik enggau perapat. Sida undor lalu nuju Semunjan, mudik ai Kraang ke alai sida bisi nemu getah tang enda bengat maioh di kerja. Ari Kraang sida melunggang ka ulu Bayan dalam menoa spiak Kalimantan. Sungai Bayan tu pati batang ai Ketunggau lalu menoa tu diwan Bansa Dayak Muallang.
Di Ulu Bayan ditu sida ngaga langkau ka palan sida ngerja getah.Nyadi skali leboh sida masok kampong ngerja getah, dia Chupong diasoh sida nyaga langkau. Sida bukai nya bebagi tuboh masok kampong. Nyadi Usin, Tumbing, Manggie enggau Sagoh sama begulai endor lalu Kedit seduai Kelanang begulai ngiga getah ngagai endor bukai. Leboh Chupong nyaga langkau kediri, datai bala Muallang lalu berengkah numbok iya enggau sangkoh. Iya lalu telih ba patung tang dapat ngerari ka diri belalai ka munsoh dalam kampong. Nyadi sida Usin ke ngiga getah tadi lalu ngetu merarau ba rumah bansa Muallang. Leboh sida merarau dia, sida pan dibunoh bansa Muallang.
Nyau lemai hari, Kedit seduai Kelanang lalu pulai ka langkau sida. Dia seduai tepeda ka bekau darah Chupong ba laman langkau sida. Seduai pen irau ati lalu ngiga Chupong ba sabelah babas enda jauh ari langkau sida. Benong seduai begiga ka iya, Ninga Kedit seduai Kalanang ngiga iya, Chupong lalu mansut ka diri ari endor iya ka belalai. Iya lalu nusoi utai ti nyadi leboh iya nyaga langkau sida tadi. Ninga tusoi Chupong, Kedit lalu mai sida nganti pemulai bala sida Usin ngagai pagi siti sabedau sida mulai ka diri ninggal ka endor nya.
Pagi hari siti, meda bala sida Usin lalu nadai datai, Kedit seduai Kalanang lalu beguai naban ka Chupong ngagai perau ke ditinggal ka sida di Ulu Kraang lalu mulai ka diri ka Paku. Datai sida di menoa sida lalu nusoi rita diri ngagai Luwie di Ulu Paku. Luwie lalu undor ngagai Linggir “Mali Lebu” di Krangan Pinggai madah ka penusah nya lalu mai Linggir nyerang bansa Muallang bebalas ka pemarai sida Usin, Manggie, Tumbing enggau Sagoh. Udah Linggir setuju mantu penusah sida, sida pen lalu ngadu ka diri deka nurun ngayau. Leboh sida benong beburong ba langkau burong sabedau sida angkat ngayau, dia Linggir bisi nerima rita ari Kubau Simanggang enda ngasoh Linggir nyadi nurun ngalah ka Muallang.
Enda lantang ati kategal nya, Linggir lalu mai bala iya undur betemu enggau Minggat Apai Runai di Awik. Satai sida di pasar Saratok sida lalu betemu enggau Minggat ke bisi undor pagi nya. Ninga bala Linggir bisi datai deka betemu enggau iya, dia Minggat gaga bendar ati lalu ngasoh sida bemalam di Saratok samalam laban iya bedau sedia nyambut temuai ti pemadu iya dipebasa ka iya ba rumah iya di Awik. Sida Linggir lalu bemalam dia samalam.
Pagi hari siti, serta pasang ai, sida lalu mudik Batang Kerian lalu nama Sungai Awik. Datai sida ba pangkalan rumah Minggat sida lalu mandi. Udah mandi sida lalu begari nyendia ka diri deka niki rumah Minggat. Udah tembu begari, Munan anak tuai Minggat lalu nurun ngambi sida niki ka rumah. Datai di rumah, sida Linggir tekenyit bendar meda bala endang udah maioh datai ari Sabelak, Sabetan, Melupa enggau Krian ngulu akan sida iya ke datai ari Paku.
Nyadi malam nya, udah badu makai, Minggat lalu ngempuru ka sida sarumah enggau bala maioh ke bisi datai ari rumah bukai ngagai ruai iya ngulu bala sida Linggir ke datai ari Paku. Nyau maioh udah randau bukai, Minggat lalu nanya ka pejalai Linggir enggau bala pemesai iya ari Paku. Linggir lalu nusoi pejalai diri ke berat bendar ketegal penusah ti nyadi atas bala anak biak iya ari Paku. Iya lalu nusoi rita sida Kedit enggau bala iya ke diserang bansa Muallang leboh sida ngiga getah di menoa nya. Kategal nya sida lalu berunding deka nurun nyerang bansa Muallang bebalas ka pemarai anak biak iya. Tang enda mukai-mukai, leboh sida nyendia ka diri deka nurun, sida nerima berita ari Kubau perintah di Simanggang nagang sida nurun ngayau. Ninga rita nya, iya enggau bala tuai-tuai Paku enda puas ati enda bebalas ka pemarai anak biak iya ke nadai penyalah serta nadai laya enggau bansa Muallang.
“Kategal nya, kami ke tu datai minta bantu nuan minta pemendar ari Raja Muda nyerang bansa Muallang nya,” ko Linggir bejako enggau Minggat.
Ninga jako akan iya Linggir munyi nya, Minggat lalu madah ka penyinu ati iya ke penusah ti udah nyadi ninggang bala anak biak iya, laban sida nya endang agi asai ka anak biak iya empu ditinggang penusah.
“Tang bisi mar mimit, laban sida tu mati dalam menoa orang. Enti sida iya mati diserang bansa Muallang dalam menoa ngalih kitu, nya baru kitai bisi agi ke kabuah kitai minta pemendar ari Raja nyerang sida. Laban sida iya dibunoh dalam menoa spiak nyin sida bansa Muallang tau nawa sida iya nan ka diri ari serang bala kitai ari tu,” ko saut Minggat.
Iya lalu madah ka diri deka enggau Linggir betemu enggau Raja Muda di Kuching enti Linggir semina deka ngasoh Raja bechara ka hal nya ari ke bebalas ka pemarai sida Usin. Linggir madah ka diri enda setuju enggau runding Minggat. Iya madah ka ngagai Minggat, darah mesti dibalas enggau darah. Ninga nya, Minggat lalu madah ngagai bala akan iya ari Paku, Raja Muda tentu enggai ngemendar ka sida beperang enggau bansa Muallang. Randau sida pasal tu pen abis naka tu lalu sida lalu berandau ka pekara bukai kena ngenembu ka ati diri ke betemu enggau akan diri dia.
Tumu pagi siti sida Linggir lalu ngundor ka diri ari rumah sida Minggat Apai Runai di Awik. Datai sida di Nanga Kalaka, sida lalu merau meraka Nanga Saribas lalu bekayuh nuju Sungai Sarawak deka betemu enggau Raja Muda di Kuching. Leboh Linggir betemu enggau Raja Muda, dia Raja enda ngasoh iya ngena jalai nya ngadu ka penyarut tu. Raja Muda mega deka nulong Linggir berunding enggau perintah Belanda ngasoh sida ngumbok bansa Muallang mayar pati nyawa ngagai kaban belayan sida ke kena penusah tu.
Ninga Raja Muda munyi nya Linggir pen enda ga majak ka ati diri ke deka bebalas ka pemarai anak biak iya. Iya pen deka mega nitih ka atur Raja Muda nya tadi. Udah tembu betemu enggau Raja Muda, sida lalu mulai ka diri ka Paku. Linggir leboh tu endang udah tuai bendar. Iya lalu nadai agi ngulu ka bala besai mindah agi udah tu nyentok ka iya mati dalam taun 1874.
Udah mati Linggir menantu (enggau akan) iya Penghulu Garran “Lembang Batu” jadi Penghulu dalam taun 1875, megai sakayu Batang Paku. Berapa taun udah parai Linggir nya baru bansa Muallang mayar pati nyawa sida ke mati ngetah di Ulu Bayan dalam pati Sungai Ketungau. Pati nyawa tu di sua ka perintah di Simanggang ba moa semua tuai-tuai perintah nyengkaum Penghulu Garran “Lembang Batu” ngagai kaban sida ke parai. Sama dalam taun Linggir mati, Raja Ketiga menoa Sarawak, Charles vyner Brooke ada kena 26hb Semilan, 1874.
Adat Pana Linggir “Mali Lebu”:
Nyadi leboh Linggir “Mali Lebu” mati dalam taun 1874, samoa Iban Batang Paku kena padah ka magang. Orang ke ambi nyelinting ari Rimbas orang Nanga Pek, Chulo “Tarang” ari Krian enggau Budin “Gerasi” ari Layar. Samoa kaban ka datai bela mai manok enggau bras magang, nitih ka adat Dayak begau ka penusah pangan. Nyau kedua malam udah ngibun antu, alai anak iya Penghulu Kinyeh seduai menantu iya Penghulu Garran “Lembang Batu”, ngempuru ka tuai-tuai maioh dudok ba ruai sida.
Leboh bejako ba moa tuai, ko Kinyeh, “baka apai tu udah ninggal ka kitai, nyadi baka kami ke empu pemati tu nadai penemu, nya alai ngasoh kita apai indai bilik spiak-spiak ngator basa iya. Kita enda tau sanggu bejako, nya alai nya meh jako,” ko Penghulu Kinyeh.
Ninga jako nya, tuai maioh lalu berunding. Sida ngeleka ka jako ngagai sida empu rumah baka sida Gerijih, Munji enggau Juing. Ko sida tiga tu, Pana Linggir 7 hari apus, ke delapan lalu telenga, laban Linggir tau serang. Orang ke enda tau serang, enda tau mai pana datai dia. Nyadi sida sarumah 7 hari enda tau nurun gawa dalam kandang pana.Udah nya baru bejako ka adat ulit. Enti sida sarumah bisi mimpi diasoh antu begawai, sida meri pemampul pending ngagai sida Penghulu Garran sigi alas ngerang. Enti ulit bisi udah luya, adat turun agi.
Nyadi menoa kena kandang ulit tu diator 300 depa ari ili pendai, 300 depa ari ulu pendai, lalu 300 depa ngarong ka rumah ari atas enggau baroh. Nyadi enti orang bisi ngabang nengah kandang ulit nya, sida enda tau enda ngetu nganjong benda ngagai tuai rumah. Nyadi penyampau benda dianjong sigi panding, nya ka nama benda basa, nya baru sida tau mansa pengkalan orang. Enti ulit udah luya, baru benda anjong sigi jabir. Nyadi enti orang ka sama semakai gawai nya bisi begawai, enti rumah orang ngulit, orang ke ngambi ngabang mai benda sigi panding. Sigi jabir kena ngangkat ka orang ke empu ulit, lalu sigi jabir kena ngambi rumah. Adat endang betampong-tampong ari tuai dulu, lalu agi dikena Iban datai ka diatu kena bebasa ka diri sama diri. Pengelama ulit 3 bulan.
Beserara Bunga:
Nyadi nyau kelama orang udah mati, manang diambi awak ka belian beserara bunga, magi bunga orang ke udah mati enggau orang ke agi idup.
Berantu Belalu:
Nyadi endor orang mansut ka basa enggau adat orang ke parai ianya leboh ti berantu belalu iya, enggau ngupas tebalu mata’ tau ke tebalu mansau. Nyadi pangkat orang tau nanggong basa nya dipilih ari orang ke tau serang, tau kayau, raja berani, manok sabong. Lepas nya tuai rumah ke manah adat megai rumah panjai. Nyadi dalam menoa bagi Saribas, orang ke tau serang apin Tuan Raja datai nya Tindin “Pimpin Beragah Ngindang”, Uyut “Bedilang Besi”, Mawar Tuai, Mawar Biak “Ragai Ngerang”, Awan, Tur “Bayang”, Tom “Tajai Ngindang”, Unggang “Lebor Menoa”, OKP Dana “Bayang”, Linggir “Mali Lebu”, Unal “Bulan”. Tuai Rimbas, nadai tau serang. Nyadi garong Linggir “Mali Lebu” nya ranggong 7, entugin beragum ka buok munsoh nipas uras pemanjai, lalu diirit akan iya Minggat Apai Runai ke endang diambi ari Awik.
LINGGIR’S APPARITIONS AND DREAMS.
Linggir whose praise was “Mali Lebu”, was the only son of the hereditary chief and war leader, Uyut of Paku. He was one of the famous war leaders of the Saribas Ibans.
When Uyut died in about 1844, Linggir became very worried, as at that time he had never yet led the people in war. In those days a son and a successor of a hereditary chief and a war leader, was expected by all to become a very good warrior.
Due to this reason, Linggir often visited more experienced chiefs like his mentor, OK Pemancha Dana “Bayang” of Padeh, who had worked with his father, to study the war tactics and the ancient war customs of the Iban.
(a) Meeting a Crocodile King
On one occasion, when Linggir was thinking seriously about how to make himself a prosperous war leader, he went to sleep (nampok) on a solitary rocky island at a certain place called Lubok Kulat in the Paku river. In his sleep he dreamt he was meeting a monster who claimed itself a crocodile king. It told him that he would certainly became a very great war leader, and whose wars would always be successfully fought.
(b) Meeting a Demon Hunter
Shortly after this, one morning while he was on his way back from a visit to his relatives in the upper Krian river, Linggir was surprised by a Demon Huntsman spirit who claimed himself as Enting Naing on the top of the Medang range, situated at the headwaters of the Krian, Rimbas and Paku rivers. When Linggir fainted, he dreamt of Enting Naing throwing to him a sirat (loin cloth) made of the breadfruit tree bark.
“This sirat” said Enting Naing, “could be used by you as a most precious charm (pengaroh mail balang kayau) for leading your force to war. No enemy could defeat you, if you carry it to fight them”. After he had regained consciousness, he discovered that a small piece of loin cloth made of a tree bark was in his grip. He then kept it as his war charm.
(c) Second Meeting with a Demon Hunter
Some months after this, Linggir paid a visit to his relatives in the upper Serudit stream, a branch of the Paku river. At dawn, on his return trip, and when passing a small stream called Sungai Empelai, he was very surprised at seeing a huge bright flame close to him. Suprised by what he had seen, Linggir fainted. While fainted, he dreamt that he wrestling (bibat) with a demon huntsman.
After a long contest, the demon hunter told Linggir that he could not defeat Linggir. “As you are unbeatable, therefore no one in future could defeat your forces in battle”. When Linggir woke up, he found a big tooth in his hand, which he took home as his war charm.
(d) Third Meeting with Demon Hunter
The third meeting with a Demon Huntsman was when Linggir paid a night visit to coutr a girl (ngayap) at Libau Buban’s house at Nanga Samu in the upper Paku river. On arriving at the top of Sengalak hill, he heard a voice asking him to wait. On hearing the call, Linggir stopped walking. As no one came, he therefore walked on again.
When he reached the top of Labi Umbut hill, he heard the same voice calling, “wait for me”. On hearing this Linggir stopped again. After waiting for sometime, still no one appear, he decided to moved on again. After he had left the place and as he climbed up the Saban Tinggi hill, he heard the same voice calling for him to wait again. He stopped on hearing this but again no one appeared. While he stood there he became frightened and decided to make a run down the hillside. While running away, he heard the sound of somebody’s foot-steps following him getting closer. Terrified; Linggir ran as fast as he could and took a very long jump across Samu stream at the foot of the hill.
From the other side of the river he ran as fast as he could to Libau Buban’s long-house and upon reaching the front porch, he took a single leap from the staircase below straight to the veranda above. Then he walked straight away to his friend’s room, where he stayed with a girl he courted. When he eventually fell asleep he dream he saw a huge hairy man, who asked why he did not’ wait for him during the journey to the long-house. “I am also going to pay my night visit to a girl in this house”, said the hairy man. “In future, if you go to war or do some other important thing, you must call for me, for I will help you to win or obtain the things you are looking for”, he assured Linggir. The hairy man told Linggir that he was Enting Naing, a demon hunter, who resided on the summit of Saban Tinggi hill.
Note: Enting Naing is also known as Bunsu Ketupong to the Saribas Iban.
(e) Meeting the Goddesses Kumang and Lulong
In 1858 when Ajee the third son of the Orang Kaya Pemancha Dana Bayang of Padeh was in the preparation to rebel against the Sarawak Government in the Layar river, he paid a secret visit to Linggir at Nanga Beduru in the Paku. He reached the latter’s house not long after midnight. On his arrival, he went direct to Linggir who was then sleeping in the inner part of the room. In his conversation Ajee urged Linggir to reinforce him when he attacked the Government forces, which would come up the Layar river to fight against him. Linggir agreed and said that he would certainly bring his warriors to help him. After Ajee had left, Linggir went to continue his sleep, where he dreamt he met the Goddesses Kumang the wife of Keling and Lulong the wife of Laja. Kumang informed him that if he wanted to defeat the Rajah Brooke he must divorce his wife, and marry Ajee’s youngest sister named Badong alias Kumang Bunsu.
In the morning he related this dream to Anong his wife. The latter agreed to divorce him with the assurance not to remarry her again. On hearing his wife’s opinion, Linggir dismissed the idea of reinforcing Ajee, as he would not divorce Anong to obey the old spiritual advice regarding his future war fortune.
Chronology of Linggir “Mali Lebu” by Sarawak Musuem Journal, 1966.
(1) In 1843 he and his warriors defended Paku from an attack by Sir James Brooke and Admiral Henry Keppel. During the Saribas submission in the same year, he was presented by the Rajah with a hairy spear (generang) and a flag of state.
(2) In 1844 he and his warriors crept into the Rajah’s bungalow at Kuching to murder the ruler. His plans were discovered and failed, but he was pardoned and was ordered to leave the place.
(3) In 1846 he raided the Bugau country in Indonesian Borneo, where his warriors captured many enemies as well as slaying 91 of them.
(4) In 1848 he raided Paloh, Matu and Daro in the Third Division, Sarawak, where he and his warriers captured and killed a great number of enemies.
(5) In 1849 he fought against the Royal navy at the battle of Batang Maru off the mouths of the Saribas and Kalaka rivers, where his brother-in-law Chabu was captured by the enemy. Few days later he attacked the Rajah’s advancing flotilla in the Paku, where he and his warrior Kedit “Rindang”, killed Bunsi and Tujang, sons of the Orang Kaya Temenggong Jugah of Lundu.
(6) In 1854 he led the Paku and Rimbas Ibans to war against the Baketans of Sugai river in the upper Julau of Third Division, Sarawak, where his warriors captured a great number of enemies.
(7) In 1855 he raided lias, a tributary of the Rejang river, where his warriors killed a number of enemies.
(8) In 1861 he joined the Government’s first expedition to attack the Kayans of the upper Balui, when he looted one valuable jar called “sergiu”.
(9) In 1870 and 1871 he was selected as one of the Rajah’s leading warriors during the expeditions against the Katibas Ibans in Third Division, Sarawak. (See S.M.J. Special Issue, 1966, Appendix B, G/5. 23)
Di-sidi serta compile Gregory Nyanggau Mawar, great-great-grandson of Linggir “Mali Lebu” Penatai Jerita : Tusoi Niang Mujah Ak Mambang ditulis Niang Benedict Sandin (Saribas Version), Illustrated London News, niang Lionel Frederick Mawar.
Di-sidi serta compile Gregory Nyanggau Mawar, great-great-grandson of Linggir “Mali Lebu” Penatai Jerita : Tusoi Niang Mujah Ak Mambang ditulis Niang Benedict Sandin (Saribas Version), Illustrated London News, niang Lionel Frederick Mawar.
What was Linggir’s original plan as referred to here? I thought the success of kayau was to attack by surprise and in many instances, kayau would be abandoned after the enemy was alerted prematurely before the actual attack took place. So why didn’t attack Brooke straight away upon arrival at Astana? Did he really want to kill James Brooke alone and upon seeing Brooke with his British officers and families, he abandoned his plan or restrained (ditagang) by his own elder followers?
Quote:
(2) In 1844 he and his warriors crept into the Rajah’s bungalow at Kuching to murder the ruler. His plans were discovered and failed, but he was pardoned and was ordered to leave the place.
Why did Linggir want to attack the enemy after the Apai Siba’s longhouse, which escaped after informed by Apai Siba? Was this enemy Baketan who had peace with Iban Saribas via Demong or Beluin or Seru who had not made peace with Iban Saribas? This is still not clear.
Quote:
Serta Apai Siba ninga rita Linggir bisi ngayau tunga kia, iya dulu madah ka munsoh ngasoh sida rari. Pedis ati ka pengawa Apai Siba, Linggir enggau anembiak iya lalu ngalah ka rumah Apai Siba.
What was the cause or the enemity?
After obtaining 5 heads personally by him and led several kayau, can we call Linggir a bujang berani by this time?
Quote: Ninga nya Linggir nadai jako tang nerima ensumbar ke manah enggau patut ba ati samoa manok sabong iya. Penyuah Linggir ke bensumbar “Mali Lebu” udah matak kayau ngagai hari iya digaga ka bala manok sabong iye ensumbar 3 kali, leboh sida pulai ngalah ka Belawai. Penyampau dengah iya udah leboh tu 5 igi, lalu samoa kayau iya ke udah nya nadai kala sabau.
I’m sorry to ask this again, I’m still wondering why didn’t Linggir straight away attack Brooke when he came to Astana, after all he got the element of surprise as Brooke didn’t expect him to come before the Malays came to Astana to reinforce Brooke? Did Linggir bring his men to Astana Raja Brooke as a military strategy to somewhat intimidate Brooke by showing that if Linggir wants to kill Brooke, he can do so just like in this instant? But Linggir was advised well beforehand by elders esp’ly Unal Bulan as mentioned before not to attack and kill Brooke and make him an enemy as they (the ribai) would keep coming after that, in counterattack and their Saribas region would be taken by Brooke faster. After this advice, did Linggir went to Astana with his men just to prove that he was not afraid of Brooke? Did Linggir come to reinforce their agreement during the Saribas Treaty for Brooke to invite them to ngayau ngaluska menua?
By crocodile king, do you mean raja baya or bunsu baya? This is a case of a blessing by sumpah, right?
(a) Meeting a Crocodile King
On one occasion, when Linggir was thinking seriously about how to make himself a prosperous war leader, he went to sleep (nampok) on a solitary rocky island at a certain place called Lubok Kulat in the Paku river. In his sleep he dreamt he was meeting a monster who claimed itself a crocodile king. It told him that he would certainly became a very great war leader, and whose wars would always be successfully fought.
What is the “old spiritual advice regarding his future war fortune” rferred to here?
Quote: In the morning he related this dream to Anong his wife. The latter agreed to divorce him with the assurance not to remarry her again. On hearing his wife’s opinion, Linggir dismissed the idea of reinforcing Ajee, as he would not divorce Anong to obey the old spiritual advice regarding his future war fortune.
How many heads obtained by Linggir himself as refers to here? This is the story of making a warrior, right?
Quote: Nyau kepuas seduai ke enggau tuai bukai ngayau seduai pan nyau maioh dengah udah ulih. Udah nya baru orang Paku minta ulu ka Linggir empu ngayau.
I’m talking about the first Generation Linggir ML, the son of Uyut BB. Not the Linggir ML of the Brooke era.
Bisi bala madahke antu pala Atong ti nyengkaum pala Tuan Lee ti mati rugi nyak diibun peturun Atong ti benama Dang. Pala Tuan Lee tu suba penuh ngeli mas ko sida. Dang pindah ari Meradong ba Binatang ke Sg Kemena pati Balingian. Penyampau antu pala nyak 5 bengkong x 7 igi = 35 igi semua iya.
Saing, Atong ngau Undau pindah ari Btg Rajang ke Brunai, engka deka rari ari Raja Brooke alu ka nyukong Sultan Brunei maya nyak. Sida 3 tu engka betunggal magang alu pindah ari ulu Merakai. Saing mati di Nyerudong (engka Jerudong). Atong jadi ngau Laut alu parai mega di Brunei. Undau pindahke Limbang ba temawai Undau ti bisi sekayu Kematan ba tebing ai Limbang.
Bisi kini bala nemu jerita munyi tu?
Linggir ngluka bala Bebaik ngau raja di Kuching
Kategal nya, kena 26hb. Empat, 1850, bala sida Libau “Rentap” nyerang Kubau James. Dalam serang tu, Tuan Alan Lee ke ngemata ka kubau nya parai dibunoh menantu Libau “Rentap” ke benama Layang leboh ka betempoh ba endor ka dikumbai Lintang Batang ari ulu Nanga Skrang mimit. Nya alai nitih ka jerita lama Iban, semina Libau “Rentap” tuai Iban ke udah mujur ulih nan ka kuta diri ari serang Raja, iya nya di Kerangan enggau di Sadok dua kali, serta lalu udah ulih ngalah ka Kubau Raja di Nanga Skrang.
Kayau katibas tu bisi 3 renggat. Siti renggat nadai disebut ditu. Maya kayau ni kini Enchana “Letan Mas” bebadi?
Linggir Mantu Minggat Apai Runai Ngalah ka Katibas:
Dalam taun 1868, Minggat Apai Runai ari Krian diasoh Raja Muda Charles Brooke nyerang bala Iban ke rari ari Ulu Kabo lalu nguta diri ba Bukit Dungan entara Ulu Ensiring enggau Ulu Katibas begulai enggau Iban Ketibas ke betuai ka Janting seduai Ranggau ke agi ngelaban perintah. Dalam kayau iya ke skali tu, bala Minggat bulih 81 igi pala enggau 4 iko tangkap.
Udah ke alah dia, bala sida Janting seduai Ranggau lalu ngaga kubau ba Bukit Dungan nya baru. Ninga nya, dalam bulan enam, 1870 Raja Muda Charles Brooke lalu ngasoh Minggat “Apai Runai” nyerang Katibas baru. Raja Muda lalu ngerah Linggir “Mali Lebu” ari Paku enggau Entering Apai Nawai ari Julau mantu Minggat dalam kayau iya skali tu. Bala manok sabong sida leboh maia tu ia nya Munan anak Minggat empu, Luna “Panggau” ari Sebelak, Garran “Lembang Batu”, Juing enggau Ajan “Sanggol Langit” ari Paku, Chulo “Tarang”, Adu apai Jingan enggau Telajan ari Krian.
Dalam kayau sida ke skali tu, sida nadai betempoh enggau munsoh. Leboh sida nuntong ba kubau munsoh, bala munsoh endang udah rari magang. Sida lalu bemalam dalam kubau nya malam nya. Linggir empu leboh tu endang udah tuai bendar. Udah ke mantu Minggat ka skali tu, iya nadai agi ngulu ka anembiak iya ngayau agi.
Kira udah kayau ni Linggir bulih pemendar ari raja pindahke Balingian?
Kayau mantu raja ngalahke Cina Kheh ba Kuching (20/02/1857)
Kayau mantu raja ngalahke bansa Kayan ba ulu Rajang (1865)
Nama tuju Linggir Mai Bala Ngalah Ka Raja James Brooke Di Kuching tang enda ga nyadi tajapan udah niki ke rumah raja maya nyak?
Layang disebut bedengah pala Tuan Lee.
Qoute:
Tuan Allan Lee Mati ba Lintang Batang di Nanga Skrang; Rentap Nambahka Ensumbar.
Bala Rentap rari pulia ke ulu Skrang nengah Btg Saribas tauka Btg Lupar?
Qoute:
Nasit amat Rentap enggau bala tuai ka bukai, baka Linggir, Abang Apong enggau Aji enda bebadi laban sempat ngerarika diri bekayuh masuk Batang Saribas. Kenu ka jerita, pengelama sida ka besatup ba Beting Maru itu kira-kira bisi lima jam.
Sapa ti ngempu / bedengah pala Tuan Steward ngau pala DP Ali kini?
Qoute:
Maya ka bamuk (ba Karangan Peris) tu bala Rentap, udah munuh siku bansa ribai, iyanya Tuan Steward. Pala iya sempat ditabanka bala Iban, nyadi Tuan Steward tu dipelabaka bansa orang putih keterubah iya nyadi ka dengah kitai Iban. Tuai Laut Sarawak, Dato’ Patinggi Ali enggau bala iya seperau 26 iku mega parai maya ka betempoh nya. Udah ka menang di Kerangan Peris, Rentap lalu ngemai bala mulaika diri ke Ulu Skrang ngemai pala Tuan Steward. Nya meh keterubah Rentap besatup enggau bansa orang kulit burak.
Jerita Rentap dlm jaku Iban:
Meri besai terima ngagai nuan laban ti dalam penemu lalu nusoi cerita aki kitai Rentap. Aku besi maca book Rentap: Legend and Enigma, ti ditulis oleh James Ritchie, tang moih utai ti ditulis ia nya enda tentu betul. Ambi ka banding; Puyang ak Layang, keturunan ka enam Rentap diau di Bawang Asan, Sibu. Ka bendar Puyang diau di Sg Aup, Sibu. Cereta James Ritchie nya pen ka berat berat ka orang putih. Enda tentu betul. Pala Alan Lee pen bisi diibun ia ba rumah ia di Tr Jonathan Juna Sg. Aup, Sibu. Diatu ia berumur 82 tahun. Enti nuan bisi ati ka interview ia kala ka ia agi idup. Manah nuan ngusung ia ba Aup. Agi mega nuan ulih meda pala Alan Lee ba rumah ia dia lalu nuan tau ngambi gambar pala nya ngambi ka semua pemaca blog nuan ulih meda. Thank you
Libau tu tau serang numbangka menua laban iya tulung Keling seduai Kumang ari Panggau Libau. Iya tebilang agi disebut Rentap beduduk ari ensumbar iya ti bemunyi bakatu:
‘Sumpit lasit tibung temaga,
sumpit mit nyimpakka jerit Bintang Tiga.
Labuh kebaruh munuh nyumbuh jelu nyala.
Makai nuan Libau, runtuh tanah rentap menua’.
Iya mega digelar orang “Libau Panggau Dara, Rentap Tanah Kudi Menua”.
Udah kayau tu (ba Kerangan Peris), bala Rentap nambah tauka nyeruri ensumbar iya baru munyi tu:
”Rentap Tanah Rentap Menua,
Tuan Lee ke mati enda berega.
Tuan Brereton tau masuk ka kain,
Enda teanjungka bala Rajah.
Rita Layang ke tampak terang,
mandang ke Airupa.
Abang Aing Badu agi ke pending bala.
Undup abis tepelut leka mata.
Balau nadai agi kerangau sebelah kerapa.”
http://rhbudinlubokkerupok.weebly.com/jerita-libau-rentap.html
Manah Amat jerita nuan tu kaban.. To meh pesaka jerita pemerani Tuai kayau Kitai Iban kelia – Bala Linggir Mali lebu…minta pemendar mantaika jerita to ke group Kami Iban Asal ulu Ngemah Kanowit .Tq.
Kemaya Linggir dikemendarke Raja Brooke pindah ke menua Balingian? Pengundah Chabo pulai diplepaske Raja Brooke ari Kuching kini ngambika Linggir deka bebaik alu enda nyukong sida Aji agi?
Aji bisi nemuai agai Linggir dini ari sebedau Aji parai ba Sg Langit laban deka mai Linggir negah bala raja Brooke tang Linggir enggai ketegal mimpi ia ti diasoh Kumang jadi ngau Badong (madi sida Aji ti ke pengkuwan) enti ia deka ngalahka bala raja alu bini Linggir deka sarak ngau ia enti ia ka jadi ngau Badong.
NGUJI
Rindu ati ninga cerita tu…aku nadai entu mayuh komin ditu…sebedau niang ini kami mati nama iya PUYANG ANAK LAYANG. Bisi iya mantaika antu pala ngagai aku..dia iya madah antara 2 igi pala nya…ringka siti. pala raja badang,bisi kelai enggau we. enggau siti ringka dikelai enggau dawai ..padah iya ngagai aku tu pala tuan ALan lee. nyadi pala agi disimpan kami ba rumah tuai kami di batang aup..enti ka nemu enggau silik agi tau mukul telepaun nuju aku 0145769763
Ulih nuan ngambi gambar antu pala nyak alu post ditu?
Ulih nuan ngambi gambar antu pala nyak alu post ditu?
Pala raja badang nyak, pala jelu badang ka?
Nganti.aku pulai ke menua.
Aku ngambi gambar nya…
Udah ambitious gambar Pala nyak?
Who is Bunsu Ketupong? Is it ketupong biak? In the jalai/menua timang, there is menua ketupong tuai and ketupong biak.
Libau “Rentap” lost his land due to several retreating but definitely he and his men especially his son in law Layang showed some courage to fight the white men as proven by the slaying of Alan Lee. Perhaps because of his non-surrender or refusal to bebaik/peace treaty till his death that made him a hero.
Certainly Rentap can be regarded as equivalent in stature to Maharaja Lela of Perak and Rosli Dobi of Sibu.
I read somewhere in the comments in this blog, the correct name for Apai Dendang is Apai Bedindang which is a very common Iban name. I noticed that you edited Nundokka Raja to bebaik ngau Raja.
From my analysis, “Bebaik” (peace talk) is a more correct term to describe the event than “Nundok” (to surrender).
Will correct Apai Dendang to Apai Badindang? Actually did Apai Badindang and his men suppy slat to Libau “Rentap” like the Jaloh Iban?
Ofcourse they did supply salt to Rentap. They were kins to each other, sharing same root.
Au pia. Enda meh nemu nyak laban laban enda ditulis dalam jerita nyak. Nyauh ni kini tusut sida?
Were Jaloh Iban related to Libua “Rentap” as well?
Brapa igi pala ulih Linggir empu kini?
Did Linggir have his onw tampun because the one that burnt in Senunok’s longhouse belong to somebody else?
Of course he got his own tampun. It was also burnt down.
Specifically, nobody mention how many heads Linggir personnaly took.
Bakani maya ngayau dulu suba, enti pangan diri bebadi mati dibunoh munsoh alu enti munsoh enda ulih mumpong pala ia, amat pala ia dipumpong bala pangan ia empu alu bungkang ia ditinggalka pia aja? Enti ulih, bai pulai manah-manah meh kini?
Enti endor ngayau jauh ari menua, maya ni ngerok pala munsoh, ba langkau pemansok tauka bai pulai dulu, datai ba menua baru ngerok ia?
Amat ke enda pala munsoh dipansoh dulu awakka kulit pala tebererak kediri empu baka mansoh tulang jelu tauka pala jani? Enda irauka munsoh datai ngelaban baru ka?
Tauka kulit pala munsoh nyak ditisil magang-magang ngena duku naka ulih alu untak dikeritok ngau batang rutan awakka pansut maya disepohka dalam ai sungai ti anyut, udah nyak baru disalai?
Amatka bala OKP Nanang enda ngambi pala munsoh maya ngau ngayauka Raja Brooke? Enti amat, nama kabuah? Laban ketegal udah masuk Kristin tauka endang enggai ngambi pala bansa diri empu?
Amatka pala munsoh ti baru dipumpong dientakka ba bau kiba ngau kanan (mandi darah) alu untak ia disungkit mimit ngau ujung duku alu diempa urang ti mumpong pala nyak?
Amat bala urang indu nerima kerubong pala aja (ti udah diperesi/dikerok) ngena pua kumbu, ukai pala ti agi bedarah tauka empai dituci?
Bakani prosidur enchaboh arong nyambut antu pala?
All such detail things, no one wanted to talk too much about, especially if it refers to individual person. This is to avoid offending the descendant of those affected.
Ok, forget about the names. I read some details in one blog so I like to confirm them.
Bakani steps enchaboh arong?
Sungai Langit mati/benanga ba ai ni? Nadai ditemu ba map Sg Saribas/Layar.
It’s written in one thesis that the severed head is “diawet dengan garam” which I think is not the standard practice.
Never heard of salt being used (unless they want to preserve the tissues). They just took the skin out (and keep the the hair part for decor), poke the eyes out (ngerok), cut off the nostril and jaw flesh and tongue and drain out the brains from the nostril. Then it’s smoked atas bedilang.
Then they perform enchaboh arong rituals to welcome the head to the longhouse. I heard different ways of enchaboh arong. Some were simple ritual while others might be more elaborate … depending on quantity, I guess. Basically, its a thanksgiving for God of war and orang Panggau or other guardian spirits for their help to achieve success.
What is the simple enchaboh arong? It’s not described any write-ups.
Why do I have to tell everything to you? Can’t you analyse things for yourself?
It’s not written anywhere. I have searched internet all this while. Some of your info appear insider’s so quite interesting. I can read and analyse if info available by asking questions and get replies makes understanding better. It’s awlays said hold enchaboh arong but procedure is so far not written on book. If it’s simple, is it as simple as miring or bedara?
Though the Ibans might not know it, enchaboh arong ritual has psychological impact (spiritually or mentally) on men who came back from battles. Ancient Romans, Israelis, vikings and many other cultures practiced a form of ritual sacrifice when they return victoriously from war or battle. Especially for young men who never witnessed the killings and fightings or even death of their comrades, these scarry or near death experience could have a very big psychological impact for them for the rest of their life. Spiritual cleansing (or masu arang) needs to be done. Thus it is more than just bedara as it is done at the tanju.
Here is what I found in another blog, which made me to ask what is enchaboh arong?:
Selepas upacara keramaian itu, ia terus disusuli dengan satu lagi upacara keramaian yang lain, yang dikenali sebagai “Gawai Enchaboh Arong” yang
bermaksud mereka membuang sial selepas espedisi “Ngayau” itu.
http://ceritaanaksarawak.blogspot.my/2011/02/macam-mana-cara-bujang-berani-balik-ke.html
Buang sial is not the correct term. If a person is “sial” or “Busong”, he will not get any head, captives or loots. How can it be “sial” after you return from a successful raids. Its more of spiritual cleansing and appeasing.
I think your replies will benefit other visitors to your blog.
Is it similar to bebasu arang after nugal which is meant to cleanse?
Right … spiritual cleansing.
Tuaka enchaboh arong tu berunsut ngau ai alam dulang ti diengkah batu perunsut ngau buah pelaga?
Berunsut is used for blessing married couples and meri anak mandi. Never heard of it being used for enchaboh arong ritual.
Engka tak baka bebasu arang pengundah tembu nugal ti kena muai semua utai ti enda manah tauka sial..
Ngering ka samengat or mulai ka bala pengayau enggai ka layu and to return to normal life.
How is it done? By ngetup duku?
Is enchaboh arong done by berunsut belakang baroh pegu ngau batu perunsut ti diengkah dalam dulang kena betenun alu bisi ditempuka batu pelaga? Udah nyak kening digenselan ngau darah manok?
Another question about Linggir is why did attack the Baketan Sugai because Saribas Iban and Baketan have become brothers (udah bambu isan/madi) after Demong married Rinda? It seems Apai Siba’s longhouse became the victim. And the Katibas Iban did try to counterattack to help the Baketan but returned due attack of cholera on the journey to Saribas.
Demong episode was 11 generations earlier (about 300 yrs). Thus kinship was not maintained after such a long time. Apai Siba alerted the enemies of approaching Linggir’s troop. I believe the attack was made merely out of frustration, otherwise Linggir will come back empty handed, thus affect his reputation in Saribas.
The question is which enemies that Linggir’s troop wanted to attack in the first place? And why? Because Linggir used to attack coastal areas above Nanga Rajang. Sugai is inland.
What was the dispute that caused Linggir to attack this area?
Hi, saya orang melayu.. cikgu sejarah saya minta kami cari sejarah tentang Linggir tetapi hanya bahasa iban sahaja yang saya jumpa.. boleh tolong translate? saya sangat sangat berterima kasih jika sesiapa dapat membantu
Adik orang Melayu di mana? Kalau di Sarawak, boleh cari kawan Iban untuk bacakan tek Iban ini kepada adik? Mungkin belajar secara berkumpulan.
Kalau adik faham English, boleh baca dalam Iban Migration Part 2. Linggir ada persahabatan erat dgn orang Melayu di Saribas.
Aku bisi tebacaka Enchan Letan Mas bebadi maya kayau agai Katibas. Bisi bala ulih nusoi jerita kayau tu?
Amat nyak. Kitai mega patutu kih ngulihka prajar dunya baru diatu. Kih ngulihka tupi besegi bakake urang kelia kih ngulihka igi balang.
Rentap enda tebilang baka Tuai Iban ke bukai……laban iya enda bekayau bekayau ke bansa diri…..iya tebilang laban enda nundok ke Tuan Rajah….engka nya meh kebuah Iban Batang Batang Kabo ke diketuai ke Ranggau enggau Lang Labang ke ngenan diri di bukit Dungan enda nundok ke Rajah…biar mati danjan kesulai…….tang diatu kitai anang kih baka tu….kitai patut kih dalam ngereja pengawa ngemansang ke Tanah NCR serta bepekit enggau bansa bukai
aku mintak kita nawut jaku aku tok udah enkimak anun….. labuk anun tok jaku kita iban keliak
Udah engkima, ko nuan? Reti ia udah makai nuan? Tauka udah matak ke lengan nuan?
nma maksud kayau anak…
Kayau ti mit tauka kayau beipa. Udah bulih sigi dua igi, sida pulai. Kayau ti besai bebala mayuh, tu kekadang dikumbai kayau serang.
Alu bedau bala bisi nusoi jerita Unal “Bulan” kalimpah ari jerita ia ti ngalahka Ijau “Lang”.
unal “bulan” sama enggau unau “bulan” kini?..kala ku tebacha ke nama nama unau “bulan” ba siti tulis surat khabar Utusan Borneo taun 2012 bisi ngelansa mimit kenang Unau”Bulan”..
bisi ga ngerimbas kenang ba blogger bukai Bulan Apai Jelani ke mantu Libau “Rentap”..orang ke sama kini enggau unal”bulan” tauka unau”bulan”..Nyangka bisi banding bunyi mulut siku – siku nyebut unau tok nyadi unal..tang orang ke sama kini?..Bulan tok anak Gasing ke nyadi tuai Iban Batang Skrang tengah , lalu di ulu diketuai ke Libau Rentap nitih ke penerang di ambi ari utusan Borneo maya Disember 2012..
ba blog Ensera enggau Cherita Iban bisi nyebut Bulan apai Jelani begulai enggau Libau Rentap ngelaban bala Raja Brooke.. seduai ia endang mati idup enggai nyerah nundok ngagai Raja Perintah Sarawak nya..nampung cherita bukai mega..Kedu Lang Ngindang ari Nanga Bunu endang peturun Bulan anak Gasing ke bensumbar Tuntung Ninjau..
Unau engka sama ngau Unal tang ia tu tuai ari Ulu Layar aulu ukai Bulan ari Skrang.
Bis aku tebacake Enchana “Letan Pus Mas” nya bebadi maya kayau ka Ktibas. Bisi bala nemu nusoi jerita tu ngau silik bakani ia tau bebadi?
Tabi samoa,
Nma kabuah Linggir ngau bala iya nyerang Baketan Sugai bakake di baroh tu?
Linggir Nyerang Baketan Sugai:
Kalima kali Linggir matak enggau serang ngalah ka rumah Baketan, Apai Siba, di Sugai pati Kanowit. Kabuah iya nyerang Baketan tu, laban Apai Siba enggau anembiak iya diau ba entara menoa Iban enggau Baketan. Serta Apai Siba ninga rita Linggir bisi ngayau tunga kia, iya dulu madah ka munsoh ngasoh sida rari. Pedis ati ka pengawa Apai Siba, Linggir enggau anembiak iya lalu ngalah ka rumah Apai Siba. Rumah nya lalu alah, taja Apai Siba enggau anembiak iya balat bendar ngelaban nan ka rumah sida ari alah ka Iban.
[…] https://gnmawar.wordpress.com/jerita-lama/jerita-linggir-mali-lebu/ […]
terebai, ulih meri address rumah panjai umban nyak? Engka bisi ari kin ila.
tq,meri kami macha cerita di ruang nuan..it good and very good. enti bala bukai deka nemu asal kitai iban keamat bendar amai..ulih datai ke menua kalimantan.segala tasang,jalai,kain,duku,ilang,engau maioh macam barang lama ditinggal bala kayau iban suba agi meruan dijaga rumah panjai umban kepuas kalimantan barat..serta ari rumah panjai nya suba iban berengkah mudik ke sarawak sampai sida berpecah..muyi cerita orang rumah panjai nya ari 33iko mula bejalai ngiga menua baru mulanya..sida semua agi biak dlm 12-18tahun umur..17iko kala pulai baru datai semina nyeguk menua asal sida,serta nyerita pengawa sida di menua sarawak, kitai tu diatu ti nemu bangsa iban bejako munyi iban sigi peturun sida ti 33iko nembiak nya. laban kitai udah kelalu maioh tusut berbagi serta maioh agi bala bukai ti nitih sida ke sarawak sekumbang 17iko ti pulai baru ke menua umban…sinu serta bangga ningga cerita sida maya kami datai din suba. bayangkan rumah panjai umban sigi tebelian magang ari tiang rumah peninggi dalam 50meter , kaki tangga sampai ke ruai,dinding serta lantai..diukir manah di tiap penjuru,pemanjai 78pintu serta bisi 4buah rumah panjai. nadai ulih ku padah agi selain ngasuh kita datai meda penatai iban suba.lebih manah datai maya gawai. baru kitai nemu alai pengawa gawai turun temurun keling suba dibai sampai ke diatu.
Ulih meri address Rumah Emban nyak, unggal? Enti driba ke Putussibau ari Lubok Antu/Badau, bisi mansa rumah panjai tu kini?
Sapa urang 33 iko nyak kini? Bisi nama sida iya?
Bisi video clip kini?
Nama kabuah tanya nyak nyelai, ngal?
Linggir tu endang raja berani ari baca aku. Aku ke maca jerita iya, tak “tertanya-tanya” or “wondering” nama kabuah iya enda nyadi. Enti nyadi, engka ringat amat bala ribai. Ketegal iya ti udah alah ba Beting Maru alu nundok, bebaik tauka taklok ka raja udah nyak kini? Tauka enda sampai ati laban pengawa raja ti manah ati agai bala Iban?
Kitai pan nemu pengundah Rosli Dobi nikam Gabenor Duncan Stewards ba Sibu.
Siti agi tanya agai bala sabuat, nama kabuah Libau Rentap enda dulu nacakka bala raja ti benong ngesan Bujang Sadok katas bukit sepiak leboh maya bala raja berengka ngalah ke Kuta Bukit Sadok iya? Bujang Sadok nyak ti dikena nyerang alu ngalahka kuta Bukit Sadok Rentap ketiga kali.
Minta ampun ti nyelai tanya. Semina deka nemu jerita raja berani ngau dalam agi.
Why didn’t Linggir attack the Rajah immediately upon his arrival? Even this English’s account did not tell the reason? Perhaps, peturun Linggir knows the reasons.
It was during the summer of this year that a very
curious episode occurred. Whilst the Rajah was at
dinner with his English followers in the new house
to which I have already referred, and which had been
constructed some distance below the Malay town,
Lingire, the well-known pirate chief, walked into
the dining -hall, followed by a large party of his
warriors. As they were all fully armed, the Rajah
saw at once that mischief was meant. He received
the chief most courteously. A chair was given him,
and all the other Dyaks squatted down on the floor
round the table. Cigars were handed round, and
then the Rajah asked what was the news. Lingire
answered that they had just pulled up the river to
pay him a visit.
The Rajah called up a very intelligent native
servant and said to him in English, ^ Bring me ajiother
bottle of sherry,’ and then added in a careless voice,
‘Let the Malay chiefs know who are here.’ The
servant duly brought in the wine and then retired.
Digitized by
Googk
74 BUILDERS OF GREATER BRITAIN
Whilst the Seribas chief was drinking his sherry, the
Rajah exerted himself to the utmost to entertain
him — told him story after story, got the Dyak to
relate instances of his own prowess. His vanity was
so tickled that, forgetting the object of his visit, he
dilated on his forays into the Dutch territories, where
he had surprised the Chinese settlers. ‘They won’t
fight, those cowards,’ he said. ‘They run away
from an armed man, or drop on their knees and beg
for mercy.’ The Rajah encouraged him to continue,
but time and the Datus moved slowly, and he could
see the Dyaks exchanging glances, as if to say the
moment had arrived for action. In another minute
they would have been on their feet and the unarmed
Englishmen slain, when footsteps were heard on the
gravel walk. Lingire looked anxious as the powerful
form of the Datu Patingi appeared in the verandah,
which was soon crowded with armed Malays. The
Datu Tumangong soon followed, and the Dyaks were
surrounded. They did not move — a move would
have sealed their fate. The Datus threatened and
scolded them to their hearts’ content,, asked how
they had dared to enter the Rajah’s house with arms
in their hands, and had not the white chief interfered
the Malays would have executed summary justice on
the rascals.
The Rajah then spoke. He said he knew very
well that Lingire had come to surprise them, but
he would not have it said that anyone who came
Digitized by
Googk
RAJAH BROOKE 75
to his country should be in fear of death, however
much he merited it, that he would forgive him, and
he might go. At a sign from the Rajah the Malays
opened their serried ranks, and Lingire and his followers
crept out like whipped curs and disappeared from the
river. Years afterj I saw Lingire sitting on a chair
beside the Rajah, but I do not think he ever con-
fessed to us that his design had been to kill the white
men, though it was well known that he came for no
other purpose. He had, in fact, boasted that he
would take the Rajah’s head and hang it up in a
basket which he had already prepared and ‘placed in
a tree near his village. Had he attacked the Rajah
the moment he entered the room nothing could have
saved the Englishmen, as they were quite defenceless ;
and he could have done it with impunity, as no Malay
war boat could have overtaken a Dyak bangkong.
This is but a specimen of the Rajah’s marvellous
escapes. I had the above account from his cousin,
Arthur Crookshank.
http://archive.org/stream/rajahbrookeengl02johngoog/rajahbrookeengl02johngoog_djvu.txt
Enti Linggir munoh Rajah Brooke maya nya, menua kitai Saribas abis laban bala Raja Ribai bebalas ka pemati Raja sida. Enti Linggir mati siko aja, nadai ngawa. Tang enti semua Iban Saribas di buru ari menua nya, nama penyadi kitai? Bisi jaku tuai kitai Iban maya nya ke benama Libau “Buban” ari Samu, ngajar Linggir enda ngasuh iya ngamok bala Raja, laban sida nya enda badu datai mai senyata sida dikena ngalah ka menua kitai. Tu tau mai penusah ngagai pendiau kitai di Batang Saribas baka pendiau sida Libau “Rentap” di ulu Skrang, laban ke enggai badu belaban enggau Raja. Runding orang ke tuai kelia sigi dalam, sabedau tuai-tuai telanjur jaku enggau telanjur pengawa ti tau ngenusah ka bansa enggau menua diri. Tuai2 kitai Iban menya sigi dulu berunding deka nyaga pengelikun anak biak diri empu magang, ukai semina ngaga nama tauka pengeraja diri empu aja. Tuai kitai Iban ukai semina berani, tang mesti mending ka jaku bala mayuh serta bisi pemintar.
When did Libau Buban advise Linggir Mali Lebu, was before the trip to Astana? If before, why made the trip after all?
What is your concern here, if he made the trip to Astana or not?
When did Libau Buban advise Linggir Mali Lebu against attacking Brooke at Astana, was it before departing from Saribas to Astana or after arriving at the Astana? Was Libau Buban with the troop to attack the Astana?
If Libau Buban already advised Linggir Mali Lebu against attacking Brooke, so why did he come to Astana with the ringkak at his longboat? I’m still wondering what was his purpose for coming to attack the Brooke at the Astana with his troop on that night but did not do so. Linggir Mali Lebu did have the element of surprise on his side because the Brooke at the Astana was not guarded at all. Did he at first really want to take the Brooke’s head but changed his mind at the last minute after arriving at the Astana? Did he try to show the Brooke with the message “if I want to take your head, I can do so!”?
Libau “Buban” was an Ulu Paku leader who was already an old man when Linggir succeeded his father as Lower Paku leader. Thus he was not in the team. He was one of the adviser whom Linggir consulted on various matters. After the first attack by Rajah Brooke on Padeh, Paku and Rimbas in 1843, the Rajah Brooke called upon OK Dana and Linggir to negotiate a peace truce, where they were presented with a Generang spear and a state flag each by Rajah Brooke. Both Saribas leaders and a Skrang leader named Linggi never agree to or accept the terms given as both do not recognise the Brooke government.
When Linggir discussed the issue with Paku council of elders, and realised that Rajah Brooke wanted all the Saribas and Skrang leaders to submit to the Brooke rule, something their ancestors have never done before. Naturally this angers Linggir and other Saribas/Skrang leaders. That’s when he boasted of taking Rajah Brooke head, to show that he do not fear white men. That’s when Libau Buban wisely advised him not to wage war and go out to attack Raja Ribai as it will bring more trouble to the community. If Rajah Brooke attack us, we can only defend ourselves, but if we bring the war to Raja Brooke, they will not stop until they chase us out of our land. Not satisfied with the advise given, Linggir, stubbornly, decided to visit Rajah Brooke in Kuching just to prove his bravery to his people and to Rajah Brooke.
At the Astana, there is not much formal communication going on due to language barrier, until the Malay chief arrive. For Linggir who have never been to the Astana, it could be a cultural shock for him, including the calmness of James Brooke behavior throughout the event. Maybe he realise that there is no real purpose in killing the Rajah, unless he wants to occupy the throne. Maybe he realize that Kumang’s prophecy was true that the Rajah Ribai seat is higher than Linggir’s seat and that he will not win if he led any raid to the areas at the left bank of Saribas river mouth. I believe he realize that he is not ready to shoulder the responsibility as the Rajah of Sarawak at that moment. Killing Rajah Brooke and bring his head home would be an easy task with the advantages given at that point of time, but the whole of Saribas history would be changed, as more white men came with their guns, as Libau Buban had advise. The British colonization was already happening in other SE Asian regions. They have all the resources to attack and occupy Sarawak.
Before leaving, Linggir hinted to Rajah Brooke that they cannot follow or obey Rajah Brooke adat, as they cannot “mindah jauh”, showing his non-recognition of the Brooke Government. Linggir’s ambition was to follow Unggang Lebor Menoa and OK Dana’s success in raiding the coastal areas before the arrival or Rajah Brooke. His targeted areas would be those coastal areas to the right of the Saribas river mouth, in accordance to Kumang’s prophecy.
The whole issue here is about colonial power and not about leadership bravery. We can have brave leaders, but we do not have leaders who understand the concept of power and government. That’s why our leadership style only applies to a small riverine community only which is often very fragile.
Basically we both agree that Linggir came to show off his bravery, perhaps also to intimidate Brooke that Brooke is within Linggir’s reach.
However, eventually everybody (both Iban ad Malay) succumbed to Brooke’s rule.
Did this episode of taking James Brooke’s head affect Linggir’s relationship with Rajah Brooke because it appears Linggir was never commissioned by Brooke to lead major punitive expeditions like the younger Pengulu Minggat Apai Runai and OKP Nanang who surrendered later?
Indeed Linggir became Rajah James Brooke best friend later on and joined in his many expedition to expand his territory. Infact, the Balingian territory was given to Linggir and the Paku Iban by Brooke himself. But we must note that, Linggir and other Saribas leaders had no idea that the Brooke regime was building a monarchical dynasty in Sarawak and that they were being used to achieve Brooke’s objectives. This kind of Dynasty building never happen in an Iban egalitarian society. For that reason, we never have any Kingdom of our own, unlike the Malays.
If Linggir did take Brooke’s head, he might be regarded as a martyr today like Libau Rentap, Rosli Dobi and Dato Maharajalela of Perak who killed JWW Birch in 1875. Of course, he had to face the consequences like retaliations by British and perhaps to migrate to northeastern regions which were still not under Brooke’s rule at that time. It appears that retaining their land/menua was overriding their decision at that time. It was also not surprising tha Mujah Buah Raya saw the opportunity for migration to Julau/Kanowit region and Enchana/Minggat/Chulo Tarang to Krian.
Right … taking James Brooke head would have been very easy as the Brooke astana lack the security at that time. Imagine how Linggir’s men take on the well defended Bugau fort in ulu Ketunggau. The Astana could have been an easy picking for Linggir’s men had they wanted to kill Rajah James Brooke and everyone there.
If Linggir did take Brooke’s head and to take his throne, I’m wondering how likely that the Brunei sultan at that time would recognize his rajahship?
If Linggir took the throne, he would expand his territory by attacking Nanga Rajang upto Brunei. But the Kuching Malays will not be happy and most possibly, they will rebel against Linggir. The Saribas Malays might be loyal to Linggir, as they were oppose to Brunei Sultan. That was the reason they migrate to Saribas region. But I’m not sure if Linggir have the ability to scheme a power play or politics amongst the Iban leaders and with the Malays who are allied to him. I also doubt Linggir’s ability or knowledge to build up his dynasty or carve out a monarchical system, as this is a new system to the Ibans. The Ibans just don’t have the knowledge (both political and administrative) and means (like resources and logistics) to manage large territories.
Brunei Sultan would be afraid as they had failed many times to impose their rule on the Iban territories for many generations.
Why do you think that the Iban at that time did not try to emulate the Malay to build a monarchy kingdom?
The Iban is an egalitarian society and are constantly on the move. Leadership was not hereditary as in a feudal or monarchical system of the Malays. Even the more settled iban of Batang Ai, they did not emulate the Malay Sultanate concept and they are oppose to the Malay rule. Thus the Malays cannot assume control over them. Same in Saribas, where the Rajah or Brunei Sultanate cannot assume control over the Iban, unless they were able to conquer the Iban and control the area like Brooke did. If the Iban follow the Malay system, all decision making (right or wrong) will be done by the Astana. In Iban society, all decisions done were in consultation with every member of the longhouse community or riverine community. That’s why the Ibans find it hard to accept the law (adat) of other race or ideology.
Indeed Brooke expanded their territory to Rajang and upto Brunei.
Any idea why didn’t Linggir ask Brooke to recognize him as the chief of Saribas region if he wished to follow Unggang Lebur Menua and OKP Dana Bayang?
Linggir became a good friend of Brooke but he was never asked by Brooke to lead major punitive expeditions and followed the junior Pengulu Minggat Apai Runai (who was Linggir’s manok sabong previously?) except to attack the neighboring Jaloh Iban.
It’s not Linggir’s character to ask for position. Even his praise name (ensumbar) was given by his manok sabong. If appointed, he would have taken it after consultation with his other allies in Saribas, especially his close friends like the OK Nanang, Luyoh and Ajie.
As for other punitive expedition led by Rajah Brooke, Linggir decided that it was time for his younger charge like Minggat, Chulo Tarang, Penghulu Garran to step up and lead the troops. Linggir was there merely as adviser to his former manok sabong. Even when attacking Jaloh Iban, Linggir was only an observer and send only 3 of his new young manok sabong to join the fray. The Jaloh Iban were also a group of people he led to attack the Bugau Fort many years earlier.
Linggir was the most senior among the generation after OKP Dana Bayang and thus naturally should become the leader of Saribas for both Iban and Malay since the latter was already his ally. Linggir was one of manok sabong of OKP Dana Bayang. Ajie Apai Limba was younger than Linggir Mali Lebu. And if continuity of Iban leadership is not hereditary ie passed from father to son). But it appears Ajie rebelled against Linggir because he made truce (bebaik) with Brooke without consulting Ajie or Ajie refused to bebaik with Brooke ie not to recognize external control such as Brooke or Brunei sultan..
Ajie would not be happy if Linggir is appointed Paramount Chief. On the other hand, Linggir would not want to be used by Rajah Brooke to punish Ajie. Ajie tried to show his disapproval to Linggir by trying to attack Linggir’s Malay allies village. During the standoff, Linggir told Ajie, if he attack those Malays, it’s amounting to attack Linggir himself. Ajie aborted the attack. They raided the Balau settlement instead and called out to the Balaus that they are Linggir’s men so that the Balaus will seek revenge on Paku people. But Linggir, knowing his old friend very well, played the issue down so as not to worsen the kinship further, to the advantage of their enemies.
Bebaik does not mean that we recognize external control over our people, although colonization gradually caught up with our society. It is a way we Iban get out of our shell and keep pace with what is happening outside our territory, like what Penghulu Minggat did and many others after that who went trading to other places.
If waiting for appointment, who should appoint Linggir to be the paramount chief (raja berani) of Saribas? Is it the Saribas people themselves? It cannot be James Brooke or Brunei sultan if Saribas region is really independent and sovereign. Why didn’t he take the lead? By the way who were among Linggir’s 60 men troop to visit the the Brooke’s Kuching Astana? Was it only the Lower Paku followers?
The appointment (if any) should seek the consensus of all Iban leaders from other areas … not only from Saribas/Skrang region. The 60 men were all from Paku regions.
But Ajie is one generation junior than LInggir. He should wait for his turn and blossom (prove his ability) under Linggir’s mentorship/leadership perhaps as Linggir was his father (OKP Dana Bayang)’s tuai manok sabong.
The children of OK Dana were of the same generation of Linggir. OK Dana’s tuai manok sabong was Sabok “Gila Berani” and OK Akun “Bedindang”. The others were just Bujang Berani including Linggir and OK Dana Sons. Because of his bravery, after following OK Dana’s various raids, only then orang Paku asked Linggir to be their Kayau leader (Tuai Kayau).
However, Ajie did show his ultimate bravery even at the expense of his life, probably equivalent to Libau Rentap in opposition or non-acceptance of Brooke’s rule and colonization.
Ajie was the boldest and bravest of OK Dana’s sons. Even his father warned him of his boldness as it is his major weakness. He should learn to be a leader, instead of involved in fighting the enemies.
The different between Libau Rentap and Ajie was that, Ajie never run away and hold on to his fort. He died attacking the Rajah men on the river, against the advise of Kumang. All Saribas leaders did not accept Brooke rule. They only agree to stop fighting. But Brooke men kept coming to attack Saribas. They never know the real intention of Rajah Brooke at that time. If Brooke want to be the Rajah of Sarawak, the Saribas Iban did not stop him, because Sarawak territory was only around Kuching along Sungai Sarawak. I believe there were many misconception and miscommunications by local leaders at that time. The Brooke Government just proceed with their expansion policy and use the Ibans to “ngalus ka menoa”. But were the Iban leaders involved or inclusive in the administration of the Brooke Government?
The Ibans were purely ignorant of the political matters at that time. Why do they need to sacrifice themselves for Brooke Dynasty, if they don’t recognise Brooke’s law?
The Ibans enjoyed going out on a raids for Rajah Brooke, as that was a license for them to go headhunting. But why did Brooke allow headhunting, when they were the one telling the Ibans to stop headhunting culture? Obviously, it’s for their own interest, and the Ibans were ignorant of that.
Some Iban leaders of punitive expeditions were given some areas to migrate to, won’t they? Of course, headhunting and plundering was a major factor for the Iban to become bala raja. Paying half door tax was another. Why was Linggir given Balingian to migrate to? Was it for his service to Brooke?
I do not know about other Iban leaders given land. I don’t know specifically why Rajah Brooke gave Balingian to Linggir.
Why were Linggir and his followers given Balingian as menua baru to pindah? Was it because Linggir asked for it, or given by Brooke as gratuity for their service to Brooke, or because they have attacked this area previously or somehow as a gift to them for not opposing Brooke’s rule and thus allowing Brooke to take over the Paku/Saribas area once they migrate and at the same time expanding Brooke’s rule to Balingian area and perhaps helping Brooke to pacify or fight any resistance in Balingian?
The Rajah Brooke also “nunduk ka Iban”. There was no resistance in Balingian. It was an unoccupied land.
Perhaps it was a gift to entice Linggir and Paku settlers to support him and not to fight him ie after they migrated to Balingian, it would be easier for Brooke to occupy Saribas and perhaps to pacify the the remaining areas like Padeh, Layar and Rimba, and of course Libau “Rentap” at Bukit Sadok. At the same time, Linggir would occupy the new area Balingian and by this way, expand Brooke’s territory northwards. Linggir and his followers might be used to encircle and pacify the rebellion in Mukah especially Sharif Masyur, the sago district at that time.
There were many thing that the Brooke do not understand about the Saribas Ibans. The Brooke thought that we could be dealt with like what the Americans did to the Red Indian community in America. Settle them in an isolated reservation areas. They do not know that the Saribas Ibans, in the previous 2 generations before Linggir’s time, had cleared those areas in the Kalaka region as far as Sarikei and Kanowit for future migration plan. Balingian was not in their map yet. Linggir took it as a gift but never migrated to the region. It was only in the 1940’s that some Paku Iban decided to occupy those areas.
The Pengarah Ringkai men from Betong fort did participate in the attack on Sheriff Masyhor in Mukah. Ajie, Nanang and Luyoh did not attack Sherif Masyhor as they were friends. It was Linggir who made a number of raids in those areas before the Battle of Beting Maro.
It appears to be a gift to entice Linggir in exchange for making the Saribas peace treaty (bebaik) or to stop headhunting an dif Linggir and his men did migrate Balingian, then it was indeed expanding Brooke’s territory to Balingian by the presence of his subjects over there.
Maybe Brooke need people to man the out post as far as Balingian as part of his expansion plan. If the Saribas Ibans have been inclusive in the Brooke’s plans and policies, then we could have been more willing to be involved in running the state government. The Brooke Government could have trained and hire us to be their administrator. But I believe, Brooke’s resources is also very thin or limited to finance the administration of such a large territory.
Brooke first made alliance (or brotherhood/perabangan) with Malays in Kuching and Semanggang, so built schools in these areas earlier so more Malays being educated. Perhaps the Malays were also already educated in jawi due to practicing Islam and Quran. Whereas Brooke gained control of Saribas and Skrang later on and accordingly built schools. Compared to Rajang region, the Iban in Saribas and Skrang were introduced to school earlier than the Rajang Iban and thus more were recruited into Brooke civil service. Anyway, some Iban became fortmen and I read more Iban were recruited by Japanese during its short occupation.
I guess Brooke preferred to send Linggir because perhaps beside sending him “graciously” to conquer/mubok menua bari Balingian. Malay can only stay near coastal areas. Brooke did involve the Iban but perhaps more suited to their role ie punitive expeditions (ngaluska menua) due to their tracking, bravery and headhunting skills. Brooke did ask Iban to be involved in trade (eg gather jungle produce) and worked their land with agriculture but it appears not many really got successful, just like in education. It was perhaps difficult to adopt and dapt to this new culture of education, civil service, agriculture and trade.
Brooke brought Chinese to work the land and to do trade as they viewed Chinese being industrious and hardworking.
At which occasion did Brooke gave Linggir Balingian? Was it during the bebaik in Kuching?
Nama jerita ke di baroh tu sama ngau jerita Linggir ka mai bala ia niki ka satana ka munoh raja kini?
Quote:
The Lundu Dyak chief was a great friend and admirer of Sir James Brooke from his first arrival in the country. He and his tribe were the determined enemies of the pirates, and with the Balows of the Batang Lupar braved the Sarebas and Sakarrans, even when they were most powerful. At the pirate fight of 1849 the Lundu chief lost two of his sons: they were killed by an ambush set by Lingi the Sarebas chief. Only one son, Callon, remained, and he was not his father’s favourite. Poor old Orang Kaya! it was a terrible trial, and nearly brought him to his grave.
Some time afterwards, he and Callon were at Sarawak to pay their tax. Lingi, who had then submitted to the Rajah, had been in Sarawak for some days, professedly to trade, but really to see if he could not take Sir James Brooke’s head. This was prevented by the watchfulness of the Malays, who, suspecting Lingi, never let him get near the Rajah when they sat talking after dinner, as was the custom in those days. So Lingi went away foiled, and the day they dropped down the river the Lundus heard of it. Revenge seemed ready at hand: they had a fast boat, were a large party, and brave to a man. They entreated the Rajah to let them follow Lingi and take his head never again would they take a head, only Lingi’s, the Rajah’s enemy and their own. Of course they were refused, and it must have been a terrible strain on their affection and fealty to the Rajah, not in this instance to follow the traditions of their ancestors, and gratify their personal revenge by killing a traitor. But they obeyed, and Lingi got safely back to Sarebas, little knowing how narrowly he escaped. Unquote
http://www.readcentral.com/chapters/Harriette-McDougall/Sketches-of-Our-Life-at-Sarawak/008
Tabi basa Unggal gnmawar
Ulih nuan madah nama kabuah bala LInggir enda tak lalu nacakka bala Raja nyak kini sebedau Raja minta sah?
“Nya alai iya nyau berunding ngiga jalai munoh Raja James Brooke lalu ngambi pala iya dikena iya mantup ka pemerani ati diri nyadi tuai Iban Paku. Nyadi malam sida datai di Kuching, iya lalu ngulu ka bala iya niki ngagai astana Raja leboh Raja James Brooke makai enggau akan iya dua iko, James Brooke-Brooke seduai Charles Johnson Brooke.
Meda bala Linggir datai ngenyit, Rajah Brooke ngelalu ka sida lalu ngasoh sida dudok ba geladak berintai-rintai ngelingi mija ke alai sida menyanak nya makai. Laban penatai sida nya, Raja irau serta rawan bendar ati.”
js,
Nyelai amai jaku tanya nuan js, baka ngaga report ke FBI. Baka enda bebasa ke orang. Enti bangat ka nanya utai kenya, tanya ke email GNMawar. Tanya nengah email ga.
[…] https://gnmawar.wordpress.com/jerita-lama/jerita-linggir-mali-lebu/ […]
Aku udah sigi lama ka nulis pasal aki Linggir tok lalu ka ngiga semua ucu ichit Linggir. Barang sapa kitak ti amat ucu ichit Linggir please kontact me to help me write about our great-great grandfather.
amt pnjai cta tu.. enti ba buku engka ulih aq maca… sayau amt….tp nda ngawa ga bc maya baca bru ga… best mai ulih mca ari on9…………:)
Dini alai Patusan ? bisi sapa nemu ?
[…] Jerita Linggir “Mali Lebu” […]
Rindu macha jerita nuan tu unggal, terima kasih. Engka bisi antara kitai iban bukai ka bisi penemu senentang jerita Balang serta Mawat ‘Ijau Lelayang’ enggau silik. Arap ka ulih dibantai ditu. TQ
Tabi unggal,
Kati kala nuan ninga jerita aki kami Ijau “Ijau Tusuk Beranggung Rawai Lapan” enggau Jerita Nyambong ke munuh Tuan Lee ba Lintang Batang, Pati Batang Skrang?
Kennedy,
Ulih nuan meri aku jerita nya version ari kitai Iban?
This history should be told so that all Ibans know the story if agreeable.
Ukai Layang menantu Rentap ke numbok Tn Lee ngena sekungwar maya betempoh ba Lintang Batang menya?
if agreeable.
Cukup pengaga ati aku lebuh tetemu ka laman tu.. Terima kasih ti pemadu tinggi ngagai nuan kaban ketegal laman nuan tu.. Cukup lama aku udah ngiga laman ke besangkut enggau bansa kitai ke baka tu… Diatu aku dah tetemu!!! Ngajihka bansa kitai ulih besemekih enggau bansa bukai ngemansangka diri.. Terima kasih sekali agi..
no komen….
aya minta nn ngaga ke aku siti ensumbar ngambi ka aku ulih belajar bekena serta ngerembai ke jaku bansa kitai taja ba menua org. email nn ngaga aku ila.
manah……….
enti ka nemu peturun rentap kita tau macha bup rentap ka ditulis james richie bc dijual ba kedai bup di jugah foundation building, kch
bujang timpang berang,
james ritchie tu beambi ulih ari cerita aki ini orang bukai. Nama kabuah turun Rentap enda nulis cherita sida empu ari dulu menya?
Amat nya GN Mawar,nadai utai lebih ari penyerakup dalam bansa.Tegi ke pemansang dunya baru ambi menua maju tang beteladan ke pengingat ke lama,anang negi ke ati kepapas dalam siti bida aja.
1937 – Japan begins its offensive biological weapons program. Unit 731, the biological weapons research and development unit, is located in Harbin, Manchuria. Over the course of the program, at least 10,000 prisoners are killed in Japanese experiments (BW)
Read more: http://www.libraryindex.com/pages/1888/Proliferation-Weapons-Mass-Destruction-WMD-HISTORY-USAGE-PROLIFERATION.html#ixzz0FXRexXNS&B
Leboh maianya suba bisi 10,000 orang ke ditangkap/soldadu enggau rakyat di ngelaban Jipun dijil dalam jil rahsia.Sida idup -idup nyadi expriment soldadu Jipun lalu di inject/tucuk ngena jarum di ngundan virus tauke penyakit ke beracun.Maioh sida iya tak laboh ai mata aja..nganti diri ke mati leboh ti gali di atas katil leboh ke di-inject ngena racun.Maioh mega ngelaban madah diri enggai mati…tang sida nadai gaya ngelaban laban jari udah diikat.Maioh mega dipujuk dulu baka ke mujuk nembiak mit .
Tang diatu pengawa Jipun ke kemadu nadai sinu ke mensia lalu nyadi ke tenggau ke lalau nembiak kemaia ari tu awak ke tau nyadi teladan ke cuan mensia badu agi munuh pangan diri enggau cara di enda beradat.
Enti kita deka nemu bisi di documtary ba Channel 555 History Astro TV tauke ba internet.
Nya-alai aku ngari ke bangsa kitai pansik lalu temu nama kebuah bangsa kitai suba udu bemunsuh enggau diri sebangsa?
Diatu Orang Jipun udah nyadi siti bangsa ke kemadu maju dalam ekonomi ngalah ke bangsa Amerika.Nama kebuah ? Diatu sida cukup taluk ke bangsa diri enggau menoa lalu enda ngaga penyarut agi.Sida udah ngasai ke pengawa ke udah dikerja sida amat salah lalu nadai pulai ke penguntung.Kitai Iban enda ibuh kelalu begaut nitih ke ekonomi Jipun nitih ke runding sida dulu pan pama meh.Enda diatu pagila lusa kitai pan tau mansang tau nyegang baka orang bukai mega.Enti kita segempung.
Diatu pan kitai agi tebal enda sepenemu enggau diri sebangsa taja pan cara kitai bebunuh nyau nadai ngena duku enggau sangkuh agi.Tang kitai agi enda segempung lalu ngacuk pangan diri ngena penemu ti salah.Ambi ke contoh leboh maia election kitai bangsa balat enda enda sepenemu..ngjung ke kitai pambar lalu alah.Enti kitai siti runding siti penemu…enti diau ko siko semua kitai diau. Enti ngalih ko siko semua mesti ngalih nadai tau tinggal…bai manok bai kerungan,bai periuk bai mangkuk angkat semua….betesau ke ulu ke ili padah ke siti penemu siti tuju,nadai tau limpang.Baru kitai baka manok bisi didinga orang engkukuk.Nyalai tinggal ke runding ke lama bai penemu di ke berubah…lalu ulih ke siti juluk di meruan anang ningga jako sebubu ngapa lalu tan ke penaluk ati ke diri empu. TQ.
Belabut Bangat,
Kitai mesti diau dalam siti bumbung aja lalu nitih ka satu jalai pengarap enggau siti adat aja enti kitai bendar-bendar deka bersatu enggau bansa diri empu. Tang kitai sama nemu, utai tu enda ulih dititihka agi laban kitai Iban udah jauh pechah pendiau, pengarap enggau adat.
Naka utai ti agi ulih nyerakupka bansa kitai nya jako enggau culture kitai Iban. Sapa-sapa tuai kitai Iban ti deka niri-negi ka jako enggau culture kitai Iban, nya meh patut disukong-ditulong kitai bansa, nyadi ka pengari kitai mai pemansang begulai-sajalai enggau bansa bukai di Malaysia tu. Aku arap ka kitai bansa Iban enda kelalu pechah penemu enggau pangan diri laban ti berebut nyadi tuai deka bekuasa megai menoa.
My advise is, less bickering amongst present Iban leaders, even though they stand on different platforms, but to focus on our future development, especially in our language and culture, which our descendant we can be proud of in future.
Aku nadai bantah ngagai samoa tuai-tuai kitai Iban ka bisi megai pengawa kadiatu. Besampi ngagai Petara, arap ka pengawa sida mujur magang ambi ka penguntong bansa kitai. Enti bisi penyalah, nya antara sida enggau Petara sida empu.
Belabut bangat,
Endang sigi baka mensia, ngasai ka diri kering, kaya sereta bisi kuasa, nyau sapaneka ati bebunohka bansa orang bukai. Dalam politik, enda tau enda besarakup ngering ka bansa diri enggai ka di-indik orang baka nya, lebih-lebih agi enti bangsa orang bukai kelalu besai kuasa megai kitai bansa. Diatu menoa china udah serakup, mansang sareta kering, nadai siko bansa orang bukai berani nyerang sida agi. Kitai Iban patut betaladan ka bansa sida China. Kelia, laban sida enda sarakup enggau pangan diri, sida iya mudah alah laban orang Jipun. Diatu nadai sida berani ngindik tanah China agi mai duku samurai sida.
Minta ampun ngagai bangsa kitai Iban nyangka penemu aku bisi lebih lalu tau ngasuh bala ngau bangsa kitai beserekang lalu besenki penemu.Enda kitai tau enseriban penemu enggau panggan diri agi.Enti kitai agi ngembuan ati kepapas /selfish serta ninggi ke diri….retinya kitai meh ke agi jauh tinggal enggau orang berebut ke pemansang .
Enti kitai manding ke kerja bala soldadu Jipun ke bebunuh ke orang maia perang dunia II suba amat kelalu enda ulih diterima akal enggau pikir mensia….lalu mega bala Jerman bebunuh ke bala Jews …..baka ke ukai mensia sida ngeracun,nucuk orang ngena racun,mompong pala serta enggau maioh cara bukai dikena munuh orang ti nadai ngelaban serta ngembuan senjata.
Utainya di compile lalu documentary dfilem ke sida nyadi sejarah/history lak ke bisi dikena nembiak rebak baru mansik lalu belajar kenyadi siti subjeck/matapelajaran sejarah/history.
Nembiak baru endang mesti ngembuan ati ti deka mansik sereta ngembuan runding ti rasional retinya nemu milih utai ti manah ke diri.Nya baru bangsa kitai ulih duduk sama baruh lalu berdiri sama tinggi enggau bangsa bukai.
Aku diatu agi gawa di Miri…enti bisi kemisi ila aku deka mansik jerita tu enggau lebih silik agi belalau ke pengigat sida ke tuai.Aku deka nulis Jerita Tabur/Pintu Batu tu ke disimpan aku empu.Terima kasih.
Peturun sida tinggal di Wong Mikai.Diatu peturun ia bisi muka kedai runcit di rumah panjai.Aku enda tentu berani nampung mayuh semina peturun ia madah ke niang Tabur tu kelia lesi betempuh anggau Bala Raja di tebing ke luchak lalu ke endur kaki lekat lalu dipesaup bala raja.
Amat pah Tabur patah kena timabk tauka tegerincir ba tebing tanah lucak maya batempoh?
Aku kala betemu enggau peturun Tabur lebuh ngaga Banci Ekonomi dalam taun 2005.Bisi peturun Tabur empu madah ke aku ngenang aki sida udah dikenang dalam cerita di atas.
AMBROSE DANA,
Dini alai menoa Peturun Tabur tu diatu? Enti ulih aku deka ngumpul jerita aki sida mega, nyadi ka tambah pengingat lama ditu.
renggie@jabo,
TQ ke udah mansa ruai aku ditu.
manah amt creuta sejarah bansa ktai iban tu.. rindu aku macha ya… laban aku sigi rindu t urg bc nusui sejarah lama katai ari seribas .terutama jerta pasal “wira ” kitai bansa iban kelia…aku semina kala ningga ari niang aki kami suba aja psl sejarah t tang maya nya aku agi mit..until aku terbacha post nuan 2 br aku terang agi ke pengingat nya.. tq…
manah gerita aki nuan nya tau di compile nuan ari pun.
Kati nuan unggal nemu gerita aki kami Impin ke besumbar Pintu Batu Mali Tebuka Dengan Mudah Beri Raja.Sida iya dibai Raja ngalus ke menoa lalu betempuh di Naga Pilo Batang Rajang suba.Leboh maia nya dia aki kami ke besumbar Pintu Batu belangar enggau bala Iban Batang Rajang ke diketuai ke Tabur Menua.Tabur tu endang orang bujang berani.Iya enda masuk peluru tang nasib iya nadai dia iya ditimbak bala Raja lalu patah pah.Laban ke patah pah dia iya enda telaban ke aki kami Pintu batu.Taja pia iya ulih malas lalu mantap bau Pintu Batu.Bau pintu batu lalu telih balat bendar tang enda ngasuh iya bebadi.Kelimpah arinya bala ari Batang selalu deka bebalas ke pemati Tabur tu.Ke ngujung ke Raja nyasuh Aki kami tu besilih pala Tabur tu enggai tajau di Simanggang maia nya.Minta ampun ngagai suku-juru Tabur tu ukai akau deka ngunkit utai ti lama.Tang ke bendar lak ke kitai nemu pengawa aki inik kitai ti nadai reti bebunuh ke pangan diri nyadi sejarah.Enti nuan unggal nemu uji gerita ke lak kami kami nemu.Aku semina nemu batang cerita aja,tang kini ke pon enggau ujung iya aku enda nemu.Terima kasih.
Belabut bangat,
Bisi aku ninga pasal Impin “Pintu Batu”. Tang aku enda kala ninga jerita iya ka nitih ka orang ngayau kelia. Enti nuan bisi jerita tu, nuan tau meri aku awak ka aku publish nya ditu. Aku bisi udah meda gambar iya ngirup buloh leboh Gawai Antu orang Skundong menya. Enti nuan bisi info bukai, nuan tau meri aku. Diatu samoa utai nya nyadi ka pelajar orang, ukai kena ngungkit laya lama. Pemikiran kitai mesti barubah nitih ka pemansang dunya. TQ.
Au, baka nya Tabur bebadi maya batempoh ba Bukit Batu neh.
Hai unggal,uji nn nanya inik isu bangat…apai inik nyak bernama mancha…
Harry Usup Umbar,
Jerita Linggir “Mali Lebu” enggau Jerita OK Pemancha Dana “Bayang” tu endang jerita pasal aki kami empu ti lama udah disimpan kami sabilik. Nya alai enti deka ngangkat ka jerita tu nyadi novel tau ka chara bukai nya manah. Jerita OK Dana Bayang udah dipublish dalam Sarawak Musuem Journal as Historical Fact. Jerita Linggir Mali Lebu udah di kena aku ngaga project aku di ITM, Shah Alam menya lalu dipublish dalam Bahasa Malaysia. Enti deka besaup nulis pasal “Wira” kitai Iban, nya manah bendar tang enda tau nadai “focal point” endur submit enggau compile semua utai nya awak ka tau nyadi enggau manah lalu tau diguna pemacha kitai Iban. TQ.
Terima kasih ngagai nuan unggal, penulis jerita tuai tu. Sebedau tu aku bsisi ga macha pasal cherita Linggir, ba Tansang Kenyalang tu aku deka ngiga mayuh agi pasal Linggir –
Aku udah nulis jerita Linggir nyadi ‘Drama Pentas’ taun 2007 lalu bulih No. 1
Diatu aku benung nulis novel “Linggir Mali Lebu” –
Dalam Novel tu aku deka ngasuh Linggir ‘come to alive’ -reti nya, iya deka bejaku ngagai pemacha.
Manah amat jerita tuai tu, enti diangkat nyadi novel tauka jerpan. Aram kitai Iban besaup enggau aku nulis pasal ‘wira’ kitai Iban tu. Libau-Rentap & Linggir Mali Lebu udah diangkatka aku nyadi novel. Bah… kita bukai angkatka sida bujang berani ti buaki, agi mayuh baka ,OKP, Bantin, Asun, etb
Aku siku ar nmk rebak baru ke endang sigi rindu ke jerita tuai kelia,enti agi mit suba selalu sida niang aki betusui ke jerita lama..tang diatu laban tudah tuai nyau udh ninggal ke dunya,nyadi kira ke nadai tentu orang nemu nampung pengelandik iya ba bengkah2 siti pengawa/adat kitai iban.Sayau endar laban tudah tuai nadai org ti ulih dipadu ke..
Nambah ke nya mega aku rindu ke ninga orang meri ai ansah ti maya pengawa rami semua indah..amatpan jaku ti dikena mayuh jaku dalam,tang ti didinga enggau betul2 sigi rindu..
nama reti mimpi kitai bc meda duku bebalut enggau darah dah nya bc org masu duku nya enggau ai paip .ulih nuan nerang ka aku reti mimpi nya. tq
anakapai18,
Aku enda tentu berani mantai ka tusut orang bukai …. enggai ka salah tusoi. Enti enggi aki-ini diri empu, nadai ngawa …. enti bisi salah, kaban diri empu nemu madah ka iya ti betul. Enda pedis pending ninga. TQ.
ulih nuan nulong nyedia ka tusut ‘RENTAP’tauka LIBAU ambi ka bala kami ka anembiak rebak dudi tu nemu bakani ka tusut ia ‘lalu sapa bagi peturun RENTAP ka agi bedau ngibun bilik tuai ia . tq
terima ksih ka reply ari nuan .kami ka anembiak rebak baru diatu sigi enda tentu nemu bakani ka cherita bujang berani kelia semina ka temu kami kemaia ari diatu ‘RENTAP’ka tampak agi rita.lalu siti agi nama kebuah LIBAU tu tau bulih ensumbar ‘RENTAP’tq
anakapai18,
Libau “Rentap” nadai tentu tebilang nama banding enggau Tuai2 Saribas bukai, laban iya selalu lari lalu nadai kala ngulu ka bala nyerang menoa bukai. Orang Skrang empu nadai kala minta tulong iya ngalah ka munsoh sida empu. Sida Skrang ngasoh OK Dana Bayang enggau Linggir “Mali Lebu” ngulu ka sida ngalah ka Undup enggau Bugau. Iya tebilang nama laban bansa kitai Iban rebak baru enda tentu nemu jerita lama enggau dalam.
Kengka temu aku, manok sabong Libau “Rentap” iya nya menantu iya empu ke benama Layang. Enti bala bukai bisi penemu agi pasal jerita Libau “Rentap” tau mantai ka nya ditu. Minta ampun enti bisi salah tusoi.
Bisi bala nemu leka main renong kayau ti disebut dalam jerita Lingiir tu?
Diperatike aku ari baca aku, Libau “Rentap” tu tebilang nama laban bala Raja Brooke enda talahka ia sampai 3 kali nyerang ba Bukit Sadok ketegal ti ka bebalas ke pemarai Alan Lee ba Lintang Batang.
Ba bup C Brooke, 2 iko manuk sabong Libau “Rentap” ti ngumbok ia nyerah diri maya serang ke Bukit Sadok ketiga kali ti mai meriam besai (Bujang Sadok) bisi disebut dalam bup nyak tang nama saduai enda disebut.
sapa bagi manok sabong RENTAP