Tarubah Bansa Iban Nemu Bekalingai (Bepantang – Tattoo)
MENYA bisi kitai Iban siko ke benama Gendup. Kenyau ari agi biak iya endang penyumpit bendar. Iya suah bendar bemalam dalam kampong, ba lubang batu, di puchok kayu enggau sabelah endor bukai ke manah endor iya nat ka diri dalam babas leboh iya kelalu jaoh udah tapejoh nyumpit. Iya mega endang orang ke berani ngelaban malam, enda takut ka hari jai tau ka ular-embayar, jelu-antu ke tau nganu kitai dalam babas.
Nyadi sakali iya kelalu jaoh tapejoh nyumpit, nyau enda nemu pengelama diri ke udah bejalai. Kepuas bejalai dalam babas dia iya tak rembus ba pendai orang, lalu tepeda ka indu siko mandi. Apin Gendup sempat ngangau alai indu nya lalu nyapa.
“Lalu Gendup, lalu enggau aku mandi dulu,” ko indu nya.
“Nama kebuah enda lalu,” pia ko Gendup, ngengkah ka ma iya lalu sama mandi enggau indu nya. lya alit ati meda indu nya tak nemu nama iya. Udah tembu mandi indu nya lalu mai Gendup niki ka rumah.
“Niki meh Gendup nyereta aku, sida ke lelaki nadai mindah, bisi di rumah magang,” ko indu nya leboh ka mai iya niki.
“Manah endar enti sida bisi di rumah magang,” ko Gendup.
Nyau semak kaki tangga, dinga Gendup tak bakasetik-bakasetok munyi utai dalam rumah orang nya. Iya enda nemu belaba ka pengawa orang ke bengat bakasetik ngemalat nya.
“Nama pengawa orang di rumah dia?” Ko iya nanya indu ke disempulang iya ari pendai.
“Eh, orang ngaga kalingai, orang bepantang,” ko saut indu
nya.
Seduai pen lalu niki ka rumah. Nama agi meda temuai niki, orang lalu bakaraoh ngasoh dudok. Tang iya madah ka diri lalu enggau indu nya ka setak ka dulu. Datai ba tengah Rumah, indu nya lalu tama ka bilik. Gendup lalu ngait ka ma enggau duku iya ba tandok rusa ke ba tiang. Apai tuai orang ba ruai dia lalu nudok ka iya. Gendup pen lalu dudok nunga apai tuai orang nya. Peda iya nyau genarau tuboh apai-tuai orang nya penoh laban kalingai.
Udah badu makai lemai nya sampal bendar orang sarumah, enggau indu enggau anembiak, begulu ka Gendup. Udah nanya ka menoa, orang lalu nanya ka pejalai, laban iya bengat nadai kala udah rembus udah ngebus ba menoa nya. Gendup madah ka diri pejalai lantang. Ninga iya pejalai lantang, sida lalu bungah. Dia sida ke bujang madah ka diri deka ngaga kalingai ka Gendup, dikena ngingat ka iya ke baru rembus. Tang Gendup apin madah ka diri deka, nyangka tak pedis dipantang, ninga munyi orang ti bepantang nyau bakasetok leboh iya baru datai tadi. Malam nya sida ketuai lalu madah ka Gendup bagi kalingai ke diengkah ba tuboh, baka ba rekong, bau, lengan, pah, belakang enggau endor bukai. Orang mega lalu madah ka pasal tegulun ngagai iya.
“Tegulun enda tau digaga ngapa enti kitai nadai dengah,” pia ko orang madah ngagai iya.
Nyau rindu ninga sida berandau ka pasal kalingai, hari siti baru iya madah ka diri deka dipantang sida. Nya alai sida ke bujang lalu berengkah ngaga kalingai ka Gendup. Tiga hari berunggu sida mantang baru tembu. Nama agi, nadai utai ngemanah nya kalingai ba sebelah tuboh Gendup, orang ga endang landik, bengat tak penatai kalingai. Bentara ka hari udah nya, kalingai iya pan udah ga gerai magang, dia iya madah ka diri bisi ati deka pulai ka menoa, tang iya enda nemu jalai pulai. Apin Gendup pulai, apai-tuai orang nya lalu madah ka nama diri ngagai iya.
“Nama aku Selang Pantang,” ko iya. “Bala kami tu Antu Pantang magang. Nya alai laban nuan, Gendup, terubah mensia datai ba rumah kami nuan mega dulu digaga ka kami kalingai. Lalu nadai orang bukai nemu ngaga pantang enti enda ari ajar nuan enggau peturun nuan jemah ila,” Pia ko jako Antu nya bejako enggau iya. Udah nya iya lalu madah ka jalai pulai ngagai Gendup.
Datai di rumah orang bela ngenong magang medah utai tak begenarau chelum sabelah tuboh Gendup. Iya lalu becherita ka diri ke diau ba rumah sida Antu Selang Pantang, kenyau ari iya ke rembus ba pendai lalu betemu enggau indu mandi. Ari ajar Gendup nya meh pun Iban nemu begaga ka kalingai ba tuboh.
Original Source : Nendak
Researched and compiled by Gregory N. Mawar
Tabi tuai,
Ka nnya, bisi tauka nama reti pantang bintang beserak tiga 4 tuchong?
minta saup bala kaban semua, nama kini reti pantang ketam itit enggau kara nyangkam?
Qoute:
The tattoos on the back (Ketam Itit/Ketupong) represent the back of the crab, the tattoos on the arms (Ketam Lengan)represent the arms of the crab. A crabs shell is a hard armor, which protects its wearer.
https://wordpress.com/stats/insights/ibanology.wordpress.com
Kara nyangkam kena ngetanke pegu baka kara nyangkam ba tunggul tauka pun kayu.
Aku ka nemu.pantang nama tauk digaga ba rekung.laban umur ku agi biak.udh mangai 21 umur aku.aku sigi rindu berpantang kelingai iban tox.
Engkatak slalu dipantang ba rekong tang bisi bedau bedengah enda tau dipantang ngapa tauka enti bedau nyengala bisi penemu ngereja pengawa baka bumai, ngayau, leka main ngau pengawa kemaya ari diatu.
Manah agi mantang begian tuboh bukai baka berang, belakang, rusok, lengan, pah ngau betis.
tau nanya sida ke tuai nama motif kalingai ti patutu ba tiap iti begian tuboh.
Baka ba nuan empu beumur 21 taun, nama pengalaman ti besai dalam pengidup nuan? Tau pantang ba dada ke tanda ia.
Peda curak engkatak ngau siti curak (ti enda temu nama) ba tengah2 gamabar Borneo tattoo tu:
https://ibanology.wordpress.com/
Rekong patut dipantang penudi ia. Belakang ngau tuboh bukai udah dipantang wat? Peda curak kalingai ba belakang ditu:
https://ibanology.wordpress.com/2016/01/01/pantang-belakang-iban-back-tatto-design/
Aku ka nemu.pantang nama tauk digaga ba rekung laban aku ka nemu..
(sorry nampung ngau aku tadi) selain ari nya, pantang sebelah pegau enggau rekung bisi mega reti, pantang sebelah pegu tau ka rekung nanda ke urang nya tau serang tau kayau enti menya, aku enda nemu ni bagi rekung tau ka pegu ke dipantang enti tau kayau enggau tau serang, baka ke diatu nembiak diatu mantang sebelah rekung sebelah pegau enti hidup menya kita nya sigi digiga urang dulu ke di ulih urang dulu nyadi ke leka begumba balang bedagu, amat gawai besai enti te ulih leka begumba bisi pantang di rekung ngau pegu. Nya kebuah menya urang ke nadai dengah ukai tau serang tau kayau tau mulau ngaga pantang di rekung tauka pegu. Nangkan ke nya enti ukai tau kayau tau serang mantang di rekung enggau pegu, sida di panggau deka nganu alu deka nyumpah. Nadai meh kitai nemu nama sumpah sida ia. Ukai nya aja corak pantang pen ukai sengapa, tiap churak ke kena dipantang di pegu enggau rekung mega bisi mai reti ia empu, tu enda ku nemu nama churak ke dipantang sida ke tau serang tau kayau. Nyadi baka rebak diatu sorry aku terus terang madah, mayuh pantang nya nadai reti,kosong, amat pen bakachurak asal tang enda nitih adat sigi nadai reti semina ngamah ke tubuh aja amat pen lawa dipeda….kelia miring urang enti ka pantang kenu ku ngambi bala dipanggau nemu nama kebuah mantang bakanya.
*nya kebuah urang ia ke ukai tau serang tau kayau ENGGAI ngaga pantang ba rekung tauka di pegu*
Pantang ba Pegu Ngau rekung Ukai nanda ke urang Nya kala bedengah unggal.pantang tegulun ba jari baru nanda ke urang Nya kala bedengah.kelingai ba rekung nunjuk ka urang Nya bisi penemu dalam ngereja pengawa.pantang ba pegu nanda ke orang Nya udah puas “bejalai”jadi kira maksud Nya ya udah bulih mayuh penemu.
Setiap Pantang bangsa kitai iban nang bisi reti.nti ya Nadai reti bala aki kitai kelia nda Patut ka meri Nama ngagai setup Pantang ka digaga sida. Pantang kitai iban tau di Jaga ari lenyau Laban Nya siti ari adat bangsa kitai
Ba menua kami enti urang bepantang rekong, nyak endang nandaka ia udah bedengah. Tegulun tu dikena urang ka ulu Btg Rajang.
Bubut, ulih nuan ngerintai bansa setiap iti pantang/kalingai alu meri tuju reti ia?
Qoute:
Ukai nya aja corak pantang pen ukai sengapa, tiap churak ke kena dipantang di pegu enggau rekung mega bisi mai reti ia empu, tu enda ku nemu nama churak ke dipantang sida ke tau serang tau kayau.
Ulih nerangka reti setiap curak pantang , unggal?
Aku enda entu nemu endar tang enti nitih nama utai ke kala di padah niang aki ku kelia, general rule ia kitai iban sigi enda tau enda bepantang biar siti titik mit ngambi nyamai bala sida di panggau din meda nela kitai enti lebuh bejalai jauh ke menua bukai tauka sebelah babas enti nyema kitai minta tulung minta panjung sida ia, nankan ke nya bisi sekeda jelu enda tau di pantang ngapa ba tubuh enti nadai tulung nadai panjung jelu nya, enti enda alah ayu laban ia. Nyadi baka pantang kelingai nya bisi ga enda tau dipantang enti nadai dengah nyadi baka terung tu mega(enti enda salah ke ingat aku) bisi mega reti ia, pemesai, serta berapa lambar bungai berapa dalam gelung ia nitih ke berapa igi leka begumba balang ke di ulih maya nurun ngayau…..nya aja ulih padah aku laban niang aku enda entu nyentuk endar madah maya aku ke agi mit ngerara pantang ia.
Quote:
nyadi baka terung tu mega(enti enda salah ke ingat aku) bisi mega reti ia, pemesai, serta berapa lambar bungai berapa dalam gelung ia nitih ke berapa igi leka begumba balang ke di ulih maya nurun ngayau…..
Ulih unggal nerangka reti ia ngau silih?
Setiap lambar dalam bungai terung nadai madah ke erti ya unggal.Bungai Terung tok ukai maksud ka nurun ngayau.Bungai Terung tok ba bala iban kelia maksud ya udah angkat besai ukai nembiak agi.Cuma TEGULUN Aja nunjuk orang Nya udah ngayau lalu mai pulai pala munsuh.
endang chkup mnah pntang asal ktai iban klia jman nyntuk kea sritu
Ari segi undang2 bisi nda nagang kitai Iban ari ngaga pantang asal.. Aku kerja ngau company minyak ‘perintah’ tang bisi pantang deguk/rekung.. Naka ke dipansik aku nadai gak nagang tang, pantang deguk KAW amat gak..
Mnh cerita tattoo tok…
Ari bup Basic Iban Design ti ditulis AA Ganjing ba bagian Kalingai, bisi nama ukir tang enda dipadahke ia ba bagian tuboh ni setiap iti ukir nyak patut dipantang. Aku ngeripihke list nyak ditu engka bala bisi nemu ba bagina tuboh ni setiap iti kalingai nyak patut dipantang:
1) Undai beradai – ba bagian tuboh ni patut dipantang?
2) Ketam nyepit – ?
3) Ketam bedayung – ?
4) Ngerama murong – ?
5) Tabak -?
6) Fig 11 nadai nama diberi -?
7) Fg 12 nadai nama diberi -?
8) Ajat pama -?
9) Fig 14 nadai nama -?
10) Dulang Sempandai -?
11) Ketam ngerayap – ?
12) Fig 17 nadai nama diberi -?
13) Fig 18 nadai nama diberi -?
14 Baya butang (Adulterous crocodiles) – ?
15) Rengguang (Lobster) – ?
16) Pala rusa (Deer head) -?
17) Tedung beambai (Mating cobra) -?
18) Dulang Ini Manang (Shaman Goddess Tray)-?
19) Janggut undai (Prawn fellers – ?
20) Kala bejagang (Crawling scorpion) -?
21) Bekaul kawai (Interlock) -?
22) Semawa (Flying fox) -?
23) Jelenga udun -?
24) Surong gelang (Bracelet) -?
Bubut, datas nyak udah diritaika bansa pantang. Ulih nuan madahka tuju setiap iti pantang nyak?
Nama ukir ba lengan saduai dalam gambar datas nyak?
Ni ka ”Kelingai Ketam Nyepit” & “Kelingai Ketam Itit” dalam gambar datas nyak?
Bisi bala ngelala ukir ba pegu ngau bau belakang apai tuai dalam gambar datas nyak?
Bisi nama bintang ti bisi empat tucong ba tengah tauak tulang belakang ngau bintang ti bisi 7 tucong ba belakang sepaik kanan ngau kiba nyak? Nama reti bintang 4 tucong ngau 7 tucong nyak?
Hi Unggal.
Mayuh ga aku betanya enggau sida ketuai, bintang empat iti nya dikumbai sida ketuai “Buah Andu”.
Quote from above article:
Malam nya sida ketuai lalu madah ka Gendup bagi kalingai ke diengkah ba tuboh, baka ba rekong, bau, lengan, pah, belakang enggau endor bukai. Orang mega lalu madah ka pasal tegulun ngagai iya.Here comes the example:
Quote from Ibanpedia:
– Calf muscle: usually “Kowit” hooks, a sign that indicated the reaching of puberty.
– Shoulders: a rosette (“bungai terong”, “tandan buah”, “buah andu” or “ringgit saliling”).
– Thighs and arms: a “kala” scorpion, symbolizing a journey.
– Back: rosettes, also symbolizing a journey.
– Throat: a “katak” frog (derived from the Bakatan “hooks“), an imitation of the “burong lang” (war god) signs on the throat.
– Backs of hands: large tattoos or linear decorations. Symbols of success as a head hunter.
https://gnmawar.files.wordpress.com/2008/08/tegulundesign2.jpg?w=299&h=172&h=172
http://ibanology.files.wordpress.com/2013/07/iban-traditional-designs.jpeg?w=739&h=2049
Bakani milih ukir, pantang tauka kalingai ba tuboh kitai?
Bisi bala ulih nembuka list di baroh tu?
Ba rekong – ukir katak ti nandaka Sengalang Burong
Ba bau – bungai terong
Ba berang – kala. Bisi ukir ditu?
Ba lengan – kala. Bisi ukir bukai?
Ba pah – kala. Bisi ukir bukai?
Ba betis – sauh tauka ginti. Kowit hook
Ba belakang – bungai terong. Nama agi ukir bukai ti patut?
Ba dada – ?
Ba pegu – ?
Ba atas jari – tegulun
Aki aku bisi utai ka ditemu aku ari nuan senentang nama kangau. Bunsu genali tu asal ia ari ular tauka tilan?ku ka nemu nama kangau bunsu babi enggau bunsu rusa enti bisi…terima kasih
Charles Hose & William McDougall, The Pagan Tribes of Borneo: Volume I, Singapore: Oxford University Press, 1993.
Augustine Anggat Ganjing, Asas Ukiran Iban: Satu Pengenalan, Kuala Lumpur: Dewan Bahasa dan Pustaka, 1991.
http://dayakimpressions.wordpress.com
sapa-sapa ka nemu tentang ukir tauka pantang kitai Iban, tau macha bup dua iti tu enggau nguji muka link tu. =)
Bisi dokumentari bepantang/bekalingai dalam youtube.com.
Ulih sapa-sapa madahka bakani ka nusun (ngatur) bengkah-bengkah pantang nyak ba bagian tuboh kitai mesia?
Baka bungai terong ba pun bau mua alu bisi ga ba belakang.
Ba rekong, nama kalingai ti tanda bedengah?
Ba dada, nama pantang iya? Nitihka dokumentari nyak, slalu dada tau dipantang jelu tasik baka renguang, ketam tauaj undang ti tau nulong nyelamatka nyawa enti karam di taisk ko o.
Ba belakang tas ngau baroh, nama?
Ba berang ngau lengan, nama?
Ba pah ngau betis nama?
Ba perut bisi tau dipantang kini?
Ba jari, tekulun.
uncle nama reti berpantang dtengkuk?bak leher..
joseph ak suring
god mnkz”uncle”bakani curak bungai terong ka amai iya uncle laban aku ka ngagak ba belakang aku,iya ka peda aku kemaya ari tuk maioh amai curak pantang bungai terong.enti uncle bisi gambar asal bungai terong kirum ngagai aku,lama dah aku ngiga pantang asal bungai terong kitai iban..
mayuh org bepantang nadai reti (meaning). chura pantang sengapa aja. bansa iban ti amai ka bepantang aruh nitih ka chura asal pantang Iban. enti iya lari ari adat enggau main asal, iya ngasuh adat kitai Iban tercemar ku Melayu. bisi sekeda chura bungai terung tang dipeda baka bungai raya. burung kenyalang baka gamal burung kukur. adat tu patut dikemeranka kitai. manah agi enti bisi orang ka ngerijister iya ba Jabatan Warisan Kebangsaan ngambika iya sah empu bansa Iban. bansa bukai ulih dikumbai kitai niru, nitihka kitai.
ari nie deh penatai pantang bungai terung??
bkani ka reti urang ke pantang bha deguk nya dh….ma nya adat udah bedengah munsuh ka, tauka nya nanda ke ktai anak iban….
..bakani ant sma ktai anak biak rebak baru tuk ka bepantang bkanya ulih ka?
tabi tuai..
aku ka nanya nuan sentang pekara bepantang tu..kati ka bepantang tu,bisi reti ba bala orang kelia??ya ka bedengah..bakani curok ya??ngau utai bukai meh..laban ko cherita aki inik kelia munya bepantang tu,orang ka bepantang ba jari reti ya nya ..udah bedengah ka pala munsuh.amat kini nya tuai??ukai nama aku nanya utai munyi tu..laban maioh amat embiak baru diatu.ndai milih endur mantang diri..danji lawa peda kenu..tang nadai mereti ka pantang nya..nya aku ka nanya tuai…tauk nda kitai mantang ba jari??mali enda kini??
Ukai aku nemu utai pasal kitai iban, tang ia ke temu aku, Pantang ke di gaga urang dulu kelia endang amat bisi makna. Tang diatu pantang ulih di beli ba kaki lima. Maia kelia pantang mina urang ke udah belilang, berani, dahbsi dengah, enti indu ia endang landik kerja indu aja ke bisi pantang. Tang diatu kitai meda pantang nebiak ke maia ari. Seda tak sengapa aja. Nya alai enti kitai ka bepantang kiati nanya diri dulu. Anang tak sengapa…..
pantang nama paling manah gaga ba belakang
uji madah gai aku
uncle, kati ka cerita asal bepantang tuk bisi ditulis urang dalam buku tauka uncle ninga cerita ari urang kelebih tuai agik.
Anak Iban,
Penemu tu ulih aku begiga, betanya ngagai orang bukai ….
ok..tq uncle..
engka laban aku bdau ambis utai peda, aku ka nanya, bc curak pantang ke manah di gaga’ ba tubuh ka dlm blok tu?. laban aku bc pantang gk, tang aku ka ngaga pantang iban jak. enggai campur enggau pantang bukai. ngarap bc info, aku enda nemu ngiga curak ke manah, TQ
nda ptt ka mda bnsa kitai iban tu dbunuh bansa bkai ngna pen aja?….nda ngawa bpantang asl ati ktai rindu….
tng ang ngaga pntang sgapa,lbn myuh dah ku nnga,t bpantang sgapa nang ank ktai iban….
T mya bpantang gaga mh ngau mnh2 bla madi smua….
ngmbi ke org bkai mda pantang ank iban cukup manah….
Dear;fidelbar amat ko nuan nya…myuh udh dipeda aku bala ktai iban ngdu pntang tak sngapa utai..ngmalu ke bnsa ktai iban aja..tp aku mdh dulu sgi ndai entu rndu mda org laki bpntang nyau hbis tbuh..bgi aku nya mina ngmah ke tubuh aja..enti ka bpantang biar mh sda ngdu mnh agi..ny lgi sngpa utai pntang…
Helo kaban ka nanya nuan ….baru2 tok baru dah ngaga pantang ba lengan aku. Pantang kitai iban iya nyak pantang jelu buaya ..nama reti ya kaban..tq auk…
Nadai madahke pantang baya ba bup Augustine Anggat. Taja pia, Iban slalu bepantang ke jelu tasik tauka ai baka baya, dikarapke jelu tu tau nulong enti maya bisi penusah maya ba ai baka enti karam. Baya mega udah dialahke Iban baka jerita dalam Iban Migration Part 1.
pantang t genarau baka surat khabar….abis bak belakang,jari dada ngau pah…….
Nama reti pantang iban ke digaga ba sebelah belakang enggau rekong? baka tegulun enda tau digaga ngapa enti empai berdengah.
nanya ja… indu tau bepantang?? nadai mali ka???
kadang-kadang orang salah anggap gau urang indu ke deka bepantang.. macam2 jaku… nyak ku nanya baru, indu tau bepantang..??
nama utai kena org kelia ngaga ink?
walter,nembiak ulu bayor,
Arok kali tauka amau ….
nama kena org tuai kelia nyampur aruk kali tau ka amu nya tuai?laban aku ka nguji ngena ink org tuai sba?
Uncle GN Mawar,
Ka nanya uncle sekumbang aku meda urang bepantang maioh amat jenis pantang bungai terung digaga sida.Nyadi aku ka nemu makna setiap jenis pantang bungai terung ti di pantang sida nya…
Uncle GN Mawar,
Sapa bisi buku pantang Iban?
Nama ukir ti manah ngau reti iya enti maya kami tu ngadu pantang… Aku diatu ngiga ukir iban ti manah, reti iya ngau dini alai deka mantang iya ba tubuh…
TQ Uncle…
penemu lama anang nitih ka…tang maju ka depan…
endang patut nya…aku nyukung amat penemu bala kitai tu….
kitai patut ngerembai jaku bansa kitai iban,laban ngelambangka bansa kitai iban,awak ka bansa kitai enda surut ka belakang..mAJU Iban maju…
aku ka nanya pasal pantang tok..kati kami ke ngaga pantang tok nda mali ngapa ka..??laban aku tok ngaga pantang ke orang ba rumah panjai..siti agi, kati pantang nya digaga ba endur ke salah ulih ngasuh mali ka..??contoh nya la, ketam lengan digaga ba pah, bungai terung dgaga ba rekung..tang setakat tok ndai ga salah ku ngaga ke urang..tapi ka nnya..engka dudi ari ila orang ka design nya ba ba sebarang endur..siti agi, kami ke ngaga pantang tok nadan be enselan ke apa2 ka..??ni nemu te mali ngapa..percuma ga alah ayu..ngarap aya ulih meri penerang ke silik meh..
kemayang kayau,
Enda nemu nyaut nuan aku pasal pantang tu. Arap sapa-sapa nemu pasal pantang iban (tattoo), tau bekunsa ka penemu ditu.
Yang ditemu aku enti kitai ngena churak jelu ka bisi leka mata baka chunto pasun, nabau tauka kenyalang mesti digaga utai empa ya ba depan mulut enti nda mali ka urang tuai.
NAMA BERITA KITA SEMUA KE BISI MACA PASAL PENGIDUP KITAI IBAN? ARAM MEH KITAI SAMA-SAMA NGIGA CERITA LAMA AKI INI KITAI DULU KELIA. BERI COMMENT NGAGAI AKU OOOOO… PEMCACA
manah mai laman web tok pasal kitai iban..good job..carry on..
bisi aku ninga penatai menoa iban tauka nitih batang ai, iban batang rajang, iban batang skrang, bisi ga pantang nya macam trademark penatai iban/tanda asal endak sama baka ba rekung, belakang tengkuk. ulih nuan nyurai.
aku rindu endar meda pantang kitai iban.
aku rindu meda pantang .laban bepantng sigi udah udah adat kitai iban .
ha..topik tu aku endang amat rindu,nama kebuah aku munyi nya laban aku empu pan rindu ke pengawa bepantang,aku bisi pantang bungai terung,aku ka nembu ke kelingai di belakang baka enggau niang apai aku empu,rindu amat aku meda laban cukup manah lalu mandang ke bansa diri…ianya ANAK IBAN….
minta copy artikel tok kena ku ngaga assigmen.
Nyadi rumah kita tu?
Ngasai keh diri empu Iban niki rumah Iban,jaku Iban meh kitai.
Chukup manah ukir sebelah dinding enggau tiang rumah kita ditu.Nyau terang mancar empa penampak menua kita tu.
Pia meh,pajak keh pemanah rumah kita tu,ambi keh ulih ditampung,tau ditangkir rebak baru ila.
Mupuk aku.
rob sempurai,
nyadi rumah kami ditu … nadai kala puang temuai.
Bungai terong tu Ok. Antu pala nya ukai ukir asal kitai Iban. Aku nadai udah nemu kitai Iban kelia bisi ngena ukir antu pala. Tang anembiak rebak baru bisi udah ngena nya. Jangka aku nadai nya salah … laban nitih ka pengerindu siko-siko.
aku bisi tatoo antu pala enggau bungai terung ba belakang.kati enda mali kini?
Aku bisi pantang ‘Pasun’ ba belakang.
Aku agi ka ngiga chura ke bukai kena nambah ke nya.Kati muan nadai publish chura pantang kitai iban ba internet?
Nadai dah ngaga ba internet. Uji nanya ngagai kaban ba “Borneo Ink” web site. Sida nemu amai pasal tribal design.
boleh crita tentang sejarah Tegulun? untuk saya membuat kajian psal corak tegulung
Lihat illustrasi diatas …. itulah rupanya ukiran entegulun.
Halo sir…Ku ka nemu nama utai dengah nya? Bisi ku ninga bala aki ku nusi, tang enda entu mereti..TQ..
Bismarck,
Dengah … “trophy” … pala munsoh ke ulih orang ngayau. Enti orang nya bulih pala munsoh leboh iya enggau orang ngayau, reti nya iya udah badengah.
betemu baru…
ka nanya di aya…nama enda pemali kitai iban ke bepantang enda nitih ka penti pemali ka di turun ka aki ini kitai kelia?selamat gawai….
lawrene,
Selalu iya orang nya alay ayu enti enda nitih ka penti pemali. Pantang nya deka makai iya empu ….. baik ka nya ngenatai ka penyakit tauka nasib ba pendiau diri.
Nama tuju orang pepantang ginti ba betis deh unggal.
TQ.
Runggu ensing,
Pantang ginti nya ka tanda orang lelaki nya bisi “palang” …. keno ko orang kelia. Kadiatu nyangka bisi lain reti. Orang kerja kapal deka bendar bepantang ginti tauka sauh. Tang diatu udah maioh macham pantang.
Mervyn,
Kesan tattoo orang kelia nadai ngachau kitai. Semina tattoo ka dikumbai kitai “Entegulun” nya mali dikena enti nuan nadai dengah. Tattoo bukai nadai pemali di kena.
Erm..lepas ku mca pasal tattoo iban,ku ka nemu..c nda kesan tattoo urg kelia ngagai kitai..ni nemu,c sekeda gambar tattoo nya khas dikena siko aja.Arap ku ulih nemu pasal tok..
Uncle Mawar,
Bisi reti ngadu pantang ngena pen..enti bisi reti padah agai aku..aku ka nemu bisi ke enda reti..laban aku bisi ngadu pantang (tattoo) ba muscle aku..aku amat rindu betattoo ba sebelah lengan..enggai ke bisi pemali ngadu tattoo sebelah nyak..
bdah amat jerita nuan ditok!!!
Tq ungal laban, info nuan cukup badah…..ku tauk nyiap ke assingment ku enggau jampat…tq!!!
Uchu Beliau,
Sama2 meh kitai ngemansang ka main asal kitai Iban. TQ
Terima Kasih Unggal, laban ka kiruh mansik cerita bansa kitai. Aku arap ka nuan anang leju anang bansu nulis cherita baka tok.
igat udin,
Bepantang enda salah, tang anang leboh agi kelalu biak … enggai ka nesal dudi hari ila. Semina “tegulun” aja mali enti nadai udah basah jari enggau orang.
Aku siku ari nembiak rebak baru ke rindu ke pantang asal kitai iban.Tang kadang2 ku nangi enggai ke pantang iban,laban kenu ka sida ke tuai,ang bepantang sebarang uchu,orang ke bepantang abis tubuh nya ukai ka ngadu pantang sebarang tang bisi tuju..
bakani ke gaya ku ke rindu ka bepantang,nadai nanggul kini enti bepantang asal iban maya umur agi biak?
love tattoo’s but don’t have any.. ~(^_^)~
GNMawar,
Terima kasih ke penerang nuan unggal. Kebuah aku nanya munyi nya laban aku bisi ati amat-amat deka nunda ukir ketam aki aku nya.
Selamat betemu enggau nuan ila unggal. TQ.
Dennis,
Samina tegulun tu mali di ukir enti kitai nadai badengah. Ukir ketam nadat pemali di ukir ba tubuh kita. Tq.
Unggal GNMawar,
Unggal…. aku bisi amai deka ngaga kalingai ba tubuh kelebih agi ba dada lalu ngalit mua ke bau’.
Nyadi, aki aku madah, enti nuan deka ngaga kelingai nya, manah agi nuan ngaga ‘KETAM’ ko iya madah, ngambi ke sebaka enggau aku tu…peda aku, amai manah ga enggi aku aku nya…. kalingai iya nya di gaga sebedau Iya mulai kediri ari menua lama nyin… asal menua sida iya ari Seratok.
Ulih ke enda kitai ngaga kalingai sebaka kini, ngambi ke kena kitai ngingat ke peturun kitai?
Keno ko aki aku nya, kalingai ke baka enggau iya nya, kalingai urang bisi dengah munya nya…..
Bakani ba runding nuan, tau tauka enda?
Ari aku,
Dennis
nama agi pantang bukai ka enda tau digaaga selain ari tegulun ?
Edward,..
Aku ngelala nuan. I’m ur uncle. Engka nuan enda nemu tauka enda ngelala aku.
Entakit …. enda tau diuji ngapa … tau naban ka nyawa.
Unggal,
Selamat betemu baru.
Aku ka nemu nama effect/risk enti orang ti nadai so called denah ngaga tegulun.
Thanx
Aku rindu amai meda bala anembiak deka bepantang enda ngira nya pantang bansa kitai Iban tauka bansa bukai. Pasal meaning tiap2 kelingai tu aku enda nemu semina Tegulun aja ka ditemu aku bisi meaning. Sida bukai nya aku semina nemu nama ukir nya aja, tang meaning iya aku enda nemu.
this is very interesting story and information..mayuh bala pangan aku ke gila bekalingai engka enda nemu jerita tu..aku antara beratus tauka beribu nembiak iban ka berjuang (ko org laut) ka nerus ka pengawa bekalingai bansa kitai iban kemaya ari tu..
want to ask u something..do have any info on what are the meanings of tiap2 kalingai kitai iban?? really2 need that kind of info for us to keep our kalingai survive in this modern world..
by the way..i really appreciate your effort on this site..you remind me of my father who trying defending our jako iban by involving in producing of iban text books..keep it up!!
Bansa ka dulu ngembuan pantang?
iselamat hari gawai to you.came across your blog.interesting story..does this story have relation to the story of argus pheasant .i am a iban tattooist based in kl.you may have seen the vanishing tattoo documentary or the segment of anthony bourdain visiting skrang.i would be happy to hear more stories on the tattooing of iban ppl.i work with the traditional tools as wel as electric machines..thank you for your time.
Pantang orang Ribai bisi ngambi ari menoa bukai…e.g. Japan, China, Maori, Iban, etc. Sida nadai temu aku bisi jerita asal penatai bepantang.
aku ka nanya ari ni penatai pantang urang ribai? ribai nitih kitai ke?