Jerita Ijau “Berani”
Kara Penampok Ijau
DI BATANG Strap, pegai Lingga, dulu menya bisi tuai kitai Iban siko ke benama Ijau Berani. Ijau tu anak Sampar seduai Bukas. Nyadi Sampar, apai Ijau, parai, leboh iya ke ngiga sera ka Bukas leboh ke ngandong ka Ijau. Leboh nya Bukas bengat tak nyelai utai ka sera ari indu bukai, iya tetengok ka keruntok mensia.
Sampar parai kena tumbok munsoh ngena surong kait leboh iya enggau orang di Kelassin dalam Batang Undup nan ka rumah ari langgar munsoh. Iya leboh nya benong bejalai ngiga keruntok ka sera bini iya, lalu endang udah bulih pala munsoh sigi. Leboh bemalam ba rumah kaban iya di Kelasin dia rumah orang nya kena langgar munsoh, nya alai iya lalu enggau orang nya nan dia. Apin Sampar parai dia iya bepesan ngagai sida di Kelasin ngasoh sida nganjong antu pala ke ulih iya kayau anak dulu ari nya sereta enggau pala iya empu ngagai bini iya Bukas di Bukit Tunggal, dalam Batang Strap. Udah nya iya lalu ngapus ka seput diri. Pala Sampar sereta enggau pala sigi ke ulih iya lalu dianjong sida kaban iya ari Kelasin ngagai bini iya di Lingga.
Nyau datai ba maia ke beranak, Bukas ngada ka anak lelaki siko lalu digaga ka nama Ijau. Ijau lalu mansang besai baka anembiak bukai mega. Seduai menyanak sama ngidup ka diri bumai-betaun baka mensia maioh rambau nya.
Sakali leboh Ijau beumor sabelas taun iya diasoh indai iya ngabas umai sida ke enda bengat jauh ari rumah. Ijau pen lelu nurun mega. Datai di langkau umai dia iya meda sangkoh dientak ka tunsang di kaki tangga. Ijau lalu ngenong, berunding ka sapa orang empu sangkoh nya. Niki ka langkau peda iya munsoh tiga iko benong tindok. Ijau enda chechamang, endang lalu mantap munsoh nya. Mai iya nemu nya munsoh laban sangkoh enggau senyata bukai sida nya endang ukai gamal senyata sida dia peda iya. Nyau meda gamal sida nya, dia iya endang lalu nemu nya munsoh. Munsoh dalam langkau nya tiga iko, lalu dua mati dipantap iya, siko agi ulih rari. Pala seduai ke dipantap iya nya tadi dipumpong Ijau lalu dibai iya pulai ka rumah.
Datai di tengah laman rumah sida, Ijau lalu manjong. Orang begau ninga panjong Ijau lalu nanya ka kebuah iya ke manjong. Iya madah ka diri manjong laban bulih dengah, lalu madah ka pasal iya ke tulih ka pala nya. Tang laban ati ke enda manah ngagai Ijau, kepapas meda iya bengat ngemiak nya udah bedengah, orang maioh mechat iya madah ka nadai reti iya bulih munsoh benong tindok. Ijau bisi mega berasai malu enggau ringat meda ati sida sarumah bengat baka nya enggau iya.
Dua taun udah bekau Ijau ke bedengah nya, dia alai orang ngayau Bugau. Kebuah alai ngayau bansa Bugau (di menoa Indonesia diatu) iya nya laban Bugau bengat selalu ngachau-nyigau menoa tunga kitu. Sida bebunoh ka orang ke nurun ka umai nurun mansai, nurun nubu nurun maku. Ijau enggau orang ngayau, nitih ka bala sida aya iya. Leboh betiki bala aya iya enggai mai Ijau meda iya apin tentu tegar lalu apin tentu bisi akal nitih ka orang. Nya alai Ijau diasoh tinggal enggau orang ngibun perau. Leboh ke ngibun perau, sakali Ijau mansang bira lalu ditegah munsoh. Ijau lalu nan. Ditikam munsoh ngena sangkoh seninjik salah. Ijau malas tikam, munsoh nya tadi lalu kena pah. Udah nya iya lalu terus dipumpong Ijau. Datai ba palan sida, iya lalu manjong madah ka diri bulih pala. Tang orang semina ketawa ka iya, ngumbai iya bulih munsoh ke udah parai. Enda ga Ijau iboh ka nya, laban iya nemu orang nya kepapas.
Maia orang pulai ngayau, bala pen sama bela mulai ka diri ngagai menoa diri empu. Leboh sida Ijau enggau bala aya iya datai di pengkalan sida manjong magang. Orang ke di rumah endang udah nganti pemulai sida, sedia deka nyambut pala ke ulih.
Datai di kaki tangga, orang ke indu nantai ka pua kumbu dikena nyambut pala munsoh. Orang ke bisi bini, bini sida meh nyambut pala ke ulih ngayau. Nya alai enggi Ijau, laban iya benong ngangkat ka diri bujang lalu apin bisi bini, pala ke ulih iya disambut indai iya Bukas. Malam nya sida sarumah lalu sama rami begawai Enchaboh Arong.
Tiga taun udah nya agi ga Ijau berasai malu ninga orang ngumbai iya bedengah munsoh tindok enggau bedengah bangkai. Dia iya bisi ati deka nampok, nyangka ukor antu bisi sinu ka iya.
Terubah iya Ijau nampok ba kaki Bukit Lingga. Tang nadai ga iya tetemu ka Petara ke ko ati iya. Udah nya iya nampok ba tuchong Bukit Lingga nya, ba Telaga Kumang empu. Nadai mega iya betemu enggau antu. Suah bendar Ijau nampok ba sebelah menoa nya dia, tang lalu apin bisi asai. Nyau ka lama dia iya bisi mimpi. Bemimpi asai ke betemu enggau indu siko ke bajik bendar gamal. Dia indu nya bejako ngasoh iya nampok ba batu sigi, ba tengan Bukit Lingga, ke dibalut kara. Udah nya Ijau tedani.
Dani Ijau pagi nya lalu ngasoh indai iya ngaga piring ke dibai iya nampok. Samoa utai udah siap, Ijau lalu madah ka diri nurun nampok ngagai indai iya. Bejalai iya sahari-hari nya tang lalu nadai tepeda ka batu dibalut kara munyi ke dipadah ka orang dalam mimpi nya. Hari malam, bemalam ga iya ba Bukit nya. Nyau ketiga hari ketiga malam baru iya tetemu ka batu nya. Tang Ijau berasai tusah ati mimit meda batu nya bengat mar bendar ditiki. Samoa utai ngelingi batu nya tebiang magang, kayu nadai ga tumboh semak nya dia. Udah nya baru iya tepeda ka urat kara bisi ngulur ari batu datas din.
“Nadai jalai bukai katas kin, urat kara tu tiki,” ko runding Ijau.
Nyau kepuas ke bejelangkit niki urat kara nya Ijau pen datai mega ba batu datas din. Batu nya entap dipeda iya, enda berapa besai, kira dua depa pemanjai enggau sadepa pemesai. Sereta datai dia Ijau lalu berengkah miring. Udah nya baru iya nyampi ngangau ka Petara. Tembu nyampi iya lalu nudok ka diri. Kira maia tumboh lambor dinga iya utai ngenying berauh munyi pangka pasang.
“O nama utai ngenyelai nya munyi,” ko Ijau bejako kadiri berandau nengali. Balat bendar rauh utai nya didinga iya, tang nadai ga iya tepeda ka utai engkebut kiba-kanan. Lama bendar Ijau merati ka utai ke berauh didinga iya nya. Tekenyit iya meda tak bisi indu dua iko naka ka pemajik gamal dudok semak iya dia.
“Oh Ijau, lama nuan udah nganti ditu,” ko siko ari seduai nya nanya iya.
Ijau madah ka diri apin bengat lama udah datai dia. Lama udah bekelakar dia indu dua iko nya lalu meri iya pengaroh.
“Samoa utai tu diberi kami dual ngagai nuan, dikena nuan matak serang. Nadai orang ke ngelingi menoa kita tu ditu telaban ka nuan bebunoh ila. Lalu nuan tu digelar kami Ijau Berani. Lalu kami dua tu Kumang seduai Lulong,” pia ko indu dua iko nya. Seduai nya pen lalu lesap.
Pagi siti baru Ijau mulai ka diri ari endor iya ke nampok nya. Datai di baroh dia iya berunding deka ngetas urat kara ke ditengah iya niki ka atas, leboh ke mansang nampok. Kebuah alai iya betati ngetas urat kara nya laban enggai ka orang tulih ka diri nampok ka atas kin lalu tau berani ngelui ari iya empu. Ditetak iya urat kara nya, udah tembu netak baru iya mulai ka diri.
Malam nya dia Ijau bisi mimpi baru, asai ke betemu enggau indu ke meri iya pengaroh leboh iya ke nampok. Indu nya lalu bejako, “Eh, Ijau, naka tuboh nuan tu aja meh tau serang, laban nuan netak urat kara ke tangga nuan nampok. Nya alai tuboh anak-uchu nuan ila nadai nampong pemerani nuan. Enti urat kara tu nyulor terengkah ba tanah baru nya baru bisi siko orang sebaka enggau pemerani nuan, lalu tau serang baka nuan. Tang enti urat kara tu terengkah ba tanah baru menoa tu deka siga besai,” pia ko indu dua iko nya bejako enggau Ijau dalam mimpi iya. Ijau pen lalu tedani.
Nya alai baka nya ko pun pengawa pun jeda Ijau ke ngujong ka iya tulih ka nama tulih ka berita. Lalu dudi ari Ijau nya, dalam Batang Lingga, nadai orang udah tau serang lalu datai ba pemerani Ijau. Janting menya amat mega berani, tang enda tau serang semina naka tau kayau. Ngagai kemaia hari tu nadai mega orang udah kala nampok ba penampok Ijau menya. Tang ari baroh nya selalu alai mensia nampok.
reti siga ba kontek ayat tu ukai reti ya enda jinak…”siga besai” reti ya bisi penusah,bisi penanggul ,menua nya kacau @carut,belaya,bebunuh,bekayau .reti nya bisi pengacau ke besai ba menua nya
Bukit Lingga tauka Gunung Lesong tu udah digazet nyadi Taman Negara Gunung Lesong dalam taun 2013. Pemesai Taman Negara Gunung Lesong tu iya nya 595 ha. Cerita Ijau Berani tu ila lusa tau nyadi ka siti ari pesaka cerita tuai kena bala malin temuai ari rakyat nembiak ti ngelinggi Taman Negara tu ba dagang temuai eko ti bepelasar ka rakyat Gunung Lesong. Diatu, bala tuai-tuai rumah lalu disokung ulih pengari rakyat udah numbuh ka Komiti Pemansang Dagang Temuai Eko bepelasar ka Rakyat Gunung Lesong. Maia diatu mega bala orang ti padai benong masik pesaka rampa menoa, sosio-ekonomi lalu deka nulis serta ngaga pelan pemansang ka Taman Negara tu. Maju meh menoa tu ila, baka ai wong labuh baka tepak, burung bebunyi ka ria.
Buli ti ba Tabung nyak, ichit niang aki Ijau (ukai anak aki Ijau). Indai Buli nama Mai, menyadi Remi. Niang Mai seduai niang indai aku, Remi tu anak niang aki Ringgit.
Terima kasih ka info nuan nya. Enti ulih, nuan tau meri aku tusun tusut kita ari Ijau Berani.
Menoa aku Sg.Pinang Simunjan.Peturun Penghulu Ali ari Banting. Ichit aku kunsun datai ari Nyelitak.Entua iya Lanjat (ichit aku)datai ari banting bebini di Sg Pinang..Bisi maya ka betusut enggau bala di banting.ka nyilik nama baka Enteri (bidayuh singgai diambi Ijau berani ka anak ambu alu bebini di Banting.)Thks.
Terima kasih ka info nuan nya.
Rindu mat ninga cerita urg tuai2 ba rh mahmud dia di langgir.Cerita pangkalan alai ijau nampuk.
Cerita tok sigi sama baka ti ditusi apai ku sigi sama..
Tabi basa ngagai kitak semua,nyadi ba menua aki bisi nyimpan luan perau kayau ijau berani.jarop ari kampung munggu ubah
aku meri tabi basa ngagai kita semua…..aku ka nanya bala maioh sapa nemu cherita tauka pasal purih pantih sida Aki Angie manok sabung ijau layang? terima kasih bala kaban semua
Bisi org ngangau ka Aki Angie tuk kelia Aki Tubang…….Aki Angie (berapa iko sida mnyadi aku enda nemu)tuk ngada ka Aki Tusan(berapa iko sida mnyadi aku enda nemu)….aki Tusan tuk disumpah KUMANG….Kering serta berani & kebal,tang nadai bulih pala laban enda ta ambik ka buah pinang disuruh KUMANG……maya nampok kelia……..sapa peturun aki Angie ditu…..minta tolong kita nusi purih pantih sida Aki Tuai Angie tuk kelia……
**Aki Angie manok sabong Ijau Berani**….
Ulih dek nanya (interview) urang ka madahka jerita aki tu? Kati ia enda tasah ngau Ijau maya batempoh ba Sarbas?
tuan uwa1971….kada da sama parai sida kelia maya nya da…..tang maioh g org becherita pasal ijau……cherita sida Aki Kendawang,Aki Langgie,Aki Pandung, Aki Angie…..enda entu ditusi org kisah sida iya…..lenyau baka nya aja kisah sida iya……nya kebuah aku nanya sapa tik nemu kisah sida ditu….tau bekongsi cerita lama sida kelia…. ((( Laban tubuh ke nda mayuh, dia pedis amai sida ka ngelaban jauh ka ngalah ke munsuh. Sida Ijau semina bisi tiga buah perau aja ngelaban undan tujuh puluh lebih perau. Kepuas2 ke bepantap,dia deh sida nyau lemi di patik punggung tulang lelak ikak nda ulih ngelaban agi. Nyadi tudah Ijau tu tadi meda bala manuk sabung iya nda ulih ngelaban agi, semina iya aja agi iya lalu nyerah alah…..Siku ari manuk sabung ke nda nggau iya benama Pandung laban kenu ka jerita urang iya kiruh ngadu ka gawai nchabuh arung. Sekira ke pejalai sida Ijau sebuat tu salah burung tauka salah hari. ))) cerita tuk aku ambik ari Tuan Evan Arman………
Biring Sempidan,
Good info. Sida Ijau alah laban sida Unal Bulan ari Ulu Layar. tqvm.
Bala Ijau ngayauka Saribas tang bala entua Ijau ngalahka rumah Tandok ba Krian enti enda salah ingat ari baca dalam blog tu. Sida bapechah dua.
uwa1971,
Betul tu. tqvm
Sori, Janting nyak menatu Ijau Lang. Tu jerita sida batempok ba Pelassan:
http://enseraenggaucheritaiban.blogspot.com/2009/12/berumpang-menua.html
Nma reti siga besai
Bangat enda jinak?
reti siga ba kontek ayat tu ukai reti ya enda jinak…”siga besai” reti ya bisi penusah,bisi penanggul ,menua nya kacau @carut,belaya,bebunuh,bekayau .reti nya bisi pengacau ke besai ba menua nya
Betul. Menua agi kachau bilau, enda aman.
aku iban balau ari menua stumbin.ari indai ku asal ari banting tang sida aki ku kelia nyau mindah ngagai stumbin.ari sepiak apai ku asal ari bakong tang aki nyau bebini ngagai stumbin.ba stumbin kami agi ngibun aki tuai benama STAR,ba menua gran ngibun aki NGELINGKUNG.ari sepiak apai ku ba bakong ngibun aki tuai JUBANG…semua nya bujang berani kelia…pala ulih sida ia agi mengkang..bisi sekeda udah ditunu laban klalu mayuh.. aki JUBANG semak gi ari kami.JUBANG ngada ke BIDIN.lalu BIDIN ngada ke BAIE.udah nyak BAIE alu ngada ke EMPOI(apai aku)… enti ulih ku ka ninga mayuh agi jerita tuai kitai iban balau…
Ulih nulis jerita sida bujang berani nyak?
Nice story..i hope i can read more then iban story..please share to me..
edwin jawan
tabi,kaban..
enti kitai peturun ijau,mungi ka dpadah ditu aku arap kakita tau nemuai ka nyelitak laban bak menua nyelitak dia.bisi agi tanda aki ijau iyanya bedil,dikembuan peturun ijau,enti eda salah ingat aku bisi peturun ijau ba nyelitak tu ngasoh semua peturun ijau ari menua banting,balau,undop enggau menua ti peturun purih-pantih aki ijau berani tu, dipinta datai magang ngagai menua nyelitak laban bisi bagawai,sapa ti bisi enggau kia tau nusi ngagai kitai enggau mimit meh.
penatai aku ari tekuyong pantu.
Tabi basa ke nuan unggal Edwin, manah endar komen nuan ditu. Siti tanya aku ditu, ulih nuan meri endur bala peturun Ijau di Nyelitak?, nama tuai rumah tau address ke silik agi.
Pelaba ka aku empu maioh bala peturun ia deka meda bedil pesaka aki tu, awak bala ia ka enda ampit datai enggau begawai suba tau datai kia.
menua aku nyak nyelitak. sigi amai kok edwinjawan nyak. agik bisi peninggalan ijau berani ba kpg kami nyak.
Gawai nama nyak, ngal?
Was Tawi Sli related to Ijau Lang?
Uji tulis jerita Ijau “Lang” tu lalu post ditu.
Aya Munggu sawa, terima kasih udah bekongsi info ba blog madi kitai Gnmawar tu. Nitih ke Jerita ti di pansik aku ditu. Ijau sigi ukai Asal ari Balau/Jungkung, lalu iya mega ulai asal ari banting. Iya asal ari menua Tabung Pantu.Leboh maia James Brooke bebakih enggau iya maia nya, James Brooke bisi nemuai ngagai rumah panjai sida di Tabung alai seduai iya lalu beambu pangan. Ke tanda seduai udah beambu pangan dia Sir James Brooke lalu meri iya sigi bedil lalu ijau meri Sir james Brooke Kachit Pinang Ajaib. ( Kachit tu Kelia nemu niki pinang kediri). Nya meh kebuah Bedil Ijau nadai dikembuan peturun iya di menua balau/banting/munggu sawa.semulung/langgir/menuang, tang dikembuan peturun iya di nyelitak Simunjan. Sampai ke saritu pan agi mengkang di rumah panjai Nyelitak.Kebuah aku bisi nyebut peturun Ijau maioh di menua balau/geran stumbin/jungkong/seduku laban anak Ijau ke benama Kalong bebini jadi ke siko indu ke benama Muntie asal ari menua balau. Anak tuai Ijau ke benama Buli agi diau di Tabung lalu Bedil Ijau nyadi ke pemai pesaka Buli. Engka peturun Buli tu maioh sebelah Simunjan dia.Siko anak Ijau ke no.2 benama Panggau. Panggau tu bebini ke Undop, menua endur aki ia sampar mati. Aya Munggu sawa peturun Ijau ba MUnggu dia iya nya baka sida Chelum.Kembang, reddie etc ba Rh Rundu. Ba semulong ulu baka sida anak ini Saripah Sebilik. Diatu agi mansik jerita Ijau.Enti udah tembu ila aku bekongsi enggau kita maioh.
Kati dek nemu ba banting nadai peninggalan bedil aki ijau.uji kita ngusung rumah bakar ba banting kita meda ilang n bedil ya diak.nti nitih balau kelia nadai menoa bukai semina undup, banting ngau sebuyau.pecah ari menoa 3 iti nya baru bc semulong langgir engkerepok.jungkung seduku tanjung ngau gran stumbin
aku tok org munggu sawa. purih tampih sida aki ringgit aki gumba.ari darah ijau ampu, kita manyadik anang sebarang tampong cerita enti enda nemu amai? kami tok endang org mankang asal nguan buki lesong. nama bukit nya ukai nama bukit lingga ka bendar, lingga tok nama pekan lingga ka bendar ukai nama bukit ka di kenang kita tok…asal ijau berani tok endang sigi ari semulong ulu enkaraji munggu sawa enggau menuwang langir menua pegai batang sterap aja ukai ari ni ni menua ka di sebut kita ditok. udah nya bebini kili menua banting lingga,dah nya ia lalu pendah ka banting nguai ka bini ya baka kitai ka diatok meh nguai ka pengan diri. nya kebuah ia ukai di taba junkong, ukai munyi ko kaban di atas blok tok..
ayak munggu sawa,
Terima kasih ka penerang nuan pasal Ijau Berani ditu. Jerita tuai tu endang udah di research serta dipublish orang ke kerja ba Sarawak Musuem menya. Lalu penatai cherita tu pan endang ditusoi orang ari Banting, Lingga empu. Nyadi enti bisi penemu tauka pengingat bukai ba siti-siti cherita lama, nadai salah bala pembacha meri komen lalu nambah ka penemu ditu.
Charles Gerugu. Ukai nuan ka kerja ba Jabatan Kaji cuaca, orang ari menoa Pendam ,Simunjan? Nti nya nuan, aku kala ngusung rumah bala kita ba Chawan, Kuching maia taun 1990 & 1991 kelia. Aku tu icit aki Digat orang Taba Balau. Bisi bala kaban belayan sida ke tuai madah aki Duri kami bisi kaitan enggau Ijau Berani. Aku enda nemu baka ni gaya tusut ia.
Orang taba balau, minta ampun dulu laban aku enda ngelala nuan laban nuan ngena nama samaran. nyadi semua utai ke di sebut nuan nya betul magang. aku meh tu Charles gerugu, gawa ba opis ngemata ke gaya ari ( kajicuaca ). Suba amai meh kami diau ba jalai Chawan kuching tang diatu udah pindah ke stutong baru, aku ukai asal orang pendam simunjan, asal aku ari taba balau sri aman. Aki icit nuan nya Digat suba tuai rumah kami, mati digat suba lalu diganti Siu ak Digat, mati siu lalu diganti tuai rumah King ke diatu. Uji nuan madah nama amai nuan enggau penuh ngambi ke nyamai ku ngiga tusut tu, sapa nama apai indai nuan, enti aku udah nemu penatai asal nuan ila ku nanya sida ke tuai, laban bala ijau tu tebal agi nguan menua gran stumbin, tjg bijat, bukit balau taba, seduku, semulung, menuang. Laban ijau bisi 3 iko anak lelaki, Buli mecah ke menua pantu lalu ngagai simunjan, Panggau mecah ke menua Undup (klassin) lalu Kalong mecah ke menua balau taba.
Orang Taba Balau/ Charles Gerugu,
Manah amai randau seduai ditu. Arap ka mayuh agi info pasal Ijau Berani pansut ditu dikena kitai ngingat ka tuai-tuai bansa kitai menya. Aku arap ka semua turun Ijau Berani andal amai ka cherita lama aki sida. All the best ngagai kita semua.
Aku ka nanya muyang Ijau, sapa peturun Ijau ti bisi ba Tabak Balau?
Nama berita orang taba balau? aku enda nemu sapa nuan, tang aku pan asal ari taba balau meh, ba menua taba dia meh tulang aki ijau suba di suling lalu di engkah sida ini peria kelia ba langkau ba ujung tanju. sebedau tu , tulang aki ijau mega disimpan di menua Geran Stumbin. sama mega sida ini Enggang di stumbin nyimpan tulang nya ba langkau ba ujung tanju lalu nadai chukup intu sida ini Enggang ngujung ke tulang nya nyau berujan siang malam. ko mimpi sida serumah, tulang nya ringat lalu madah kediri chelap lalu deka ngebuk leka mata keturun ini enggang lalu ngujung ka maioh amai sida dia buta. Keturun Ijau ba geran dia baka sida Bukas, Jemat, Jeba, Renggan, sida tu udah nadai tang anak uchu agi bisi. Meda kes tulang nya tak tau nganu bala sida ini Enggang, dia ini Peria ari menua Taba lalu ngambi tulang pulai ngagai menua Taba, sama mega tulang lalu di simpan sida ba langkau di ujung tanju, enda mega chukup intu sida enggau piring, enda diberi makai, ko mimpi sida, tulang nya ringat lalu madah ke diri lapar, ia madah kediri deka makai keturun Peria, Ari 12 iko anak ini Peria, 10 iko mati diempa tulang nya lalu semina 2 iko aja idup iya nya Gerugu ak Belayong enggau Mai@Sambai ak Belayong.
Seduai tu agi idup, siko di kuching lalu ke indu diau di miri, meda kes tulang nya majak nyadi makai mensia ketegal enda chukup intu, tulang tu lalu di bai aki Ringgit pulai ke Menuang Lingga, datai di menuang tulang nya lalu di kubur ke be Pendam menuang. Keturun ijau di menuang dia, baka sida niang mensan, saripah di semulung ulu lingga, sida Howel kambing, cikgu serani. lalu nyaut tanya nuan orang taba….. keturun ijau ba menua taba dia Gerugu seduai Mai@sambai lalu bala anak uchu seduai tu maioh sebalah miri enggau kuching. siti peninggal aki ijau iya bedil agi disimpan di rumah panjai di menua nyelitak simunjan.
Nya aja dulu ari aku,
Muyang Ijau
Aku tu enda nemu iga reti sekeda leka jaku dalam ensera tu laban bisi sekeda jaku ke enda kala didinga ngelama tu .. Tang ensera tu chukup manah dibacha kami nembiak laban kami enda kala ninga ensera ngelama tu .. Trima kasih laban nyendia ka blog tu ti penuh enggau ripang penemu ..
Ehh blurr aku lbn crta n komen bala??ukai tok ka Ijau Berani kami menua banting??aku tu g gak bc bkaban ngau niang aki Ijau tang jauh tusut.ilang aki Ijau tu g bc dikembuan ichit wit ia ianya ini Begerit ba Rh Sumil Banting Ili, Suba Tr Bakar (laki ini Begerit).nyadi Ini Begerit tu anak Aki Tawi Sli (ex kepala menteri suba)..semua reta tengkira aki Ijau Berani agi mengkang ba rmh sadau sida..tau ngabas kin lbn bala temuai ribai pan suah nemuai kin.nyadi Janting, Ijau,Bukas tu bc diangkat ke bala uchu ichit ia..tau peda ba fb aku diak bc nama sdanya..bala tanah petunggal aku magang..nya ke temu aku ari tusi sda aki ini.Tusut purih pantuh sda Aki Ijau tu ke tebilang aki Tawi Sli, Aki Hollis enggau diatu Yb Datuk Francis Harden ak Hollis..
Terima Kasih Monica Midi ka tusoi nuan. Enti ulih, nuan tau meri aku tusut Ijau Berani, OK Janting enggau Bakas ngagai aku awak ka aku tau nyimpan tusut nya ditu.
Tabi sereta basa ngagai kita semua,
Kati bala kita kala ninga Edmund Langgu nusui ba radio ti madah ka Ijau nya ukai bansa balau?
Aku tu deka nanya, Ijau nya kini ke datai ari Entabai, ke ngada ke Sandom, lalu Sandom ngada ke Rajit? Ko urang, Sandom tu tadi mati ba Bukit Mong, Tisak, Skrang.
DK, ari pda aku ba blog aya kitai tu bc 2 iku Ijau.siku Ijau Berani lalu siku Ijau Lelayang..Ijau Berani nya tunga ke menua kami kin.smina ka nemu ni bagi purih pantih Ijau Berani ke amai.enti ke temu aku ari dinga crta sda aki ini, Ba Banting Ili bala anak uchu ichit ia..bala wit ia petunggal bisi ngangkat ke nama Janting, Nelson Ijau, Bakas, Babat..nganti aya kitai nyaut tanya dulu
Ijau Berani tu datai ari Banting. Iya mega disebut orang Ijau Lang. Nyadi Ijau Lelayang tu ensumbar Bujang Berani orang Batang Ai ke benama Bantin.
Rindu amat aku ninga jerita pasal Aki Ijau tu.Maya Niang aki aku agi idup suah mega nusi ka kami jerita tuk.Pasal BEDIL ka bisi ba Menua NYELITAK nya pen sigi amat,sigi peturun AKI ijau aja ulih ngangkat ka bedil nya.Aku nemu laban Apai aku orang NYELITAK lalu indai aku orang munggu sawa.Tang diatu aku tusah ati laban BUKIT Lingga diatu balat amat tanah tusur laban udah bekau kayu ka di tebang ba bukit nya maya orang bebalak suba.Kati ka cara kitai ulih ngenan ka Bukit nya ngambi ka bala anak uchu kitai meda tempat ka di tinggal ka Aki IJAU Aku setuju ngau ROSETTA KAMBING,Arap ka bisi orang nulis jerita tuk ba bup siti ngambi ke pengingat, serta nambah ka penemu anembiak rebak baru kemaya ari tu.TQ
Au rindu amai aku ninga jerita tu, Agi mit suba bc pengajar ka amai nusi cherita Iban nyengkaum Ijau berani tu di St Paul’s Banting.
Tu nyau ngelansa mimit ngenang komen ari bala bukai senentang cherita Ijau Berani tu. Ndang amai munyi ko Iban Balau nya ndang sigi agi bisi langkar/langkan perau pengayau sida’k Aki Ijau, Aki Kendawang, Aki Langgie nggau Akli Angie di kembuan nembiak redak Chabu ulu ke agi ngetan ka pengidup bumai betupi sampai ke saritu. Nyadi agi suba sebedau ngereja pengawa ke besai dulu meh ketuai bala be niat ba perau pengayau tu. Kenu ka urang ke tuai, perau tu di kanggau ke sida “Timba’k Darah”. Perau tu bisi menyadi siku ke benama “Lelabi Ngetup” lalu lelabi Ngetup tu di kemeran ka peturun ke nguan menua Mentu dalam menua pegai sebuyau.
Kebuah “ Timba’k Darah”seduai Lelabi Ngetup tu di kumbai diri menyadi laban seduai tu di ban ari sepun kayu tebelian ba Bukit Sekirau , ba tebing Sungai Batang Lupar. Nampung jerita Niang Apai suba, bisi utai ke nyelai nyadi maya urang nebang kayu tebelian tu. Maya iya rebah ke tanah nya dia nda mukai2 deh batang tebelian tu tadi tak bediri baru indah nda baka ke di diri ka urang, dah nya baru ia rebah ke dua kali, Sereta iya rebah, batang tebelian tu lalu belah dua. Meda baka nya kedua dua piak batang nya lalu sama di ban nyadi perau , sebuah di kanggau ke Sida “Timba’k Darah” lalu sebuah “Lelabi Ngetup”.Nyadi Lelabi Ngetup tu ndang ngamai ke nama iya , iya nda diau di pantai baka Timba’k Darah tang tengelam dalam ai. Kenu ka urang nti kitai nyengalla ka meda/ngiga ia, ia sigi nda temu kitai/ nda pansut ngapa. Timba’k Darah tum mega niotih ka Cherita aki Mat suba, iya tau/nemu ngayuh ke diri nti agi setanjung. Ndang sigi berantu amai perau tu.
Siti agi cherita ke nyelai ba Urang Chabu tu, sida berumah ngimbai siti sungai ke benama Ai Chabu. Kelia menya, nanga Sungai Ai Chabu tu besai amai umbas ndur sebuah bangkung beputar. Kebuah sungai tu di kanggau ke urang ai Chabu laban nitih ke jerita , Chabu (ingat ke Cherita Chabu kita ke tdi tusi Thomas Tegong Laka dalam radio suba) tu meh urang terubah mungkal menua tu nya alai menua tu lalu nyentuk ka saritu di kumbai urang Chabu . Tang Chabu bisi dua iti, Siti di kumbai urang Chabu Tengah ia nya menua antara Batu Tembang nggau Dampa Padang lalu Chabu siti nya lalu di kanggau ke urang Chabu Ulu. Nya alai Urang chabu di kumbai urang purih/peturun Antu Gerasi.
Urang Chabu nti bejaku nyawa sida nyaris amai , tau nda ibuh ngena Loud speaker. Laban sida ke ngemeran ka perau pengayau dia deh bala urang Chabu tu sigi di pebasa ka urang ari rumah bukai di Banting dia lalu nti bisi pengerami baka Gawai Burung, Gawai ke tanju sida ndang urang ke terubah di ambi datai ngabang datai masang. Ukai semina nya aja sida mega di tiki ka urang ngena piring ngena ading ngena tumpi ngena asi ngena penganan, ngena ajan, letup/rendai tuak ngena arak sereta mega nggau darah jani. Nti nda pia “Petara Sengalang Burung” sigi nda datai ngabang ngagai rumah ke ngadu ke Gawai nya.
Peturun Ijau tu ndang agi bisi nguan menua Banting tang nyangka sida nggai ngayan ke diri kini taja pen menua nadai agi kamuh baka kelia. Ijau tu kenu ka Niang Apai ke di tampung aku tu parai maya iya matak kayau ngagai menua siti di menua bagi ke dua . Sida ke nurun ngayau tu nda mayuh tubuh semina tiga buah perau agi lalu manuk sabung iya pen nda sampal nurun magang semina Kendawang, Langgie anggau Angie aja. Siku ari manuk sabung ke nda nggau iya benama Pandung laban kenu ka jerita urang iya kiruh ngadu ka gawai nchabuh arung. Sekira ke pejalai sida Ijau sebuat tu salah burung tauka salah hari. Kelama lama dah bekayuh tak nyau dampih deh menua munsuh. Ijau tu lalu ngerah manuk sabung iya tiga iku nya tadi matau lalu ngitung pemayuh bala munsuh . Sida tiga tu nda bejalai tang meh nyelam ngerambing tebing ai lalu pansut sereta matah ke kayu kena ngitung buah perau munsuh. Kenu ka jerita bisi tujuh puluh lebih buah perau munsuh nganti/ngipa ba nanga. Udah tembu sida tiga iku manuk sabung matau munsuh sida lalu mulai ke diri sereta nusi utai ke udah di peda sida tiga. Ijau mutus ati ka majak ka runding sida ke nurun ngayau nya. Nyadi ka Ijau, malu ga anak lelaki nikal pulai taku di kumbai urang rari ke munsuh pia ko iya bejaku. Lebuh sida ke mudik kulu ka agi sida lalu besatup nggau bala munsuh ke lama dah nganti penatai sida iya . Sida iya betempuh ba tanjung siti, nti nda salah ingat aku di sebut niang Apai suba Tanjung Pelasan,. Jangka aku tu meh di kumbai ba History book,”The battle of Beting Marau/Maru”. Laban tubuh ke nda mayuh, dia pedis amai sida ka ngelaban jauh ka ngalah ke munsuh. Sida Ijau semina bisi tiga buah perau aja ngelaban undan tujuh puluh lebih perau. Kepuas2 ke bepantap,dia deh sida nyau lemi di patik punggung tulang lelak ikak nda ulih ngelaban agi. Nyadi tudah Ijau tu tadi meda bala manuk sabung iya nda ulih ngelaban agi, semina iya aja agi iya lalu nyerah alah. Iya sigi kebal, nda tama sangkuh, isi nda ruji/nda ngelusi laban pedang, ilang. Iya lalu bejaku nggau bala munsuh , “lebu amai meh bala kita nda tebunuh ka aku siku aja nya alai semua bala kita menua tu peranak aku magang” ko iya. Iya lalu muka tangkin pengaruh iya lalu di tempalung ke iya ke dalam ai. Iya mega terejun ke ai lalu minta bala munsuh ngeram/nekan ka rekung iya nggau panga kayu suar. Pala iya nda ulih ambi/pumpung munsuh. Nyadi Ijau tu pan parai, iya mati nyadi jagu’k/baya. Kenu ko jerita Tanjung pelasan tu agi kandang bebulan agi bau but mensia mpa pemayuh bala Iban ke lesi laya sulai mati maya ke betempuh dia.
Nya meh kebuah urang Chabu nda tau sekali2 munuh, ngayah tauka makai jagu. Indah megai iya pen nti sida ke tuai meda sigi kena anu amai2. Bisi mega aku ninga cherita mansa pending sebelah madah ke pendam Ijau tu bisi ba Bukit Senyandang lalu alai nya di kanggua ke Urang “Langgung Begendang”. Bukit Senyandang tu sigi ari Bukit ke besema nggau Bukit Lingga tang iya jauh lebih baruh ari Bukit Lingga. Iya ke bendar Ijau tu mati dalam ai lalu bangkai iya nadai temu urang. Di pelaba ka aku “Langgung Begendang” semina tempat ndur bala kaban belayan, tauka peturun iya ngerapuh iya lebuh sida nemu iya udah nadai.
Aku mega udah nggau urang nampuk ngagai Bukit Lingga dalam taun 1978 suba. Maya nya bala kami bisi mega tetemu ka “Telaga Kumang”, “Kelang Sabung” nggau “Penanpuk Ijau” tang nda ulih tegiga ka “Buluh Pengerindu.. Ndang amai ko jerita urang Telaga Kumang tu mit semina ulih alai merebuk ka butul, kelia ngka ga iya ulih ndur merebuk ka genuk lalu kelang sabung pen nadai bisi uras . Rumput dia pen baka ke nda nemu tinggi/tumbuh nda nyalah2 baka ke bisi urang mensiang tiap2 bulan. Penampuk Ijau tu umbas peninggi ari tanah kira ka 50 kaki di pelaba ka aku lalu maya nya suba selur kara taja iya besai tang bedau ulih japai ari tanah taja kitai mengkechit.
Suah aku udah nemuai ngagai ruai nuan tu unggal. Sungai abis dipansai, lubuk abis ku chiruk, munti abis ku ngelingi. reba abis ku keruga, bukit abis ku belit. kati ko enda pia laban pengerindu ke amat dalam deka mansik pengawa enggau cherita lama sida aki ini kitai udah rimpi lama midang. Ke udah nemuai ke batang mandai titi melunggang. Aku tu ukai tak seregah ga madah kediri. laban endang agi turun darah Ijau. lama jangka bala kaban kitai ke suah nemuai ngagai ruai nuan tu ka nemu ari ni asal menua Ijau berani tu.
Awak ka aku ngelansak cherita tu mimit ngambi ke terang ditemu bala ke endang rindu ke cherita lama kitai Iban. Nyadi Sampar jadi enggau Bukas. Sida tu kelia diau nguan Menua Tabong di Pantu. Sampar seduai Bukas tu punas reti nya nadai anak. Ari siti Bukas nurun mansai ba sungai Tabong. Leboh ke mansai dia lalu dikangau ke indu dua iko ke sama mansai enggau iya ari puak ke ulu. Indu nya lalu ngasuh Bukas tu makai undang batu awak ke tau beranak. Indu dua iko nya lalu madah ngagai Bukas iya ka ngandung lalu ngada ka anak lelaki lalu diasuh seduai iya gaga ka nama Ijau. Pulai mansai tadi Bukas lalu bisi tubuh. Udahnya iya lalu nyerita ka utai ti udah nyadi maia iya mansai ba sungai. Maia ke nyera dai Buakas tu tetengok ke makai keruntuk pala. Sampar lalu bejalai ke setak kin minta ngagai tuai rumah sida ngeris keruntuk pala mimit dikena ngemantup ke sera bini Bukas. Tang tuai rumah enggai meri iya laban takut ke uchu ambu ichit wit iya alah ayu laban anak sampar ila. Agi panajai cherta tu menyadi ila lusa ku nemuai baru….
tu Tusut Aki Ijau.
Sampar jadi ke Bukas beranak ke Ijau. Ijau jadi ke Mai lalu beranak ke Buli, Panggau enggau Kalong.
Kalong bebini jadi enggau Muntie lalu ngada ke Peria (anak Indu ), Peria belaki lalu jadi enggau Belayong lalu ngada ke Gerugu. Gerugu bebini jadi ke Ranggun lalu ngada ka aku. Nyadi anak Ijau ke benama Panggau bebini ke Menua Undup. Buli mangkang menua Tabung. Bisi bala kaban aku bisi benama Mai enggau Buli ba tabung dia. Nyadi Kalong tu mangkang menua Geran Stumbin, Tabak Balau, Banting, Menuang enggau Engkranji Lingga.
Nyadi Ijau kelia enda tentu temu rita ba surat kiatai Iban kelia laban iya endang bekaul rapat enggau James Brooke. Nyalai James Brooke lalu meri iya siti bedil dikena seduai ia bekelala lalu Ijau meri James Brooke Kachit Pinang. Nyadi kachit pinang tu nemu niki pinang kediri leboh maia James Brooke nemuai ngagai menua Tabong maia nya kelia. Bedil Ijau tu disimpan bala keturun iya ba rumah panjai di Nyelitak di menua pegai Simunjan. Ijau dikubur ke be pendam Menuang/Langgir Lingga laban tulang ia di simpan Ini Peria udahnya lalu di bai Sida aki Ringgit ke Menuang, Keturun Ijau be Menuang dia baka sida Niang Mensan, Howell Kambing. Cikgu Serani, lalu ba Semulong ulu bala sida saripah lalu aku empu be Engkranji Lingga.
Muyang Ijau,
Manah amai info diberi nuan ngagai ruai aku ditu. Enti agi bisi detail pasal Aki Ijau, nuan tau nambah ka nya ditu awak ka aku ulih bejadi Jerita Ijau tu enggau silik agi. Arap ka kaban kitai ke bukai mega tau nulong ngisi info pasal Raja Berani kitai Iban ditu.
GnMawar,
Rindu amai aku ninga jerita pasal Aki Ijau.
Arap ka bisi urang ngagak siti buku pasal Aki Ijau Berani.
Lama endar enda muka randau enggau bala kita. Dipeda aku manah endar penemu tauka runding di bantai bala maioh. Siti utai di ngasuh aku benci ba menoa sitak Lingga ianya Bukit Lingga(Lesong) balat endar diambi orang kayu. Nyadi aku pikir orang ba menoa nya patut ngetan ka bukit lesong laban tu aja pesaka menoa ti agi tinggal. Udah kayu ila abis nya baru kompeni muka ladang……Lalu kitai bekuli ba tanah diri empu. Nyalai berunding meh kita di menoanya jalai mutar ka utai ti disebut nya tadi. Anang ketegal jalai/jembatan kitai sanggup nyerah ka tanah, nadai jakonya. Ngelama tu nadai jalai idup meh kitai. Anang nyerah ka tanah enti kompeni enda setuju enggau peminta kitai. Ingat anang ngasoh orang megai ulu duku…
buah senggang,
Aat munyi ko nuan unggal. Tanah ai kitai mesti dijaga. Enti udah kelalu kutor laban bekau bansa orang bukai begiga ka pengaya, menoa kitai nadai guna agi. Reti nya, kitai nadai menua agi ke tau endor kitai idup. Nya alai kitai enda tau enda nemu chara orang bukai ngalah ka kitai bansa lalu muru kitai ari menua kitai empu – ngena jalai ngtur ka menua kitai. Sida nemu bansa kitai enda tau enda diau semak sungai, tang agi mega sida iya deka ngutor sungai enggau tanah kitai. Reti nya, sida sigi deka ngambi menua kitai lalu muru bansa kitai ari menua diri empu. Arap ka bansa kitai berunding ka pekara bakatu.
ehem….mnah mat pnmu kta smua….q mga arap ka ktai bnsa dyak sma bla serakp ngemasang ka bnsa dri klbh agi dri empu…ngarap ka myuh agi mh cherita di gaga udh tu ila..ok….bye….
AKU brasai gaga ati udah ku mca crta nn td. Aku mga stuju ngau bala ktk bakih t udah mntai k pnmu ngau runding dri mpu.Ba rnding ku ktai iban patut beserakup ngmansng k bnsa dri ngau bnsa dayk. aku tu sbnar ya urg k siku t udh mayuh dengah maya gawai to,ya k myuh gk manuk..hahaha lucu ya ucak.
Selamat Gawai gnmawar. Bedau ngiling tikai manggai ka bidai bala kita. Aku udah enggau orang nampok ba Bukit Lingga. Agi bisi batu nya diatu, lalu akar kara nya amai enda tumboh agi. Leboh ke enggau tauka kebala org ti nampoknya, kami sempat niki ke atas tuchong bukit. Dia kami meda maioh tempat ti selalu disebut orang tuai…balai mayas, kelang sabong..manah amai, endang bakai kelang nya meh. Rumput aja tumboh baka ke bisi di tebas orang. Telaga Kumang sempat meh bala meda. Ko jerita, enda tau abis ai dia, meruan penoh berari. Enda besai telaga nya. Tang siti agi penyakit…batang kayu abis ga ditebang. Ngumba ga perintah, ka ga sida meri lisen ngambi kayu ba Bukit Lingga. Udah nya alit Sungai Langgir. Penoh laban tanah mirah…pedis sida maia nya nadai ai. Bala mayas, dinga aku nyau jarang ditemu tambah ka sida FELCRA nanam kayu sawit ari Lingga ke Stugok lalu mansang ka Sekadang..engka lalu ngagai kaki Bukit Lingga meh projek sawit nya. Dini bisi buah sibau, buah enseruit ke diempa mayas agi deh…indah ga burong kenyalang, burong bruie ke tau terebai ga nadai di dinga agi munyi iya di kampong. Kenu ka sida STIDC, Bukit Lingga deka di gazzete nyadi National Park tang sampai diatu lalu enda ga nyadi. Nya meh, tanah agi puang, nyamai endor nanam sawit. Nya tuju ke bendar..sangka aku meh.. Ni munyi penemu kita Unggal Ngindang, gasakamat enggau bala ari Banting, Semulong, Seduku, Langgir, Engkranji, Menuang..nadai tanah agi kitai unggal endor FELCRA besawit. Jalai ke nuju Lingga ari Sri Aman nyampau ga debu. Pulai gawai tu tadi, kering bok. Asai ke ngagai Engkelili/Lubok Antu dalam taun lapan puluhan maia expedisi ke Bukit Tiang Laju leboh agi sekulua ba SMK Simanggang suba. Ai paip di Lingga enda ulih enggau masu gari putih wai..mirah gari putih kita kena ai paip Lingga. Ni orang Seduku, lalu dipansa tiang letrik aja tang api letrik lalu enda masok ngagai rumh panjai sida di Seduku..kasih ga meda bala pangan…udah ngundi perintah baka nya ga orang enggau kitai.
Agi belala ngetok komputer..
anang kelalu nyalah k printah wat nti asai agk ka mda pmansang…kai ga nylah k nn wat,tang sigi mayuh ga bknya..emm,bkato aja mh ngagai bkit aup kin 2 ila wat..t nda puas ati…nmuai gai mnua kmi kin..ok..1 malaysia..
Nama berita Unggal Silat kelabo….maia ni bulu kelabo ti makai leboh nyabong. Limbang mimit Unggal. Aku ukai nyalah perintah Unggal…semina tekenyit meda pemansang ngagai menoa pelilih Lingga lubah amai datai. Lama aku udah enda ke Lingga laban ti gawa di bandar minyak…nya mh semina ngenang nasib kitai sekaban. Nyau ka 50 puloh tahun udah Merdeka, perintah udah ga mantai ka Rancangan Malaysia Ke 10, arap ka bala tuai rumah, DO, Resident enggau YB mai pemansang ti bebillion ringgit ngagai semua menoa Sarawak lebih agi ngagai kitai bansa ti jauh di entigis ulu sungai. Enti bumai betaun, berimba, muka menoa ulih tua enggau tulang.. tang enti jalai raya, api letrik nya endang sigi agi begantong ba perintah Unggal…endang agi maioh bala kitai bedau datai jalai, ai paip, api letrik.
Maya Niang aki aku agi idup suba…selalu ia ngenang jerita Ijau tu…. Ia sigi agi famous datai ka sari tu…
Aku deka meri selamat ngintu Hari Gawai Dayak taun 2010 nuju semua kitai ke bansa Dayak. Ari ke ngintu hari gawai tu meh urang ulih nemu kitai agi berakup lalu bisi kelai bisi penyiru baka bansa bukai nguan menoa sarawak tu ke ngintu pengerami sida, taja ngi sida nya gawai di injau ari menoa orang bukai ti jauh. Kelimpah ari maia bukai tu meh maia kitai ulih betemu enggau bala aya/apai/indai, diri menyadi, kaban balayan enggau suku juru.
Maia ke betemu ila enda salah nanya ke cerita lama ari sida, lak ke pengingat tu betampong ngagai kitai ke rebak baru.
Note: Maia udah datai di menoa/rumah panjai tinjau2 enggai ke bisi ipa di nan ke orang sebelah temuda rimba / mudai empalai. Kitai di rumah panjai enda lansik berati ke utai tu.
Thanks for your reply Greg.
Nang amai ko nuan, tuai2 kitai iban diatu suah agi di peda belaya sama diri.
Nemu nya ketegal ari asut orang tau ke diri empu ke udu nyalak pangkat. Ti nitih mimit endar contribution sida ba heritage bansa kitai. Suah agi sida ia nyaup orang ngerusak bansa diri enggau cara ke halus, nyaup orang bukai ngeram ka ipa ba bansa ia empu.
maioh agi cherita lama, adat enggau heritage kitai di karang tau ke di preserve kitai ke rakyat biasa, kelebih agi ari offshore oil workers taja sida ia jarang agi di darat. Their working hours is tedious and a high risk carrier jauh bepuluh/ratus batu di tasik besai, tang laban penyeru sida ia, lalu ulih mega kitai betemu di ruai ditu. Enda baka sekeda tuai2 kitai ke diatu.
sorry if this comment sound politic.
Thanks Ngindang. Tuai2 kitai diatu mayuh nya enda sah ba Petara. Nya kebuah sida iya penakut lalu sebarang ko orang enggau, enda baka tuai2 kelia.
Tabi baru ke semua ba ruai tu,
Deka meri mimit penerang pasal bedil baka ti tulis unggal di atas tu ba endur menoa Nyelitak pegai Simanggang. Enti salah tau ga meri komen kita, sama tau bekunsi.
Maia aki Ijau tu suba ngayau menoa bugau di balai kerangan, sepiak kalimantan, sida mujur amai laban kayau sida ia tu rat endar. Maia bedarat nurun ngayau enggau pulai baru ke menoa Banting, Lingga sida sebala bisi mansa menoa Nyelitak tu. Nyadi bedil tu ko tusi sida niang aki suba ukai sengapa bedil tang ia nya nyadi ke tungkat Ijau, baka kitai ke meda orang ke betungkat ngena kayu. Tanda ia ke bangat kering meh bedil tu nyadi ke tungkat ia lebuh bejalai. Nang baka bujang berani ti suah ngayan ke tanda tau ke kelai. Dia deh maia pulai ngayau tu ia lalu ninggal ke bedil tu di Nyelitak sebedau pulai ke Banting.
Tu aja dulu au
TQ Ngindang. Tuai2 kitai kelia endang bisi tanda kediri lain ari rakyat biasa. Diatu, sabarang orang aja ke ngasur ka diri nyadi tuai, tang enda tau dikarap megai tauka nyadi tuai rakyat laban kelalu ngiga pengaya ka diri empu aja.
Tabi basa ke nuan unggal Greg, manah endar laman web nuan tu. Tu nanda ka penyiru serta angkuh nuan nan ka pengawa sida & adat ketuai bansa Iban kelia. Enda maoih orang ti baka nuan ba dunya moden ke diatu.
Aku deka meri komen pasal cerita aki Ijau tu, Pasal juluk serta ensumbar ia tu, aku setuju endar enggau unggal buah senggang. Kelimpah ari ensumbar ke Berani aja ke de temu kitai maoih.
Siti penyelai pasal cerita Ijau baka ti di kenang sida niang aki suba..sebedau nurun ba kayau ia ke penudi endar, ia kenu ke cerita bisi mimpi betemu enggau kumang. Petara madah ke ia deka alah maia kayau tu. Laban ke bangat berani ia enda nangi ke mimpi nya, tang sebedau nurun ngayau ia bisi ninggal ke duku ilang, pedang serta baju burung ti diberi petara maia ia ke agi biak suba laban ia nemu kayau ia deka alah. Semua barang2 tu agi di kembuan peturun Ijau lalu selalu di piring / di intu.
Maioh agi cerita Ijau ke bukai ti enda di temu kitai. Aku ngarap ke kita di sitak menoa batang strap tau meri unggal Greg tu info pasal cerita Ijau ke bejuluk “Kunchit Lelayang ngindang terebai tinggi ba balai Karangan” tu.
Taja cerita ia udah di karang, sepi aku ia tau di ubah tau di tambah lak ke nyentuk agi didinga.
Cerita tuai2 bukai ari sitak menoa batang Strap kelimpah ari Ijau tu tau meh di bantai.
tabi apai gn mawar,
di pelaba ka aku maioh kitai enda nemu ensumbar ijau tu semina disebut ijau berani aja. nyadi ko niang aki aku suba (peturun ijau) ensumbar ijau berani tu “kunchit lelayang ngindang terebai tinggi ngelingi ba balai karangan”. kebuah bulih ensumbar tu laban kala matak kayau soh menoa bugau di balai karangan (kalimantan barat). nyadi pemarai ijau tu ukai baka ka di tusi ba atas nya. anang sengapa rembang wai!
Bala menyadi, aku bisi ninga siti cherita madahka aki Ijau bisi ninggalka siti bedil di menua benama Nyelitak. Nyadi aki Ijau tu bisi nyumpah bedil nya. Semina turun iya aja ulih tetanggungka bedil nya. Bedil nya enda besai.
CERITA TUK MANAH AMAI MASA KU MIT KELIA AKI KU SELALU CERITA PASAU IJAU DIATU PENDAM YA BISI BAK BUKIT LINGGA
rumah panjai kami ba Chabu Ulu, suba Tr Muto aki aku mpu diatok nyau d tukar apai aku mpu Tr Rugis….ngelala meh aku aya nn lupan ke d pdah ke nn nyak….sapa nn tok deh wai kbn…?
Sayau endar gambar nya nie unggal belabut bangat. Enti nuan diau ba Kuching ka meh aku nguji meda ia ngal. Aku asal ari Banting ngal.
org banting piak kaban…?
ba rumah ni nn d banting deh..? aku tok org banting meh…
Menya Tr Asoi, Chabu. Tang udah nya tukar ngagai Aki Bara, diatu ti enda salah Tr Limik. Lama udah ninggalka menua ngal. Nadai agi kaban belayan ke semak agi diau din ngal. Sinu endar aku ngenang pekara tu. Sepintu (menyadi indai aku) ka agi nguan menua din. Aya Lupan ka agi diau din.
rumah panjai kami ba Chabu Ulu, suba Tr Muto aki aku mpu diatok nyau d tukar apai aku mpu Tr Rugis….ngelala meh aku aya nn lupan ke d pdah ke nn nyak….sapa nn tok deh wai kbn…?
Leboh ke Niki bukit LEsong ba Tahun 1983 suba.Aku bisi ngambi maioh amat gambar ke bersejarah baka endur Ijau nampok,batu mayas,kelang sabang,lubang ribut enggau kayu berab tang tang kami enda datai ba telaga kumang laban ari nyau ke lemai.Gambar nya diatu maioh udah rusak laban kelalu lama,tambah mega udu pindah gawa.TQ
Tabi apai..agai nn ke empu Ruai.
Ba penemu aku, kitai enda uleh nyalah ke petara ketegal bangsa enda maju. Ba penemu apai betul amat, ukai ndai
kitai iban ke di sumpah antu kaya raja..tang enda semua.
Anti pulai ke cerita kelia…sapa bisi kitai minta diri kaya???
ngai enda ngai minta pengaruh kebal serta berani meh di pinta ba petara. Nyak ke buah petara enda meri pengaya
laban kitai iban minta pengaru kering ngau berani aja ari ia.
Dunya agi kacau bebunuh kiba kanan..enda patut NUAN BUJANG LELANG Minta diri nyadi kaya…Kaya pan nadai meh guna anti enda kering.
Udah cukup petara kitai nulung kitai, enti sida enda nulung..nyau baka penemu apai aku..kada enda punas bangsa iban jamah bangsa bukai. Nyau nadai tanah baka ke sari tu kitai iban.. uji pansik nn BUJANG LELANG..sapa bangsa kaya tanah??. ukai bangsa kitai…ari buleh tanah enda ari tulung petara kelia..
Sapa madah kitai iban enda maju…?? udah mansang kitai iban tu..uji perati..ke menua ulu, enda nemu ngentak ke rumah panjai batu magang. Enda tinggal sinkang bangsa iban
AKU tu anak iban…nama tai enda di temu..kemaya ari tu..di ujung tunjuk jari semua utai…
AKU ENDA SETUJU BARANG SAPA NYALAH KE PETRA…LAMA
NADAI SIDA NADAI BANGSA KE BENAMA IBAN…
TQ
IBAN MUJOK, Entabai
2 ITI PEKARA TI BAI AKU DIPERATI KA BALA KITAI :
i. NAMA PETERA KITAI KELIA NADAI KALA NULUNG KITAI ,NGASOH KITAI KAYA RAJA, TANG MERI PNGAROH IA KA DIKENA BEBUNOH AJA?.
ii. BEREATI KA ULAH IJAU, UDAH IA BADU NAMPOK IA NETAK SERETA MUTUS KA AKAR, JALAI NIKI NGAGAI EDOR IA NAMPOK, LABAN IA ENGGAI KA ORANG BUKAI NAMPOK DIA, BULIH LEBIH AGI ARI IA. KATI ULAH IJAU TU AGI BISI NYADI BA BANSA KITA DIATU…..?, PEDA AKU MAKIN BALAT AGI ,NYA MEH SALAH SIGI KEBUAH BANSA KITAI ENDA ULIH MAJU BAKA BANSA BUKAI , ARAM MEH KITAI LEKA KA PENEMU IJAU TULUNG MEH BANSA DIRI AWAK KA TAU MAJU SERENTAK ………………
Bujang Lelang,
Petara kitai Iban endang bisi nulong kitai. Sida nulong kitai bulih padi. Pengeraja kitai Iban tu ba padi ka ulih kitai bumai. Petara mega nulong kitai Iban kaya tanah. Kitai lban selalu menang berumpang menoa endor kitai ngemansang ka bansa diri ngalah ka bansa bukai. Kitai Iban di Sarawak diatu naka iya kaya ba tanah, tang kitai enda nemu ngena pengaya tanah. Petara nadai kala nikau ka ketul mas tauka duit ringgit laboh ari langit. Enti Petara bisi nyumpah orang nya kaya-raja pan enda maioh kitai mensia bisi nasib bakanya.
Penyarut didunya tu ari mensia nya empu … ari kepapas ka pangan diri, barebut ka kuasa & pengeraja, mudah disabong orang belaya, etc.
Enti Petara kitai nadai nulong kitai kelia, bansa kitai lama udah pupus laban penyakit tauka alah laban bansa bukai.
Bujang Lelang,
1. Mayuh tuai2 kitai kaya raja ditulong bala Petara kelia. Enti enda bakanya, enda ulih ga sida nyadi tuai kitai. Nya kebuah mayuh tuai kitai digelar Raja Berani. Reti nya, iya ga kaya raja, Iya ga berani. Tang kitai enda tau kaya ngapa enti kitai enda berusaha, enti kitai nadai kala nyembah Petara lalu minta tulong sida.
2. Jerita tu sigi ka penemu semua kitai awak ka kitai nemu teladan ti menyana …
Amai pan sumpah kumang madah ka nadai agi org ulih tetitih ka pemerani n pengering aki ijau laban ya udah netak urat kara penampuk ya mpu.tang myuh peturun ya nyamai pengidup.sampai kja ba london.sekula ba london kja ka tasik pangkat besai.nti amai iban balau ari banting nadai ngena jako nuan.kmi ari banting ngna jako dek.
hallo kbn semua….,
rindu ningga komen bala ktak…..pelaba aku sama turun ktai tok…aku tok asal org banting. nti ktak kak nemu ba dini perauk pengayau cdak ijau, kendawang, pandong, angie dtai agai rumah panjai kami ktak ba chabu ulu, Banting….
iban balau,
Ulih nuan ngambi gambar perau pengayau nya lalu post nuan ditu. TQ
bdau bc ari plai ke menua ngambi gambar nyak aku kbn….
ilak nti maya plai gawai aku ngambi gambar perauk nyak…tp smina tinggal langkan ia ajak agi bc…..
nti nn kak nemu kaban…perauk nyak nda tauk d baie niki ke pantai…nti kami kak nguji nanggung ia ke pantai ari sg tetap ujan….crita tok kai crita keliak crita diatok udah d uji kami…
ooo… menyadi… baru meh aku tetemu ka bala kaban bansa ari balau turun aki ijau…. aku tok uchu merejok anak perancih urang sg mansau turun bansa ijau ke 8…. enti bc ari, ka meh aku mai bala turun kitai nampok d lingga laban nya meh palan turun kitai betemu enggau petara iban… enti bc ka bejako , berandau tau meh ngiga aku d facebook rhowdy george…. arap ka ulih berandau enggau nuan meh menyadi…. deka niri ka turun kitai…
Selamat pagi Apai,
Aku iban ari Engkranji, Lingga di Batang Strap.
Endang amai cerita uncle tadinya tadi. Laban aku udah niki bukit Lingga lalu bisi meda telaga Kumang. Dia mega bisi Batu Ancau..Very interesting.
Nembiak Rebak Baru,
Kita tau ngambi gambar tempat nya lali ngepos gambar nya ditu.
Aku tu siko ari bangsa Iban ti datai ari skrang.Aku rindu ningga Jerita Ijau berani tu.Mimit pan nadai meh aku pedis ati enti nuan tau ke sapa-sapa nusoi jerita peturun Ijau tu.Anang nuan kaban saru penemu.Orang kelia ti bekayau nama kebuah kitai kemaia tu deka nitih penemu lama.Dini orang bisi bekanya agi.Anang bala kita takut ke peturun diri empu.Kita patut temegah ke diri ti peturun bujang berani.Kitai mesti nyingkan lalu tau dkumbai siti ari bangsa ti betemadun/civilized society.Enti kitai agi niti ke pengawa lama agi bedendam ko orang kitai kumbai orang nadai temadun/not civilized.Ukai tegal pengingat tuai tu ngasuh bangsa kitai pambar.Pengigat Tuai tau ngasuh kita beserakup penemu enti kitai ngena pikir enggau runding lalu mereti ke adat enggau asal kitai ti udu nyelai ari bangsa bukai.Taun 1983 aku besekula di SMK Simnggang lalu aku maioh bekaban enggau Iban ari Bantin enggau ari Bukit Lingga.Aku empu maianya suba udah enggau bala gereja SIB/ SMK Simanggang udah niki Bukit Lingga lalu bisi meda endur Ijau berani nampok.Kami deka bemalam di baruh Ijau ti nampok laban bisi ai laboh ari bukit dia.Tang laban maia nya bisi manyi ba endur Ijau nampok nya.Nyalai kami enda nyadi bemalam dia.TQ.
Aku bisi ninga tusi niang Aki enggau Ini aku pasal Ijau ke bejuluk Ijau Berani tu. Laban maya agi sekula apai indai aku bisi beumai ba tanah seberai ai enda jauh ari rumah panjai Semulong Ili di Batang Strap ia ke betuai ke Tuai Rumah Tipin. Ari atas bukit rumah panjai nya bisi pendam lama atas tingkah batu lalu bisi dia datai ke saritu. Pendam nya kenu ke cerita sida Aki aku, pendam niang Aki Ijau Berani. Bisi mega sekeda madah ke Ijau Berani tu mati kelia, bebali nyadi ular Nabau. Leboh maya aku baru badu sekula Pom 5 kelia, endang bisi sida apai enggau indai aku ukai semina seduai aja, orang bukai mega bisi tepeda ke ular besai, mesai giling bidai ngelantar ba nanga ai Sungai Semulong Ili. Kali ke nya Ijau Berani mali diri nyadi ular nabau tauka ukai, kitai enda nemu. Laban nya… nyadi ke tanda tanya datai ke saritu. Mayuh mega bala uchu ambu Ijau Berani enda berani madah ke diri asal peturun Ijau Berani laban enggai ke nyadi penyarut laban bisi bemunsuh enggau bala Iban Skrang diasut bala sida laut ngambi ke kitai Iban bebunuh, bepecah belah enggau bansa diri keno ke cerita sida niang Aki aku kelia. Diatu enda patut kitai ka bemunsuh enggau pangan diri, enti kitai bemunsuh nadai bansa bukai ka nyerakup ke bansa kitai. Enti ukai saup bansa kitai empu. Minta ampun, nyangka penemu aku bisi ngasuh ati bala kitai ti bisi macha w/s tu ensiban. Pemansang enggau pengerembai bansa, adat asal enggau jaku kitai datai ari penyerakup enggau kereja keras ari bansa kitai empu. Nya aja terima kasih.
Tabi ke nuan Apai,
Kati bisi agi cherita ensera pasal Ijau tu agi? amat bisi perau kayau ia? aku ingin nemu tusut ari Ijau tu kati nuan ulih mantai ia awak ke kitai sama nemu enggau lansik.Rindu mai aku maca blog nuan kena nambah ke penemu serta ngarap ke nuan mujur selalu.TQ
Ungal gnmawar, rindu aku maca cherita tu tang kelalu pandak
agi bisi tampong ke ensera tu ka. Aku kala ninga ensera ari niang ini enggau aki aku pasal Ijau ti be ensumbar Ijau layang mandi terbang. Tau nuan ninga pasal cherita tu
TQ.