Sa, dua, tiga, empat, lima, enam, tuuuuuujuh!
Enda aku busong ngelangkah gunong,
Enda aku tulah ngelangkah tanah,
Enda aku danjan ngelangkah bulan,
Enda aku tumbang ngelangkah bintang!
Kaki aku udah bediri di segi besi belumpong,
Nyawa aku nyapa nyembah di klasah tikai bedong long.
Lengan kanan aku ditanggam beringan lanchum selong,
Pala aku di-bap singkap jalong jabong,
Blakang aku ditinggang seludang baju burong.
Laban aku tu ukai mungkal ukai nanjal,
Aku tu endang niti endang nali,
Baka ijok tampung penduk,
Baka rutan tampung danan,
Baka ira tampung lemba,
Baka wi tampung tali.
Pecah periuk tanah ganti periuk tani,
Padam bulan diganti matahari,
Parai orang ka tuai ganti tubuh kami,
Pambu orang ka dulu ganti kami ka dudi.
Kami tu deka ngintu gawai dayak,
Nitih ka pekat, ngimbai adat menoa Sarawak,
Ngibun durok kitai bansa,
Negi ka menira adat ugama menoa Malaysia,
Ngambika tampak rita idup bersama di mata dunya.
O….Hoi!
Nya baru aku ngangkat ka kita ke lama udah timpat,
Tinggang urat sebangki api.
Tu baru aku nyungkang kita ke lama udah tumbang,
Tinggang batang tebelian wi.
Aku nyerungkai kita ke lama udah parai,
Keranjai indai imbok kedidi.
(Tu aku ngangau ka aki kami Sera Gunting,
Ke tau nemuai ngagai gensiring langit kuning.
Ngangau ka tuai benama Begeri,
Ke dulu ngajar kitai beguna ka atau babi,
Laban iya ba indai ka Dara Manis Muka.
Aku ngangau ka aki kami ke benama Sarapoh,
Tuai ke berani nyanda bunoh,
Ringka-ringka ngema benong benda menaga.
Aku ngangau ka Aki kami Pateh Ambau,
Ke datai ari Pangkalan Tabau,
Peling lanting tawang ulih menang bedagang.
Aku mega ngangau ka Gerasi Belang Pinggang,
Seduai Rukok ke Pematak Bala Nyerang.
Aku ngangau ka Petara Betie “Brauh Gumbang”,
Seduai Datu Patinggi Gurang.
Aku ngangau ka Petara Jalir, Petara Gisang,
Petara Geringu, Petara Sumbang.
Aku ngangau ka Petara Gerijih Ai Marang,
Seduai Bangkam ke ngaram ka sampan buong Rajang.
Aku ngangau ka Tindin Pimpin Bragah Ngindang,
Seduai Entingi Keti Aur Tulang.
Aku ngangau ka Rekaya Tom Tajai Ngindang,
Enggau tuai entanak benama Unggang.
Ngangau ka Petara Uyut benama Bedilang,
Petara Atin apai Saang,
Petara Sabok Apai Mang,
Orang Kaya Dana Bayang,
Enggau Chulo bejulok Tarang.
Orang ngasoh aku ngambi ngabang,
Ngambi mansang,
Ngambi makai,
Ngambi nandai !)
Kita ka ari ili datai sabuah barong,
Kita ari ulu undor sabuah buong.
Kita ari langit nilik naka rekong,
Kita ari tanah nyengok naka punggong.
Ngabang abis, ngabang lengis,
Betambit pintu, bekaling alu,
Bekaling lantai, bekesai tikai.
Aku ukai ngangau ngapa, ukai ngangau pia,
Aku mai kita ngabang, mai kita mansang,
Mai kita makai, mai kita nandai.
Aku mai piring, mai ading,
Piring penganan, piring penyaran,
Piring Arak, Piring Tuak,
Udah sedia, udah nyengenda,
Ditikai wi, tikai peradani,
Ditikai rutan, tikai bemban.
Kita ke ngabang bakanya mega,
Anang tuboh puang, tuboh sabatang,
Anang mai tuboh murus, tuboh untus,
Tang mai ubat serangkap genap,
Mai batu teruba nemu,
Mai pengaroh gembar tuboh.
Anang engkah ngapa, engkah pia,
Engkah ba piring, engkah ba ading.
Ayan ka ba tegalan,
Lengka ka ba pedara,
Sikap ka di ketupat.
Ngambi ka kena peda, kena tela,
Kena iching, kena perening.
Awak ka kena genggam, kena simpan,
Kena sandoh, kena taroh,
Kena japai kena pegai.
Enggau sampi tu,
Aku Minta kami chelap-embab,
Minta gayu-guru,
Gerai-nyamai,
Bidik-lansik,
Betuah-belimpah,
Kaya-raja,
Aku minta tulang,
Minta pandang,
Minta iching,
Minta perening.
Awak ka kami mudah bulih duit, bulih ringgit,
Bulih padi, bulih puli,
Bulih reta, bulih tengkira,
Bulih setawak, bulih menganak.
Ngambi ka kami jelai rita, manah nama,
Nuchong baka bukit Rabong menoa,
Tinggi baka langit nungkat neraja,
Terang baka pandang bulan purnama.
Nya alai dinga ka kangau anak mensia, kangau anak uda,
Minta tulong, minta sukong kita.
Oooooohoi !!!
Compiled by Gregory Nyanggau Mawar
Selamat lemai Aya. Bilik kami nyadi tuai Gawai taun tu. Deka nanya nuan, bisi ka enda nuan leka sampi ngenan ka kujok?
Nadai. Leka main Kena muka kujok aja.
Keterubah meri tabi basa ngagai nn aya..Minta nn email ke aku leka biau gawai ngau leka piring aya..
Apai Kusau,
Nuan tau nitih ka ripih leka main ke ditulis aku ditu kena nuan ngaga leka biau gawai enggau perengka piring ka bisi sebut aku ditu laban nuan empu nemu sapa orang deka dibiau nuan, sapa Petara enggau Bunsu Antu deka dikangau ka nuan serta sapa Petara Aki-Ini nuan ka deka di asuh nuan ngabang ngagai gawai nuan.
unggal, kati nuan bisi nyimpan surat cerita Biduk linggar nacar disenggal gumbang besabung, Aki bejugu menaul tuntung, Aki lang Senglang Burung ka ditulis aya nn niang B.Sandin suba ? enti nn bisi naruh tau magi aku tau ka diengkah ka nn ba ruai tu. nya baru selampur adat iban ka diturun ka Sera Gunting ucu Sengalang Burung ngagai penurun Iban ka di tulis niang B. Sandin suba.
Bup nya dikumbai Raja Durong.
aku siko ari bansa iban ti cukup temegah ati, nama kebuah laban kitai iban diatu agi bisi niti nali pengawa enggau main tuai dulu kelia baka GNMawar. Bak runding aku aram meh sama sama mantu pengawa iya ka seruran nan ka ripih leka main tau ka adat kitai iban. sayau ka pengawa tu lesap ngapa nama penyalah kitai sama sama merau enggau iya nuju pemansang baru ti ngundah perengka lama kitai iban, ukai bepekit ko aku tang besaup betulung nggau iya. udah betuah kitai ka rebak dudi tu bisi iya agi narit perau kena kitai ngundan adat lama bansa dayak iban jam ka diatu. Aku bisi endar pengirau ati diri laban nembiak dudi diatu enggai belajar ka penemu lama kitai dayak iban. jam diatu lela main iban semakin lenyau semakin dtinggal ..Enggau tu mega aku meransang bala pemerindang tau ka bala penyanyi tau nyelit ka leka main iban ba lagu baru kitai iban. Jako enggau kitai iban semakin ka dipeguna rebak baru ambi ka banding jako kitai iban udah dikena ba sekula ti tinggi…Terimakasih nggai Betunggal aku GNmawar ti naka ulih mansik leka main iban.leka sampi enggau leka biau nuan cuku setipak enggau pemensang rebak diatu.
Beri maioh agi conto cara jako iban ngelalu ka temuai leboh maia nyadi pengacara majlis.
Conto cara ngelalu ka temuai tau di tengkebang diri empu ngambi ari leka main bukai.
Bisi leka biau pengabang diak deh….
Meri terima kasih ngagai nuan tuan…leka jako nuan slalu diinjau aku ngadu ka pengawa iban ba serata menoa Sarawak
Aku arap ke nuan oleh ngasoh aku ngena/
ngeluar ke pantunnya ba blog aku maian
ke nyambut gawai tu…n empu tau meda di wechat ku.apililin21..
Terima kasih, sekali agi Selamat Ari
Gawai..
Tabi Tuan Igat Gregory,
Aku tu meri besai kasih ngagai pemanah leka sampi nuan, leboh aku meda sampi tu dia aku lalu maca sampei ambis, rindu amat ati aku laban diri empu nadai bisi nguan penemu besampi bakatu di beri petara datai ka dunya injau tu. Sampi tu lalu di print aku, leboh maia gawai dayak ba taun 2015 tu ila, aku deka ngena sampi tu enti di beri peluang besampi sebedau Gawai Dayak di pejadi lemai 31/6/2015. Sekali agi aku meri besai terima kasih ngagai nuan lalu arap ka nuan mujur bejalai ka pengawa belama ia.
Ari aku J.Chon
Tak sinu amat ati aku maca leka sampi gawai tu. Berunding ke diri ke nda kala belajar leka sampi iban. Tak semina ninga aja meh ngelama tu. Tak nda berasai ai mata nyau ka labuh tekenang ka diri berasai mit amat ba dunya tu..
terima kasih ayak laban dah ngajar aku sampi gawai tok…
Rindu amai aku meda main asal adat lama kitai iban..makin ari makin lenyau..sinu meda..
kirum ke aku leka biau peransang
Nama leka biau ke dalam kurungan nyak tau iboh disebut ka? Tauka tau diganti ngau tuai-tuai bukai?
Munyi eng tuju jalai sampi nya manah di dinga tang bagi ti enda temu tuju leka sampi nya enda aku nemu ambi ka contoh: org ti dikangau ngabang semina nyengok nakat pungong/rekong ni tudah ulih meri pengaruh lbn enda datai ba rumah ti ngintu gawai tau ka pengawa bukai, nya ketegal sampi ti nyebut semina nyengok pia aja tang enda datai serupa tubuh datai ngabang.Ba leka sampi bukai manah amai tu meh pengawa, ti tau lenyau entai enda direkod baka tuk kemaya tuk ba dunya ti enda bese kat penemu tauka nama utai ba siti-siti bansa ulih di peda bala ucu ambu iya ka dudi.Nya aja komen aku ari siko orang ti balat rindu ka main asal usul kitai iban.
Jako dalam kitai iban endang patut amai direkod tau ka ditusun ba dini-dini endor ti patut lak ka bala anak telesak kitai nemu asal bangsa kitai.Ba penemu aku leka biau tu cukup manah gaya tusun jako endang betampong baka ka ditulis tauka dikarang,kelia menya nadai nemu utai reti sekula tang enti kitai berati ka leka biau ia mangka sigi pengawak ka betusun ari pun nyentuk ka ujung biau.Tang betul ka enda leka biau nya enda aku nemu semina bala org ka kalak nyadi lemambang engka nemu.Arap ka main bukai mega tau diangkat ka ba dini-dini endor pangal pemerindang.tq
Tabi bala menyadi,
Dalam tau 2011, ba Merdeka-Mall Miri jalai ka Airport miri bisi aku meda buku Adat kitai iban, enda ga aku ingat sapa iaya ti nulis buku’nya..Tang buku sempama jako iban ambis dibeli orang…alu enda ampit bala ka meli.
Aku rindu amai ninga leka kenang…jerita tuai kitai kelia…Siko Veteran Radio Mr.Thomas Tekong Laka…tuai nya, ta pandai amai nerang ka jerita tuai
cara leka sampi kitai iban ke berurun ia, keterubah baru ia kitai nyebut basa diri empu, udahnya baru kita nyebut rengka piring, udah nya ditangkan ke bala petara, baru kitai nyebut jaku sampi kitai ke bukai nitih ke pengelandik kitai. nya bak penemu aku la…..
edward,
Piring tu dibiau aku dulu sabedau aku ngerja piring. Udah piring tembu dikerja, nya baru aku nyampi. Biau piring tau dipeda nuan ba topik Leka Biau Piring.
manah amat gak munyi leka sampi tu dipeda aku, tang bak asai ati aku bisi penimpang mimit, laban kitai nadai nyebut rengka piring. ti maya pengerami baka tok piring mesti bisi labn kitai ngangau ke org makai. ngarap ke kitai sama berati ke meh.
aku rindu maca jerita lama.ulihkah unggal ktai ka ngaga jerita lama ke kelia-kelia menya ba website tu nggau mayuh agi?
dara siga,
lubah2 meh. Mansang nambah meh utai ditu ila.
tabi basa ari aku…
gaga amai aku bc tetemu ke website nuan..
taja pan aku iban (mak iban,apak sabob)..aku enda entu nemu endar ga main asal iban ngau smua pekara psal iban ngau dalam ag..
nyadi td,diatu aku benung nyambung sekula ba UPM serdang..final year ku tahun 2..
aku berminat ka ngaga tesis tentang adat iban maia gawai dayak ke smakin pupus kemaia ari diatu, minta tulung nuan ke landik psal bansa iban 2 bkunsi penemu ngau aku.
arap ke tua ulih kontak ngau emel lebub maia lepa…bkunsi pendapat..bkunsi penemu ngau pangan diri..
terima kasih..
tabi basa ari aku….lbn ketegal udah ngaga laman web ngenang…pgwa kitai iban kelia2,siti ke paling dikerindu ke aku ba senentang tok iya nya…..biau….nyadi aku ,endang sigi org rebak diato amat nda ntu nemu amai pasar biau….nyadi enti ulih….kermbai ke agi meh bansa enggau leka biau maya kitai ke bebiau maya ari gawai dayak…..laban ka siti aja dito peda aku.baka pun biau…… sapa ke dikangau dalam leka biau sereta gerinik ke dalam biau…..laban ke didinga aku…..biau siko2 org ke nemu bebiau nda sama……gerinik ya mai ya nda sama…..nya alai aku ka minta nuan ungal….mantai ke mayoh agi biau ke tau dikena maya hari gawai……..engai ke biau kitai ila seila nya ngambi ke ngudah ke aja.aku pemadu ya engau ati ti gaga meri terima kasih ketegal nuan ke udah ngaga laman web tok….no satu….terus ke ungal…….idup…..iban……iban heritage….
Tabi Unggal,
Meri Selamat ari Gawai ngagai nuan.
Manah amat leka pantun gawai ke ditulis di dalam blog nuan, lalu aku bisi ngeluar ke iya ba blog aku http://www.Bukittunggal.com/.
Minta ampun laban ti nadai minta pemendar ari nuan leboh ti nginjau leka pantun nuan.
Aku arap ke nuan oleh ngasoh aku ngena/ngeluar ke pantunnya ba blog aku maian ke nyambut gawai tu…
Terima kasih, sekali agi Selamat Ari Gawai
REMAUNG6RENJER
Nadai nya salah nuan nginjau sampi gawai aku nya. Aanang enda belajar enggau ngemansangka ka main asal kitai bala kita ke rebak baru.
akih, aku ngucap trima kasih nuju nuan.. nti nadai urg baka nuan, pedis amat bala nmbiak baka aku tu deka mansik penemu bansa kitai..slamat ari gawai ari kami ba New Zealand nuju kta d menua…begulai meh ngau bala sebilik..
Bujang Nanga Pruan
Sama-sama. Arap ka kitai sama sama ngemansang ka adat enggau main asal kitai Iban.
Enti ulih,kitai sama2 ngasuh bhsa ibn pgari.nya kbuah nti ulh nda ibuh ngna jaku bansa bukai nt nulis k0men d2 ok..
Bisi sapa2 ulih nyerita pasal gwai dayak d menua kita?
NUJU BUJANG BULAN…., Kti gya pngrami ktk di rmh pnjai?? nma nuan tok bujang bulan diau ba rmh panjai kh? entik nuan diau di rmh pnjai,ulh nuan mdh ke aku psal pngrami ktak di rmh pnjai???
Untg amat aku tetemu ka site tok..nda lama agi ka ngintu gawai..sampi tu bguna amat dkena aku ila lebuh ke diasuh urg nyadi mc gawai taun tk..slamat hri gwai..
aku amat rindu enggau leka main kitai iban…diatu aku ka belajar ka dalam agi leka main kitai iban..enti bisi utai ke baru, minta tulong kita ke landik agi meri serta ngajar aku..
SELAMAT NGINTU HARI GAWAI DAYAK 2010..
Keep it on…just lovin it… lama dah ngiga site baka tu, kira ka complete version of iban custom…
nama bida org ke nyampi ngena leka jaku ooha!!!!!!!!! enggau sa dua………..:)
selamat nyambut Gawai Dayak semua. Nyangkung ngajat.
bujang lelang:)
bc pia org nyangkung ngajt endo go kalo ningo…….
SLAMAT HARI GAWAI DAYAK NUJU NGAGAI SEMUA KITA…..
apuu..sampi tu meh beguna bendar ba kitai.enti nadai nemu besampi tauka bebiau,tusah endar kitai ka miau piring kelebih agi maya gawai ka enda tau enda.
mnh mat pgwa ba page tok ko…wlpn nembiak n ukai pure iban aku nang cg rindu mda pgwa tok..myh nembiak kemaya ari tok ndai nmu pengawa asal iban..lazly,hope ktai terus maju ke iban!!!
wow i like this site verrry much…just found it while doing some research on ibans..will read. Keep up the good work.
unggal,aku datai baru ba ruang pasal leka sampi tu,rindu amat aku macha tang aku ka nanya bisi leka timang kenyalang nuan unggal?
Tusah amat kak translate pantun iban ngagai bahasa melayu. laban aku bisi assignment berkaitan enggau pantun iban. bisi orang ulih nulung?
manah amat leka sampi nuan aya..
dinga engku tu ….aya.pantun ari gawai..
kaong ili kaong ulu,
bejalai ke ili tetemu ke ulu,
ari gawai nyau ka datai,
bejimat meh bebeli ke utai,,
ohhhha..
Lyne,
TQ… God bless you too.
Tabi Gregory,
Aku enggau ati ti gaga meri besai terima kasih ngagai nuan laban ka udah bekungsi ka penemu baka tu enggau kaban semua. Manah amat penemu nuan tu menyadi. All the best. God Bless you & ur family.
Nuju Ngagai Bala Semua
chujup manah pengawa baka tu,rindu aku
Rindu amat ati macha post nuan tu.kelebih agi ngagai kmi ti diau di negeri brunei.i really enjoy all of ur topics.i guess u must have been done alot of research.salute u gregory..we appreciate it n thanks 4 all of diz!
Tabi menyadi ke bempu ruai….
terima kasih laban ti udah ngelalu ke penatai…..
– manah amat leka sampi ke dikarang nuan nya tadi, laban ngelama tu mayuh bebida leka biau ke kala didinga. Ketebal agi leka sampi tau ke leka biau terus ngangau ke petara. Cuntho….
Sa,dua,tiga,empat,lima,enam,tuuuuujuhhhhhhhhh…..
Nama utai ke semerap munyi serap tibar jala,
nama utai ke ngerau munyi buwau di tengah hari raya,
nama utai ke nyeru munyi antu gerasi papa….
Eh, nama agi utai ditanya..
nama agi utai di telah, nya ga nyawa ( orang ke bempu ruai alai besampi)
ngangau nesau, ngumbai ngelambai
kita petara aki petara ini petara apai petara indai
ngangau kita petara lama petara suba petara ti dulu petara ti pambu….
Laban kami sari tu bisi pengawa bisi kerja….
Ngintu taun baru Gawai Dayak….
nya alai kami minta kita datai minta kita sangkai
Di bilik penaik, diruai panjai kami alai temuai duduk betimpai…
Kami ukai ngangau ngapa, ukai ngangau pia,
kami mai kita ngabang, mai kita mansang,
mai kita makai, mai kita nandai.
aku mai piring, mai ading,
Piring penganan, piring penyaran,
Piring Arak, Piring Tuak,
Udah sedia, udah nyengenda,
Ditikai wi, tikai peradani,
Ditikai rutan, tikai bemban.
Pia mega kita ke ngabang
anang ngabang siku orang
bepadah diserumah
bebai di se ai
bekangau diri selangkau
nurun ambis nurun lengis
nurun sampar anang betinggal siku orang…
Pia mega kita ke nurun ngabang
anang nurun tubuh murus tubuh alus
mai pengaruh gembar tubuh
mai ubat serengkap genap
ngambi ke bisi dibagi engau kami
ngambi kami udah tu ila
tau ngasi tau sidi
mang ari kepayang rendam sepagi
munuh ari ipoh raja Segandi
tajam ari pendawan mata besi
besai ari pengiran mentali
berani ati ngilah orang
jelai rita tampak nama
Udah tu ila..
ti bumai kami bulih padi
ari setangkai pulai sebidai
enti kerja gawa bekuli
bulih duit bulih ringgit bulih reta bulih tengkira
kami ke sekula tau pandai di cunggai tunjuk dua
pass ganas ninting peresa
enda senika enda menawa ari ujung nyentuk ke pun
pia mega sida ke tabin birin pedera renga
tau gerai tau nyamai diau celap diau embap
nya alai….
antu udah ga nemu
petara udah ga ninga
leka sampi leka biau kami tu tau nyengenda nyadi nyata…
ooo…………ha…..
selamat ngintu Gawai dayak gerai nyamai lantang senang nguan menua….
haha…..
manah,,bala nembiak baka kami ukai nemu utai baka tu,,,
leboh aku meda web nuan tu berasai mimit amat penemu aku ngelama tu kelebih agi pasal pengawa enggausemua adat kitai iban. aku arap ka web nuan di kerembai ke agi sereta di tabur ngagai bala nembiak baru baka kami.
ulih nusi ka cerita aki kitai rentap
ur welcome…bisi ensera ke lucu ngau ulih merindang ke ati?
TQ Jay….all the best to you.
Aku rindu amai macha ensera lama
Lina,
Jerita pasal penatai orang Panngau (Sida Keling & Kumang) bisi ditusoi aku ba article “Earliy Iban Migration – Part 1” baroh sub-heading “The arrival of the Orang Panggau and Orang Gelong” enggau “Power Struggle In Panggau Libau” ti ngujong ka sida iya beserara pendiau enggau kitai Iban didunya tu.
Ulih nuan nusui cerita Keling seduai Kumang……
…selalu nanya aku empu…ari nie penatai cerita kumang seduai keling….tauka abi kaki sempurai….
RINDU AMAT AKU MACHA ENSERA IBAN ARI NUAN…..TUSAH KA BULIH JERITA LAMA…LEBIH2 AGIK NEMBIAK REBAK BARU BAKA KAMI TOK….
Stephy,
My article on “Iban way of life” is still under process. It will be published here soon. Most of the major Gawai procedures have been published here.
giv me more info about, adat kelahiran,adat perayaan,adat kematian
Thanks Anni.
Aku pan rindu amat meh ka main asal kitai Iban, maia nadai pengawa selalu mat aku macha ia, sampai ensera Iban pan maioh dah aku temu, nyadi aku bisi utai pinta ngagai nuan tuai, ka ngasoh nuan ngemasok ka sampi kitai ngintu pengada, semua ka di kerindu aku dh aku temu dalam tu, semina nya aja meh nadai temu aku. Nya aja tuai, terima kasih ngagai nuan ti mantai ka main asal kitai Iban ba internet.
nasib amat aku tetemu ke website to…..aku rindu amat ke pantun iban