Sa, Dua, Tiga, Empat, Lima, Enam, Tuuuuujoh.
Enda aku busong ilang luya,
Megai langgai manok banda,
Kena aku miau ading piring pinang saleka,
Laban aku tu nampong jako sera nyawa,
Enggi aki kitai Rekaya,
Iya endang landik ngajar kitai bebasa,
Ka semua bala pengabang.
Enda aku busong luya pambu,
Megai langgai manok kelabu,
Kena aku miau ading piring kapu,
Laban aku tu endang nitih ka ajar nampong jako,
Enggi aki kitai Rekaya Jamban Atu,
Iya landik ngajar kitai bebasa ngena jako,
Nadai kala saru bekalih tunsang.
Aku tu miau sida Dara Santih bunsu Sirih ke tumboh betumbok takang,
Dara Chelum Bunsu Tum Sedi lulun atas bedilang,
Dara Bagau Bunsu Semakau rendang dagang,
Dara Sandu Bunsu Gentu daun pisang,
Sida tu sama udah digempuru ditu datai magang.
Aku tu mega miau sida Kumang Dara Simbut,
Bunsu Pulut Jantan Jentawang,
Bunsu penganan baka bulan rerak rumpang,
Dara Letup baka tangkup bunga kejumpang,
Enggau Endu Tematu Tali Betabu,
Bunsu Telu Manok indu kepayang mekang.
Nya alai letup pan udah ga chukop,
Asi pan udah ga bisi,
Pinang udah ga chukup magang,
Samoa perengka pan udah ga sedia,
Ditiap genap nadai timpang.
Nya baru aku ngangau ka sida ke tindok nakal singit,
Bejalai ngena burit,
Nya ga Bunsu Chapak Burak,
Ba-ukir ilak kesulai tandang.
Kita nya meh ka diasa nerima bala pengabang,
Diasoh nabi samoa orang.
Ooooooooooooooha! x 1
Tak lalu ketawa balat gaga,
Ading piring pinang saleka,
Udah dibiau enggau selanjau ijau manok banda,
Gaga diasoh nabi meri basa ngagai Petara,
Ke datai ari Tuchong Sandong Gemala,
Di bukit lilit Gerija,
Alai semuka dudok sembayang.
Nya orang ngembuan batu sedan bulan pernama,
Enggau batu takang bintang tiga,
Ambi ka ubat penyangga nyawa maioh pampang saribu guna,
Ngasoh panjai umor nguan menoa.
Lalu ketawa gaga rindu,
Pamping ading piring kapu,
Udah dibiau enggau selanjau ijau manok kelabu,
Nganti Apai Migu,
Datai ari munggu madang engkajang.
Nya orang ngembuan batu pupu gigi gumbang,
Ubat landik bejako ba gulu tugong orang.
Tak ketawa tuchum Dara Chelum,
Bunsu Tum Sedi Lulun atas bedilang,
Udah dibiau enggau selanjau ijau manok sigon,
Gaga nganti penatai Liba apai Dom,
Datai ari pun kara nurun maioh betunjang.
Tak depan-depan ketawa ading piring penganan,
Udah dikebau enggau selanjau manok jelayan,
Gaga nganti penatai Ini Andan,
Datai ari bulan ke meruan tuang-tuang,
Nya orang ke ngembuan ubat jadian mali langkang.
Tak lalu ketawa gagit deh piring pulut mit,
Udah dikebau enggau selanjau ijau manok kunchit,
Nganti penatai sida Apai Sabit Bekait,
Ari punggang tisi langit.
Nya orang ngembuan batu pengait,
Dikena ngulih ka duit mata wang.
Ketawa gaga amat asi ketupat,
Laban udah kena biau enggau selanjau ijau manok kepiat,
Nganti Kumang Dayang Sambat,
Indu orang di urat dandi nentang,
Nya ga indu pandai di pechunggai tunjok empat,
Landik ngebat tukang tengkebang.
Ketawa chaie-chaie ading piring sungki,
Udah kena kebau enggau selanjau ijau manok pungka laki,
Gaga nganti penatai Keling Aji,
Datai ari tuchong engkeraji padi,
Munyi negeri maioh orang.
Nya orang ke berani ati mutus kempang.
Piring rendai pan ketawa terai-terai,
Udah dibiau enggau selanjau ijau manok tawai,
Gaga nganti Raja Selampandai,
Datai ari menoa iya di Tatai Tanah Nyadai,
Redai terabai rampai temiang.
Nya orang ke ngembuan batu nyiur nyuntai,
Enggau batu bingka lia mulai,
Nya ga ubat besai ngasoh gerai,
Tau mudah bulih utai,
Ngasoh gayu guru gerai nyamai.
Ketawa gaga ading piring penganan jala,
Udah dikebau enggau selanjau ijau manok banda,
Gaga nganti Raja Simpulang Gana,
Datai ari Letong Jalong Temaga,
Tinggang bunga nuyan meranggang,
Nya orang ti ngembuan leka sesangga tepang,
Enggau taring uting babi menoa,
Kena kitai ngintu simpuli padi paya,
Ngambi ka tak sebaka manah magang.
Lalu taong-taong munyi ketawa ading pimping piring tepong,
Udah di kebau enggau selanjau ijau manok tuntong,
Gaga nganti penatai Aki Lang Menaul Buban,
Ari engkeleman bulan mandang,
Aki Lang Menaul Tuntong,
Ari Kebong Langit Ngeruang,
Nya orang ke ngembuan batu pugu danau kampong,
Pengantong upong balang beraang,
Enggau ubat mali rampong,
Ngasoh betampong tau serang.
Panjai ai, panjai kekira,
Luas langit, luas dunya,
Pegai tegoh batu indu gemala,
Ngambi ka tampak nama,
Jelai berita dinga orang bap dunya bumi belinggang.
Gayu ko antu,
Nadai apa ko Petara,
Semua kitai bulih pengelantang.
Ooooooooha ! x 3
Note:
Udah tembu miau tu, perengka piring pan lalu dibagi ba dalam siti-siti chapak. Udah genap piring dibagi, nya baru nyampi ngangau ka petara, bunsu antu enggau petara aki petara ini ke udah parai. Sida tu diasoh datai ngabang nitih ka bansa pengawa gawai kitai.
Perengka dikena ngaga piring biasa:
- Semakau & daun apong (Tobacco & wrapper)
- Perengka pinang (pinang, sirih, kapu, gambir) dalam baku
- Asi Amat (Cooked rice)
- Garam (Salt)
- Asi Manis (sweet fermented rice)
- Ketupat (glutinous rice cooked in palm leaves)
- Asi pulut burak, merah, kuning & chelum (white, red, yellow & black glutinous rice cooked in bamboo)
- Penganan iri (rice cake)
- Sagun (made of coconut powder & rice flour)
- Beras Kuning (yellow rice – for sprinkling the piring)
- Letup or rendai (puffed rice or pop rice)
- Telu manok (hard boiled egg)
- Telaga (a small cup containing rice wine)
- Bulu manok kena nyampi & bebiau, dichabut lalu diunsut enggau darah manok nya empu (a feather from fowl used during prayer is plucked out and dipped in its blood when it is killed)
Chara magi tauka mela piring:
- Tabur ka letup (digaga ari beras pulut) enggau beras kuning.
- Bagi pinang, sirih, kapu enggau gambir.
- Bagi insap – rukok apong enggau semakau.
- Bagi asi enggau asi pulut – asi burak, pulut burak, pulut chelum, pulut merah enggau pulut kuning.
- Bagi tumpi (kuih digaga ari tepong mulong), penganan penyaran, sungkui (digaga ari beras tutok dibungkus enggau daun pisang), ketupat (tau enda ibuh enti bisi asi pulut), sagun (digaga ari tepung beras enggau nyiur parut).
- Bagi pisang.
- Bagi garam ngagai tiap iti pinggai tauka sarang piring.
- Bagi telu manok.
Udah nya baru ngambi manok dikena nyampi. Leka sampi mesti nitih ka bansa gawai. Tembu nyampi lalu tabur ka letup beras pulut enggau beras kuning. Selamat ngintu ari gawai ngagai kita semua.
Note: Sakeda agi chara nyebut biau leka biau piring.
O-hoi ! O-hoi ! O-hoi !
Ni nuan munti indu ai, Ni kita senggang siti madang?
Sungai di-ulu, sungai di-ili, Bukit diturun bukit ditiki.
Ni nuan Endu dara pandai ke bejalai lumpak luak,
karong penyurai rumah panjai?
Ni nuan dara mereti pantun ati,
ke bediri tenjik-tenjik,
Karong lamba tiang medang?
Ni nuan Endu dara burok ke tindok enda bepua,
karong temetong ranggong balang?
Ni deh Achin perin dibelah karong gelegar patah,
Enda mindah kelakuyah gerah tanchang?
Ni nuan Endu Endat betumpa sendat mali lengka,
Bunsu empat paan lintang?
Ni nuan Endu Endun chelum ngelepu,
Bunsu pinta ke bedaru bandir tapang?
Ni nuan dara nganta bau nyelenga,
Bunsu tungkat dua besakang?
Ditangkan ka Jelembai dara pandai,
Bunsu tikai rinan sorang,
Lalu ditangkan ka Imbun ke bepantun mereti ati,
Bunsu baku tuang tukang.
Ni nuan Endu Dara Kelinah tampok buah pinang belubang,
Ditangkan ka Endu Dara milih sinu kasih,
Bunsu sirih betumbok tapang?
Ni nuan deh Endu Iyak bemua tambak,
Bunsu kapu kerubong kerang,
Ditangkan ka Endu Endun betuboh chelum,
Bunsu sedi lulun dituom unggun atas bedilang?
Ni nuan Dara Liut Kumang Lembut,
Bunsu lumut semakau dagang?
Ni kita ke tindok nakal singit,
kita ke bejalai ngena burit,
Bunsu chapak burak ba-ukir ilak kesulai tandang?
Ni nuan Dara Ganggam bedaai lada,
Bunsu penganan baka bulan rerak rampang?
Ni nuan Bujang mit tegar menselit,
Bunsu pulut jantau jentawang?
Nya kita ke dulu ngambi ngabang,
Dulu ngambi mansang,
Ngambi makai,
Ngambi nandai.
Angkat serta,
Angkat semua,
Ngabang abis,
Ngabang lengis.
Digumpul Gregory Nyanggau Mawar
Kerangan Pinggai, Paku, Spaoh, Saribas.
E-mail : gregory.mawar@shell.com
Tabi basa tuan besai, ngambi ka nuan jampat agi nemu, aku amai ga udah ngalih umor tang enda nemu pasal jalai tusun ngintu enti baka bisi utai ti nyalei datai ba moa rumah kitai, tang maya nya aku enda nemu jalai ngintu ia tak semi di beri, di alu ka aku ngena pedara ko kitai iban.
Tabi tuan..aku ka mrik duku ilang ngau taring jani aku makai..lmk ndk kala intu…bkani piring kna nyk tuan..tauk wasap aku 0148907888
Ditu aku ka nanya:
Mimpi betemu egau siko indu,nda nemu nya tuai ke nda tapi bok iya panjai melakang.d asuh iya ngaga ketupat 7 egau 8 leka.indu nya pan sama egau bini aku ngaga ketupat.udah tembu ke ngaga piring indu dlm mimpi nya ngasuh bini aku angkat nganjung mangkuk siti warna merah.dlm mangkuknya bisi telo sigi mansau egau asi pulut.maya ke migai mangkuknya,mangkuk belah 2 tang asi pulut egau telo nda labuh agik ba sepiak mangkuk ke belahnya..indu dlm mimpi nya madah kaya dek ila ko iya.bini aku alu tedani.(bakani cara ngintu mimpinya tuai)
aq ka nanyak bkani nti kala bemimpi nguligp ke lia.takah seminggu udh nyak aq nyulin tuak samboi nyadi dlm tuak nyak td bc lia ke beram ea asai mpu pun asai tuak lia . nama reti lia dlam bram aq nyak kni.
Aku enda mereti nama jaku nuan nya.
bos.. ulh nn meri aku leko biau piring tajau sebedau gawai nyadi baka 31/5 ka pandak.. Lbn aku tiap tahun miring ka tajau apai
enti nn mnh ati meri aku leko biau piring ka pandak tau watsapp aku 0107686588
Aku to ari miri, deka nanya reti, bakani enti baka kitai bc mimpi meda orang maioh datai makai ba rumah kitai, Laban deka ngintu ba ngaga piring keduran aja,piring berapa kena kitai kini? 8 ka 9?? Laban eda entu nemu endar ga…amat migai pgwa to, ngelama to agi bc tuai diato udah nadai..aku to minta kasih minta tolong madah ka bakani… trma kasih
Rimi,
Nuan tau ngintu mimpi nuan nya ngena piring 7 lalu besampi minta berkat ari orang ke datai makai dalam mimpi nuan nya. Darah manok kena nuan nyampi nya lalu kena nuan ngenselan piring nya.
Perengka piring … nuan tau meda perengka piring ti udah di tulis aku ditu.
Anak Iban.
Enggau tabi basa aku ngelalu ke komen serta penemu semua ti mantai ke penemu diri dalam blog tu. Baka nuan anak iban, aku sigi percaya ke jako nuan ti madah ke diri bisi bertemu enggau orang panggau ianya Keling. Ukai semua orang oleh bertemu enggau orang panggau semina orang ke di pilih sida ia empu aja oleh. Jadi aku bisi ga nemu bala ti oleh bertemu enggau orang panggau, berandau orang panggau begulai enggau orang panggau. Jadi aku tu Anak Iban minta kasih ke nuan deka amat betemu sereta bekelala enggau nuan laban ti deka nemu lebih silik agi ke pengawa nuan ti oleh betemu enggau orang panggau. Enda semua orang oleh semina orang ti pilih sida ia empu aja
on February 7, 2012 at 11:44 pm Anak Iban
Aku siku ari anak Iban ke agi gawa ba siti kompeni minyak & gas di Malaysia.
Enti enda salah aku, piring turun 8 nya kena nyambut penatai tauka miringka sida ari Gelung, miringka pengaruh ke diberi bala antu (ukai ari Panggau) enggau miringka sida ke indu ari Panggau lalu piring 9 dikena miringka bala sida ke lelaki ari Panggau kelebih agi Keling empu.
Bisi ga org engkah piring 8 ba mua pintu tauka mua jalai tama ke rumah (baka rmh teres) maya gawai laban kenu ku org, maya nya bala antu nimang namaka tuah ba rmh org ti bisi ngengkah piring 8 ba mua rmh iya.
Siti agi utai ajar Keling, kitai ke arap ke iya patut ngantung siti Senupat Kumang (senupat ke betampung 9 leka) ba mua pintu laban kenu ku Keling, sida daka nemu kitai tu enda org sida iya enti sida tepedaka senupat nya.
Sekeda info ke ditulis aku ditu endang dipadahka Keling ngagai aku empu suba. Baka ni aku ulih berandau enggau Keling enda ibuh kita nanya, kira ke bula mih nya. Terima kasih….
Piring leka 9 jarang amat dikena. Aku enda kala meda urang ngena piring turun 9 tu. Pring 8 endang slalu dikena. Bisi urang ngumbai pring 8 tu pring sangkong.
Tau mega interview TR Gaie ari Selidong, Betong senentang guna piring.
Bisi bala ba Johor tepedaka nabau (sawa ti besai) dalam lubok sungai din. Alu bisi dambi mimpi sida empu ngau sida sarumah. Sida sabilik udah gawai tangga tuah maya gawai tu tdai.
Enda kala meda urang miring ngena beras kuning. Mina rendai ja kena menuhke piring.
Bakani gaya tumpi ari tepung mulong? Ia ke peda ku, tumpi digaga ari tepung beras pulut ti digoreng dalam minyak ba kali.
Sungkui ke dipeda aku digaga ari beras pulut ti dibalut dalam daun long alu dipandoh awakke mansau.
Sagun ti digaga ari tepung beras (amat?) ngau nyiur parut enda ka meda.
Quote: Bagi tumpi (kuih digaga ari tepong mulong), penganan penyaran, sungkui (digaga ari beras tutok dibungkus enggau daun pisang), ketupat (tau enda ibuh enti bisi asi pulut), sagun (digaga ari tepung beras enggau nyiur parut).
Enda kal meda urang miring ngena buah pisang.
Enda kala ku meda asi pulut mirah, kuning ngau chelum. Sap agi bisi benih padi pulut tu diatu?
Quote: Asi pulut burak, merah, kuning & chelum (white, red, yellow & black glutinous rice cooked in bamboo)
Note:
Udah tembu miau tu, perengka piring pan lalu dibagi ba dalam siti-siti chapak. Udah genap piring dibagi, nya baru nyampi ngangau ka petara, bunsu antu enggau petara aki petara ini ke udah parai. Sida tu diasoh datai ngabang nitih ka bansa pengawa gawai kitai.
Leka sampi tu bakake bisi dibantaike ba begian gawai nyak ka, kaban? Baka leka sampi nugal, gawai umai etb?
Bakani ka bulih pulut chelum, pulut merah enggau pulut kuning kemaya ari tu? Asi pulut burak endang slalu bisi.
Bagi tumpi (kuih digaga ari tepong mulong), – enda aku nemu tumpi tu digaga ari tepung mulong. Bala ke dipeda slalu ngaga tumpi ngena beras pulut ti ditutuk.
Sungkui (digaga ari beras tutok dibungkus enggau daun pisang), – slalu sungkui digaga ngena beras pulut alu dibalaut ngau daun long.
ketupat (tau enda ibuh enti bisi asi pulut), – enda kala aku ninga urang ke tuai nyebut bala tu. Enti urang nanyake leka piring, leka ketupat slalu ia digempong alu ditancang nitihke brapa leka piring.
sagun (digaga ari tepung beras enggau nyiur parut). – enda kala ninga sagun tu. Slalu meda bala ngena sarang semut.
Bagi pisang.- Enda kala meda bala ngena buah pisang. Enti bisi ka tu?
Biau sebedau miring selalu ia pandak aja kena madahke bala Miring kami tu tang sampi udah miring nyak selalu panjai agi. Tau agi sampi piring tu dibantaike alu direkod kitai.
ketupat (tau enda ibuh enti bisi asi pulut)
Amat ke enda tu? Ulihke enda senupat ditinggalke?
Aku udah nanya bala senetang pekara tu, tau ke enda nganti ketupat ngau asi pulut? Bala nayut enda kala alu nyebut nyak ukai adat kitai.
nyadi ketok tanya ku tuai…nyadi piring kitai iban bangsa diatok mayuh enda sama enyak aku deka nanya nuan tuai…piring kitai iban tok turun berapa and berapa agih ti kena kitai…??bisi ga aku meda menua tungga ke baram sirih ti kena sida ea miring di carik bagi 2…nm kebuah tau baka enyak tuai..??enyak aja leka tanyak ari aku…meri besai terima kasih aku gagai nuan tuai…
Enti mayuh agih piring alu leka/turun piring tinggi, perengka priring tau dibagi tang seagih ke terubah ia (tau dikumbai pun agih) anang magi perengka priring baka daun siring ngau telu manuk. Alu seagih tu diengkahke ba pinggai tanah liat ti manah enti bisi, anang ngena pinggai plastik tauka kamput plastik kemaya ari diatu. Enti piring nyak seagih aja, perengka piring tau enda dibagi.
aku mansa ruai randau ditu aya.. sebedau ku ngemanjai ka randau sku..aku meri tabi basa ngagai semua bala kita ti bisi begulai berandau ba ruai aya tu.. aku munyi ke ukai bansa iban..aku deka nanya..semua piring bisi tusun tauka ripih..enti enda salah didinga ngerimbas pending aku..piring bc bisi mayuh bansa.. uji nn aya madak ke aku nama-nama piring ke bisi nitih ke tusun ..
reri tanya aku tu = piring bisi berapa iti bengkah?
Piring turun 3, 5, 7 & 9
salam serta tabi basa aya, kati baka piring 8 dh? nama reti piring tu kebendar? kami ari ai batang rajang, jarang mai miring diatu, laban k mayuh megao pengarap kristian.. agi mit menya aja bisi meda bala sida aki ini miring.
terima kasih
lina kunjak
Lina Kunjak,
Kami nadai ngena Piring 8. Kami semina ngena piring turun 3, 5, 7, & 9 aja.
Aku siku ari anak Iban ke agi gawa ba siti kompeni minyak & gas di Malaysia.
Enti enda salah aku, piring turun 8 nya kena nyambut penatai tauka miringka sida ari Gelung, miringka pengaruh ke diberi bala antu (ukai ari Panggau) enggau miringka sida ke indu ari Panggau lalu piring 9 dikena miringka bala sida ke lelaki ari Panggau kelebih agi Keling empu.
Bisi ga org engkah piring 8 ba mua pintu tauka mua jalai tama ke rumah (baka rmh teres) maya gawai laban kenu ku org, maya nya bala antu nimang namaka tuah ba rmh org ti bisi ngengkah piring 8 ba mua rmh iya.
Siti agi utai ajar Keling, kitai ke arap ke iya patut ngantung siti Senupat Kumang (senupat ke betampung 9 leka) ba mua pintu laban kenu ku Keling, sida daka nemu kitai tu enda org sida iya enti sida tepedaka senupat nya.
Sekeda info ke ditulis aku ditu endang dipadahka Keling ngagai aku empu suba. Baka ni aku ulih berandau enggau Keling enda ibuh kita nanya, kira ke bula mih nya. Terima kasih….
Terima kasih ngagai nuan Anak Iban laban ti udah nerang pasal Piring 8. Bala sida apai ambu aku ba salim sibu agi rat ndar bepegai ke pengawa lama kelebih agi senentang pengawa Miring tu. Mula nurun belajar keterubah suba, bisi sida apai ambu aku ngadu pengawa miring ke nembiak sekula, lalu piring nya deka diengkah ba punjung pala maya tinduk, lalu deka dibai nurun maya k nurun sekula, lalu di kait k ba ranting kayu ba mua jalai rumah panjai. Aku nda kala nanya sida apai nama kebuah piring nya mesti di kait k ranting pun kayu ba mua jalai rumah, takut mali ko penemu diri. kati ba penemu nuan aya GN Mawar ngau nuan Anak Iban, lapa kebuah piring nya digaga bakanya?
terima kasih,
Lina Kunjak
gnmawar, ulih nuan amdahka nama reti piring turun 3, 5, 7 & 9 nyak?
Piring turun 7 laban ngagauka 7 iko petara Iban kini?
Anak IBan
Ulih nuan nerangka reti leka piring ari mit agai ke besai?
Bisi bala nyebut ditu bisi Gawai piring 30 ti dikumbai bedara lemai. Nama reti nyak?
Ulih nusi mimpi nuan betemu ngau Keling nyak?
Ari ni asal penatai adat miring tu? Nama kabuah Iban nemu miring?
Bisi urang nyual senupat Kumang nyak diatu kini?
Terima kaseh ngagai kta bansa malaysia laban mayuh meri tunjuk ajar ngagai bala rebak baru,pekara asal adat kitai iban,ngau aku minta kita uleh nerus ke tunjuk ajar kita sampai bila-bila,ari aku bujang brunei
nya meh tsh mai nti kitai lalu nda nmu pngawa kitai mpu.lbn mayuh nmbiak baru diatu.klalu k nitih k adat bnsa bukai.pngawa asal bnsa dri d buai.
halo….cikgu sy ex student kt skul smk batang igan………….selamat datang ke sekolah kami…..
amat enda pungkang meh kitai bansa enti ngembuan penemu ka bakatu….meri besai pengaga ati ngagai nuan tuai ketegal dah mantai ke adat kitai ngagai bansa maioh bansa banyak…..enda mudah lenyau nama iban dalam dunya…………..OOOOOOOOOOOOHHHHHHHHHAAAAAAAAA!!!!!!
Telajan.
Nuan tau miring sereta miau pengaroh nuan nya lalu nyampi ngena Leka Biau Pengaroh ti baru udah dipublish aku ditu. Perengka lama enda tau enda di-intu enggat chermat.
Unggal Telajan,
Ti mimpi nuan nya amai nyata nadai salah unggal betanya ka urang tuai ba menua nuan ti nemu ngintu mimpi nuan nya. Enda semesti ia unggal bulih mimpi ti manah lalu deka ngiga leka sampi kediri empu. Kitai ngintu pengawa enda kala kediri unggal nya kebuah urang kelia diau ba rh panjai awakka bisi enggau besaup.Ti udah diambi mimpi biasa ia urang ke dituduh nuan megai pengawa ke nuan unggal ia enda ulih enggai seagi-agi urang nya endang bepenemu dalam ngintu pengawa.Ti urang ke diambu nuan unggal enggai ngintu pengawa takut utai bisi nyadi ba ia ila laban pekara tu udah kala nyadi ba menua kami (ketegal enggai megai pengawa ke urang). Ni nemu udahnya unggal diajih petara nemu pengawa kitai Iban nya ke manah amat.
Aku bisi taring babi dua iti, nyak meh aku ka miring tang aku enda nemu kati ka ngiga leka sampi ia…aku takut alah bula jamah ia. taring nyak kena org nyaga diri serta ubat tau serang. kala di ambi mimpi..nyak meh salah ia laban aku tu rebak baru..ukai nemu ulu ili adat lama, anti mina macha ari buku tau ke ari jako ukai uleh di keingat ke amat. semadi bisi org ngajar kitai empu ngaga. Susah amat ga..tu,ka enda pecaya udah ga nyata,ka enda di intu ngasi ga di padah ke antu. Ukai nama aku nyak aku tu bangat suntuk penemu dalam adat kitai iban baka bepantun,sampi,pantang larang, ngau macam utai meh. Utai ke temu aku mina ngajat ngau bekuntau aja..nyak pun belajar ari perening mata aku. Laban aku tu ari darah iban ke amat..tang enda nemu aku peturun ari nie..ko sida aki aku penatai sida ari batang ai..ngejung ke pindah ke julau..entabai. masuk ai mujuk..pati ai ulu kenowit.
Nyadi aku ditu cukup besai ati…uleh tetemu ke org ke sigi pugu iban..ia ke tuai penemu.TQ..ari aku.
Boy,
Pasal Tajau enggau Gawai Tajau deka di keluarka aku ditu enda lama agi. TQ.
Tabi tuai, aku boy..aku ka minta penemu ari tuai senentang penemu, cara serta guna
Tajau dalam pengidup kitai Iban, ka lebih agi maya munya suba. TQ
TABIK TUAI, ENTI OLEH UTAI KE MANAH BAKATU DIPASUK KE DALAM PELAJAR JAKU IBAN BA SEKULA NYA BARU IA TAU NGEREMBAI ENGGAU LEBIH AGI
Cikgu Sebastian B,
TQ ka jako nuan. Arap ka bala kita pengajar mujur dalam semua pengawa.
Terubah dulu aku meri tabi basa ngagai nuan Mr laban ti bisi pengangkun ngaga laman web ti besai guna. Kelebih agi ngagai kami bala pengajar lalu ngagai semua bansa dayak ti angkun enggau taluk ka bansa diri.
Mayuh pemanah ti diberi lalu diasaika kami lebuh meda laman web tu.
Tu mega tau dikena kami bala pengajar maya meri penemu ngagai bala nembiak bansa kitai.
Mayuh agi bala nembiak diatu kelebih agi ba rumah panjai enda nemu ngemansut ka adat bansa ketegal nadai diajar bala sida ka tuai.
Nyukong amat bala kami ka nuan Mr.
Terima kasih.
NI BAGI PERENGKA UTAI PIRING IA KA DULU D ATUR KITAI,MINTA KASIH KA BALA KITA AKU NGGL,LABAN AKU ENDANG ENDA NEMU LALU ENDA KALA NEREJA PENGAWA MIRING.
NAMA BERITA KITA D SWAK DIATU NGGL,TENTU KITA SIBUK PASAL KA NGUNDI.
Dulu ari semua aku meri tabi sereta basa ngagai bala penulis kitai bansa ti bisi ninggal ke bekau pelepi abi kaki tanda abi jari ba pengawa ti chukup badas baka tu. Aku pelaba mayuh bala pemacha rebak baru bedau bisi pengelandik meretika leka main. Aku arapka sida ke nembiak kelebih agi nembiak sekula endang patut belajarka pengawa tu. Tang ingat, kitai belajarka pengawa adat asal kitai bansa ukai kitai ngelaban jalai pengarap baru kitai ke diatu. Enti kitai Iban kitai mesti nemu bunsu penatai adat basa kitai kelia. Kitai sama meratika dalam leka main, kitai Iban endang segulai makai enggau Petara. Nyadi Petara ti selalu dikanggau ditempalau, ditunggah, dipadahka kitai lebuh bisi ngayanka piring, ngayanka ading tauka pengawa bukai, petara tu ukai antu. Antu enggau petara endang enda sama. Antu endang takutka petara. Kelalu panjai lansa seleka dua aku ditu. Aku arapka ngambi bansa kitai tau nyegang baka bena pangka pasang , ngambi kitai ditengkadah bansa orang ba penelantang ba penyenang. Terima kasih ngagai kita semua.
terima kasih mr……
atas info ti di tulis nuan laban sebedau tu aku enda tentu nemu bagi biau piring. Nda kala ninga kebendar ya, laban kami ari pelilih zon tengah nyau jarang ngereja pengawa tu. Kami ke anak biak rebak baru enda tentu nemu enti nadai penatai alai betanya. Thanks bro….
i’ve seen a miring being done on a deer’s skull (with its horns intact)
the ceremony was kind of informal with everyone gathering around chating, drinking beer & smoking while the owner does the waving of the chicken over the offerings.
It’s very unlike the seriousness of temple rituals where all the participants keep quiet!
it ended with tuak being poured over the skull and the chicken being slaughtered.
i heard the offerings will have to be arranged in plates of seven. is it true?
hhhhh,………meri besai trma kasih ngagai bala ke ngemansang ke bansa ktai iban…….di mata dunia..ngambi ke ktai d kelala semua…..