Nya alai babi menoa kita tu udah di gayang kami enggau generang sangkoh bemata dua.
Darah tu balat nujah kaki dua enggi kami,
Dibai kami niki ngagai ladi rumah raya enggi kita.
Din lagi, leboh kitai ke bekemumok dudok bebanda,
Leboh lambu kitai ke betiu bejako nyampau becerita,
Tau tu bebali nyadi taring uting lunchik juring babi menoa,
Enggau begulok tandok rusa periga,
Diambi sida lengayun endun dara,
Jadi ka ubat padi paya kena tinda sida ngisi moa tibang tundan.Nya alai babi indu kita tu udah digayang kami enggau generang sangkoh mata siti.
Darah tu udah nujah tunjok tengah kaki kami ke bediri maioh beranti.
Dibai kami niki ngagai penyurai rumah tinggi enggi kita.
Din lagi leboh kitai ke bekemumok dudok besendi,
Serta betiu ka jako main bebuti,
Tau tu bebali taring uting lunchik juring ngeli jani,
Enggau gempelu batu ai,
Diambi sida endu teruna dara tinggi,
Diengkah ka sida manah-manah di tikai bebuah sigi,
Jadi ka ubat sempeli kena sida ngisi igi tibang rarentam.
Nya alai babi lelaki enggi kita tu udah digayang kami enggau generang sangkoh besi.
Darah tu balat nujah tapa kaki,
Lalu dibai kami niki ngagai leladi rumah menchegi enggi kita.
Datai din leboh kitai ke bekemumoh dudok bebandi,
Serta betiu ka jako maioh reti,
Dia iya bebali nyadi ngeli jani babi lelaki,
Enggau batu pupu gumbang nyadi,
Diambi sida endu teruna dara mereti,
Engkah ka sida manah-manah di klasah tikai anyam diri,
Jadi ka ubat padi awak ka tebekan lalu jadian.
Digumpul Gregory Nyanggau Mawar,
E-Mail: gregory.mawar@shell.com
diana,
What’s your family surname and line? Maybe I can trace it here. Manchak means to spear a pig. It is an honor given to a very important guest who came to a major festival.
I am intrigued by the title I see on your site with the surname Manchak in it? I gather you have collected geneology about your family/s at this web site, but would like to understand the significance of my family surname in your listing above.
many thanks, I will be looking forward to your reply.
diana