Nyadi Penghulu Chulo ke dikumbai “Begarak Tampak Berita, Tarang Mandang Menoa” nya anak lelaki Unggam seduai Ginyam. Ari sepiak indai iya, Chulo tu turun tuai Iban Paku Ili ti benama Saang.
Tusut Nurun Ka Chulo “Tarang”:
Jelenggai x Bunsu Bintang Banyak = Selamuda x Dayang Manis Muka = Begeri x Senia (f) = Busok “Tandok Raja” x Singgau (f) = Mai “Apai Rekaya”, Sendie (f). Mai “Apai Rekaya” x Jelawai (f) = Patinggi Gurang x Pudai (f) = Patinggi Ngadan x Lamentan (f) = Bata (f) x Sambang =
Pala (f) x Entinggang = Saang (Tuai Iban Paku ili) x Selaka (f) = Changgai, Lanchang, Tida (f), Umoi (f), Injar, Laus (f), Nangku (bini Uyut “Bedilang Besi”), Lika (f).
Lika x Malang “Pengarah” = Gelang (f) x Luna = Ginyam (f) x Unggam = Chulo “Tarang”, Idah (f), Rinting (f). Chulo “Tarang” x Dinggu (f) = Ngadan, Unggit, Dungkong, Lanjing, Insin, Gulang, Tujoh.
Tusut Peturun Chulo “Tarang”:
Ngadan x Binau (f) = Bayang (chief informant of late Benedict Sandin from Malang, Bakong, Baram District), Ginyam (f), Grijih, Untan, Umang (f). Umang x Jugok = Labi (f), Sandai, Simba.
Bayang x Guning (f) = (Adopted his grand niece named Limah (daughter of Labi x Janting)
Labi (f) x Janting = Manggat, Kandau, Sekee, Lawie, Jack, Limah (f), Douglas, Lily (f), Wille.
Limah (f) x Dali = Limau (f), Ujang, Chayak, Undom, Cathrine (f), Lowrine, Angga (sida tu nampong bilik Ngadan di Malang (AD 2008).
Nyadi skali leboh maia umur Chulo ke agi bujang biak, leboh iya mansang ngayap, dia iya betemu enggau Antu Gerasi siko bediri ba tengah jalai ka ditengah iya ngayap. Ngeli antu nya bisi mesai buah maram dipeda iya. Chulo lalu nerkam antu gerasi nya lalu seduai pan lalu berekak dia. Nyau kelama seduai udah berekak, antu gerasi nya pan lalu nelesap ka diri. Udah nya Chulo pan lalu nerus ka pejalai iya.
Malam nya leboh Chulo tindok ba rumah ke endor iya ngayap, iya bemimpi asai ka betemu enggau lelaki siko ti sigat bendar gamal. Lelaki nya lalu bejako enggau Chulo.
“Amat berani meh nuan Chulo berekak ngelaban aku. Nadai siko udah mensia berani berekak enggau aku. Laban nuan udah ngalah ka aku tadi, nuan deka berani lalu bulih dengah enti nuan enggau orang ngayau. Enti nuan bumai, nuan deka bulih padi, lalu ari padi nya nuan deka bulih reta tengkira,” ko lelaki nya bejako enggau Chulo.
Lelaki nya mega nangkan Chulo enggau jako, ko iya, “Amat ga nuan nyadi manok sabong orang ti tebilang serta berani, nuan enda tau serang, semina nyadi ke tuai manok sabong orang serta tau ngulu ka kayau anak aja.”
Lelaki nya tadi madah ka diri diau ba tuchong Bukit Buloh ba entigis ai Paku lalu iya endang selalu ngemata ka nasib orang Paku. Udah abis jako lelaki nya tadi, Chulo pan lalu tedani. Nya baru iya nemu diri bemimpi.
Leboh iya agi bujang menya leboh ke agi diau di Nanga Anyut, Chulo endang udah nyadi manok sabong ti endang mutus berani dikarap ka Linggir “Mali Lebu” ngerandang jalai enti maia ngayau mulau. Nyadi kayau Linggir “Mali Lebu” ke alai Chulo pansut nama jelai rita iya nya ngalah ka Ilas di Nanga Rajang, ngalah ka Baketan di Sugai dalam menoa pegai Julau ke alai iya bulih 8 iko tangkap enggau leboh Linggir “Mali Lebu” ngalah ka Bugau di Ulu Ketungau. Leboh Linggir “Mali Lebu” ninggang kayau OKP Dana “Bayang” ngalah ka Undop, Chulo “Tarang” nya siko ari manok sabong ti dipilih iya ari Paku nambah ka Enchana “Letan Pulas Mas” seduai menyadi iya Minggat. Chulo mega bagas nitih ka kayau tuai ari ai bukai.
Tarubah iya pansut berita berani serta bedengah, leboh iya nitih ka kayau Orang Kaya Rabong ari Skrang nyerang Banting. Iya munoh munsoh 3 iko tang semina sempat ngambi pala sigi aja laban ti beguai naban ka tajau dua igi ti di pasok ke iya ngagai lengan lalu terjun ari tanju orang Banting. Pala sigi nya diberi iya ngagai OK Rabong tang tajau dua igi nya dibai iya pulai ka Paku. Laban pemerani iya leboh kayau nya, iya diberi ensumbar “Tarang Mandang Banting, Tarang Mandang Lingga”.
Leboh agi diau di Paku, Saribas, Chulo endang sigi udah bebini jadi enggau indu orang Anyut ti benama Siah di Udau. Enggau Siah tu iya beranak ka Tandok Apai Kerbau ti udah pindah ka Seblak lalu diau di Kedoh kena pagai menoa Kalaka.
Udah parai Siah Indai Tandok, Chulo bebini baru serta lalu nguai ka Dinggu anak Ramping ke bensumbar “Gumbang Mechah Nanga Maro” di Tawai dalam menoa Rimbas Ili. Di Tawai tu, laban iya endang udah nyadi orang Raja Berani, iya suah ngulu ka orang kayau anak.
Chulo “Tarang” Ngulu Ka Bala Kayau Anak:
Keterubah iya ngulu ka orang kayau anak leboh iya ngayau bansa Beliun ke diau di Ulu Sarikei. Dalam kayau tu iya begulai enggau Ramping ari Samu enggau Entemang ari Rimbas. Nyadi bansa Beliun ke dikayau sida tu endang udah dikayau sida Ugat ari Ulu Paku sabedau kayau Chulo tu. Leboh sida berengkah nyerang rumah bansa Beliun tu, dia Ramping balat bendar bakal ba pah kena pantap munsoh. Chulo lalu mai sida ngetu ngelaban munsoh laban beguai naban ka Ramping pulai. Dalam kayau tu sida semina ulih munoh dua iko munsoh aja.
Datai di Rimbas, sida lalu nusio rita sida ke ngayau enggau rita Ramping ke agi tinggal laban ke bakal. Orang Rimbas pan lalu nitih ka Chulo ngagai Bukit Tebujang ngambi Ramping. Datai sida ba gua dia, sida nemu Ramping agi idup, lalu telih iya pan nyau bulat. Ramping pan lalu dibai sida pulai.
Udah gerai Ramping, Tarang seduai Entemang lalu mai bala ngalah ke Bansa Beliun dalam menoa Serikei baru. Datai sida saberai rumah munsoh, Tarang seduai Entemang lalu nyemerai ka saberai laban deka ngikup rumah munsoh. Leboh seduai ke nyemerai sungai tu, Entemang pan lalu ditangkap baya. Meda utai bakanya, Chulo pan lalu beguai nikal ngagai tugong bala maioh madah ke penusah nya. Iya lalu mai bala sida ngiga bangkai Entemang tang sida bukai enda berani agi, laban endor Entemang mati bangat tak ba pangkalan munsoh.
Enda lama udah sida pulai ari kayau tu, orang Rimbas bisi datai ka Paku lalu nyangka Chulo munoh Entemang. Sida Rimbas madah ka rita pemati Entemang ke ditusoi Chulo nya enda betul, laban sida Rimbas bisi ninga rita angin ari Sarikei madah ka bangkai Entemang bisi ditemu. Lalu ko rita ti didinga sida Rimbas, bangkai Entemang tu baka ka bisi bekau tumbok orang enggau sangkoh lalu semina Chulo aja orang enggau Entemang maia tu sabedau Entemang ke parai. Chulo enggau bala orang Paku ke enggau kayau tu enda setuju ka tudoh sida ari Rimbas.
“Enti kita enda meda bangkai Entemang empu, kita enda tau arap ka rita angin aja,” ko Chulo madah ka sida ari Rimbas.Orang ari Rimbas pan lalu mulai ka diri. Enda puas ati ka jako Chulo nya tadi, enda lama udah bekau nya sida Rimbas lalu mesan ka Chulo mai iya kelam ai enti iya amat enda salah. “Enti Chulo berani kelam ai ngelaban sida Rimbas, nya tanda iya bisi munoh Entemang,” ko sida ke mai pesan nya tadi. Ngasai ka diri nadai penyalah, Chulo lalu nerima jako sida ari Rimbas. Iya lalu nimpoh sida Rimbas maia ke kelam ai laban ke meri awak begiga ka orang ngari ka sida nyelam.
Orang ari Rimbas pan lalu mulai ka diri. Enda puas ati ka jako Chulo nya tadi, enda lama udah bekau nya sida Rimbas lalu mesan ka Chulo mai iya kelam ai enti iya amat enda salah. “Enti Chulo berani kelam ai ngelaban sida Rimbas, nya tanda iya bisi munoh Entemang,” ko sida ke mai pesan nya tadi. Ngasai ka diri nadai penyalah, Chulo lalu nerima jako sida ari Rimbas. Iya lalu nimpoh sida Rimbas maia ke kelam ai laban ke meri awak begiga ka orang ngari ka sida nyelam.
Chulo “Tarang” milih Apai Enchalu nyadi ka pengari iya nyelam lalu sida Rimbas ngambi Usut ka pengari sida. Seduai tu sama berita betah nyelam.Sabedau sida berengkah nyelam, orang Rimbas mai Chulo “Tarang” bentaruh ka Tajau Menaga sigi. Tang Chulo “Tarang” minta entaruh nya ditiki ka ngagai lapan igi Tajau Menaga. Orang Rimbas enggai nyambut entaruh ngenyampau nya laban sida nyangka Chulo semina deka ngenakut ka sida aja awak ke sida enda nyadi kelam ai. Tang Chulo “Tarang” endang madah ka sida Rimbas iya endang enda salah, nya alai iya berani bentaruh ka lapan igi tajau menaga.
Nyadi pengawa kelam ai tu dipeda bala maioh nyengkaum orang ke datai Kerian nambah ka orang ke datai ari Rimbas, Bangkit enggau orang ai Paku nya empu. Sabedau Apai Enchalu seduai Usut berengkah nyelam, Tarang bejako ngagai mensia maioh ke bisi datai dia.
“Aku endang amat bisi ngundang Entemang enggau bala ari Rimbas ngayau bansa Beliun di Ulu Sarikei, lalu aku mega ngaku aku nyadi Tuai Kayau maia nya. Tang aku amat nadai munoh Entemang munyi ko kaban iya ari Rimbas. Nya alai laban aku enda salah atas pemarai manok sabong ti dikarap ka aku tu, aku tetap menang dalam pengawa kelam ai tu lagi,” ko Chulo bejako ngagai bala maioh ke datai dia.
Udah tembu Chulo “Tarang” bejako, siko ari manok sabong Linggir “Mali Lebu” ke benama Kendawang lalu nanya enti orang Rimbas deka matak dakwa sida ke ngumbai Chulo “Tarang” munoh Entemang.
“Enti kita Rimbas deka matak dakwa kita, kita agi ulih sabedau kita kelam ai. Enti kita alah, kita mega nyau entaruh kita,” ko Kendawang
Orang Rimbas madah ka sida enggai matak dakwa sida lalu mai Chulo “Tarang” bentaruh ka enam igi tajau menaga. Udah Chulo setuju enggau sida Rimbas, orang bukai pan berengkah bentaruh enggau diri sama diri ngena bendai, setawak tauke perengka tembaga bukai.Sabedau sida berengkah nyelam, orang ke dipadu ka nyampi ari spiak-spiak pan lalu nyampi minta Petara ngadu serta ngelurus ka laya sida tu lalu ngasoh sapa ke enda salah nya menang enggau lantang.
Udah nya Apai Enchalu seduai Usut pan lalu berengkah nyelam. Enda lama udah nyelam, Usut lalu lemas ke lalu diangkat ka sida Rimbas ari ai. Laban Apai Enchalu menang, tajau enam igi nya lalu pulai ngagai Chulo “Tarang” magang nitih ka semaia sida. Penyarut sida lalu abis ditu.
Chulo “Tarang” Pindah Ari Rimbas:
Udah bekau penyarut enggau bala petunggal iya OK Antau “Linggang Negeri” menyadi, Ramping “Gumbang Mechah Nanga Maro” seduai Chulo “Tarang” serta enggau semua sida sabilik lalu mindah ngulu Rimbas lalu diau di Nanga Ulai. Sida enda lama diau dia laban menoa enda besai endor bumai. Sida lalu mindah baru melunggang ngagai ai Krian lalu diau di Kumpai. Sida ke mindah tu dudi mimit ari bala Enchana “Letan Pulas Mas” ke pindah ari Paku ngagai Awik.
Udah parai mentua iya Ramping, Chulo “Tarang” lalu diasoh Raja Charles Vyner Brooke nyadi Penghulu ti keterubah iya megai Krian Ulu. Nyadi manok sabong iya maia nya anak iya empu, iya nya Ngadan seduai Unggit serta enggau dua iko menantu iya Kandau seduai Ngindang ari Paku.
Leboh Minggat Apai Runai seduai Chulo “Tarang” baru nyadi Penghulu megai Kerian Ili enggau Krian Ulu, semua Iban ke diau ari kaki wong Embuas lalu ngulu Krian endang bedau nundok ka Perintah Raja Brooke. Kena Perintah Raja Brooke ngalus ka menoa nya Raja Charles Brooke ngasoh semua Iban ke diau dia pindah ngulai sida Penghulu Chulo “Tarang” di Krian tauka sida Penghulu Minggat di Awik. Enti sida enggai pindah ari nya, Raja Charles deka mai bala nyerang sida ti enggai nundok ka Perintah iya. Ninga Raja Charles Brooke munyi nya, Iban ke diau ari Nanga Kabo enggau ke diau dalam Sungai Budu lalu ngelari ka diri ngagai Ulu Senulau lalu nan ba Bukit Batu. Sabedau sida lari, bala indu enggau anembiak ke Ulu Awik.
Dalam serang Raja Charles Brooke tu, bala Iban Layar, Paku, Rimbas enggau Krian Ili endang dibai Raja nyadi ka bala iya nambah ka sida ari Skrang enggau bala Balau ari Banting. Sabedau bala Raja datai, bala Iban ari Krian enggau Saribas endang udah belalai madah ngagai kaban sida ke nan ngelaban Perintah ngasoh sida ngelari ka diri. Semina bala ari Skrang ke babendar begiga ka munsoh, lalu sida endang seruran ditagang Iban Saribas enggau Krian ili awak ka nyaga bala kaban sida ke ngelaban Perintah ari spiak.
Bala Balau ke enggau bala Raja datai, lalu mudik ai Krian lalu ngalah ka rumah di Nanga Kabo. Leboh serang tu, anembiak redak rumah tu nadai dia laban ke udah enggau orang nyengai antu ba rumah orang Kerangan ari ili rumah tu. Endor rumah ke alah tu lalu nyadi pendam ke agi dikena datai ka diatu. Udah bekau serang tu orang ke diau ari nanga Kabo kulu lalu bapechah pendiau. Sakeda sida nitih ka Janting enggau Ranggau di Julau ngelaban Perintah, lalu sakeda nundok ka perintah.
Leboh maia tu mega, Libau “Rentap” diau di Stulak udah iya ke diau di Bukit Lanja udah ke alah di Sadok dalam taun 1861. Laban penyarut Iban Katibas enggau Iban Krian tu, Libau “Rentap” ke nyau udah tuai bendar, mai bala iya pindah ngagai bukit ba entigis ai antara Kabo, Awik, Julau, Sarikei enggau Binatang ke alai iya mati tuai lalu li lumbong ka ba Bukit Sibau. Libau “Rentap”, nyentok ka iya mati endang enggai nundok serta dipegai orang kulit burak enggau bansa bukai.
Udah parai Libau “Rentap”, Ranggau lalu nyadi tuai nganti iya lalu mai bala iya nguta diri ngelaban perintah ba Bukit Dugan dalam Ai Ensiring.
Meda Iban agi bisi enggai nundok ka Perintah, Raja Charles Brooke lalu ngasoh Minggat nitih ka munsoh ke lari ka Ulu Kanowit enggau Mujok. Raja mega ngasoh Minggat nyerang Iban Katibas be begempuru ngelaban Raja di Ulu Kamalih enggau Bukit Stulak di Ulu Kanowit. Ninga Minggat bisi nyendia ka diri deka datai nyerang sida diasoh Raja, bala Iban ke enggai nundok lalu bapechah. Sida ke agi deka ngelaban perintah lalu nitih ka Ranggau nan di Bukit Dugan lalu sida ke nyau puas merinsa ensepi pemedis ngelaban perintah lalu nyurut ka diri diau di Entabai.
Ari Batang ai Kanowit, Minggat mai bala iya niki bedarat ngagai Ulu Ensiring. Sida lalu berarat ngili ai Ensiring lalu ngalah ka rumah munsoh sepamanjai ai alah datai ba Nanga Ensiring. Dia sida beranti ka bala ke agi nyidi munsoh ke diau ngachir di menoa nya. Udah bala nyau datai magang, sida lalu ngitong pala enggau tangkap ke ulih sida. Leboh kayau tu, sida bulih 81 igi pala enggau 4 iko tangkap.
Enda lama udah ke alah di Ensiring, Janting seduai Ranggau lalu nguta diri baru ba Bukit Dugan. Ninga rita nya, Raja Charles Brooke lalu ngasoh Minggat ari Awik, Linggir “Mali Lebu” ari Paku enggau Entering Apai Nawai ari Julau mai bala ngalah ka Janting seduai Ranggau di Bukit Dugan. Chulo “Tarang” mega bisi mai bala iya ari Krian enggau kayau ka skali tu. Pia mega Chulo “Tarang” seduai Entering endang bela bisi kaban nulong sida Ranggau ngetan ka kuta diBukit Dugan. Nyadi bala ke bisi enggau ngayau skali tu iya nya bala manok sabong ari Paku, Rimbas, Krian, Awik, Sebetan enggau Sabelak. Linggir mai bala iya ari Paku enggau Rimbas nyuong sida Minggat seduai Chulo “Tarang” di Awik enggau Krian ke mai bala ari Sebetan enggau Sabelak. Sida lalu nyuong Entering enggau bala manok sabong iya di Julau.
Ari Ulu Julau, bala sida undur ngili ai Julau ngena perau lalu mudik masok ai Kanowit bemalam samalam di Nanga Mujok. Ditu sida ngadu ka aum besai ngadu ka jalai sida niki ngagai Bukit Dugan. Kayau skali tu enda mujor laban munsoh bela udah lari magang ninggal ka kuta sida leboh bala maioh nuntong ba kuta nya.
Sakeda bala manok sabong ke bisi enggau leboh ke ngayau tu iya nya Munan “Penghulu Dalam” ari awik, Luna “Panggau” ari Sabelak, Penghulu Garran “Lembang Batu”, Juing enggau Ajan “Sanggol Langit” ari Paku, Adu enggau Telajan ari Krian.
Udah kayau tu, Chulo “Tarang” rajin bendar bumai. Iya pemuli bendar padi lalu orang pan maioh meli padi ari iya. Padi iya dibeli orang enggau kebok, simpai ranki, pelaga, rawai, gerunong, geri, setawak, bendai enggau engkerumong. Laban pengaya iya, semua tiga iko anak indu iya dibagi ka iya sigi tajau segiu, sigi tajau menaga enggau sigi bedil siko-siko.
Udah tuai Saribas ke dulu agi baka OKP Dana “Bayang” parai dalam taun 1854, Ajie parai dalam taun 1858 enggau Linggir “Mali Lebu” dalam taun 1875, Nanang, Minggat enggau Chulo “Tarang” nyadi tuai Iban Saribas enggau Kalaka. Sida tu selalu dikangau ka Raja Brooke ngalus ka menua tunga ka Batang Rajang enggau Batang Ai.
Leboh Raja Charles Brooke mai bala ngalah ka Bukit Batu di Ulu Mujong dalam menoa pegai Baleh kena 9hb February, 1881, semina Chulo “Tarang” seduai Minggat enggau bala seduai iya aja dibai Raja ngulu ka bala. Sabedau sida nyerang, Raja Charles ngasoh Penghulu Chulo “Tarang” seduai Penghulu Minggat mansang ngagai kubu munsoh lalu ngumbok sida Janting ari Kanowit nyerah ka diri. Chulo “Tarang” enggau Penghulu Minggat lalu sama milih manok sabong seduai niki deka betemu enggau Janting. Tarang mai dua iko menantu iya ,Kandau seduai Ngindang “Kumpang Pali”, lalu Penghulu Minggat mai anak iya Munan serta manok sabong bukai baka Unggit seduai Luna “Panggau”.
Datai sida ba kaki Bukit Batu, sida lalu besatup enggau bala sida Janting ke ngeram ka ipa ba kaki bukit nya. Leboh ke begau ka tegah sida Janting, Kandau seduai Ngindang lalu bakal kena laban sangkoh munsoh. Semina Unggit tebunoh ka munsoh ke negah sida maia nya. Bala bukai bisi ga bakal mimit tang nadai siko bala ke enggau niki parai. Meda sida ditegah munsoh, bala Raja Charles Brooke lalu nimbak bala munsoh ke ngansak ka bala sida Chulo “Tarang” seduai Minggat.
Dalam pengujong taun 1870, Chulo “Tarang” nyadi keterubah tuai Iban dalam Krian megai pengarap Christain. Iya mega nyadi keterubah Iban di menoa Bagi Kedua maia nya berumah ngena batang belian ke besai nyadi ka tiang rumah. Tiang tu agi dikena turun iya sampai ka diatu. Nyadi Chulo “Tarang” parai sabedau rumah iya nya tembu dalam taun 1887. Minggat Apai Runai mati tuai dalam taun 1890 leboh ka belayar bedagang ka Sumatra.
Peturun Chulo “Tarang” agi maioh diau di Krian, lalu maioh mega udah pindah ngagai menoa baru di serata menoa Sarawak tu baka ka di Malang dalam menoa pegai Miri.
Jerita lama pasal siko tuai kitai Iban Krian tu dilengka ka aku ditu aja. Enti bisi penemu baru ba jerita lama tu ka dudi ari ila minta kita nambah ka jerita tu silik agi. Aku semina ngepun ka jerita lama kitai Iban ba internet awak tau dibaca bala ke rindu ka pasal penatai, pengidup, pendiau enggau adat asal kitai Iban.
Research & Compiled by Gregory Nyanggau Mawar
E-Mail : gregory.mawar@shell.com
Note :
Sakeda text asal jerita lama tu di ambi ari published articles ti ditulis niang Benedict Sandin begulai enggau Professor Clifford Sather serta enggau ari written studies tauka compilation digaga niang Lionel Frederick Mawar (Apai aku empu)
Unggal GNMAWAR,
minta nuan meri chunto ensumbar sida di panggau libau..
salam wai…tu kali pertama aku maca kisah “Chulo” tu…tang pedis amat aku ka faham ke cherita tu….Chulo tu nama orang pia?
in response to Orang kumpai
Turun Tarang ti Pindah ka Sibu tu ari turun anak indu ia ti dama Inzin, ia nya Muk, Tu ripih tusut sida ia,Tarang x Dinggu = Inzin x Rambuyan =Mindu x Laja = Ganai , Tarang(ngangkat), Muk, Muk tu Belaki ka Sibu tang aku enda nemu dama laki ia. nya aja ka temu aku terima kasih. -
Could be the late Ini2 Muk could be the spouse of or the father in law of the famous of the late Penghulu Gani of Bawang Assan,Sibu
E.C Barieng,
Terima kasih ka info nuan nya.
Minta barang sapa ke nemu tusut Sengalang Burong ngagai Duri bini Beti Berauh Ngumbang meri ba website tu. Terima kasih.
Wilson Ngumbang
Wilson,
It’s good to know a distant relative from menoa lama. Aku peturun Chula “Tarang” ari anak iya, Tujoh…
Nyadi Tujoh tu tadi ngada ka Liam (aki ichit aku) sereta sida menyadi ka bukai, Liam, tu enggau siko menyadi iya ke benama Pengarah Entrie muka menoa baru ba Ulu Teru ,Tinjar, Baram. Liam anak Tujoh tu nyadi tuai ba Kpg Mission, ulu Teru lalu menyadi iya ka Pengarah tu tadi nyadi tuai Rumah di Ulu…
Niang aki Liam tu petunggal 2 x enggau Bayang ke ba Malang, Bakong…
Ngarap ka nuan olih nusoi ka lebih agi laban aku semina ninga tusoi ari aki ini aku…aki aku anak Liam udah mati, nyadi aku semina nampung tusoi ari apai tuai aku, uchu Liam ka Tuai ianya Geranjang…
minta nuan nusoi ka maioh agi ba senentang tu..
aku tau di contact ba http://www.facebook.com/profile.php?id=100001238960562 (Facebook)
saghabay@gmail.com (e-mail)
James
Janting Antalai,
Aku diatu benong updating tusut/family tree Tarang lalu mega tracking peturun aki tuai Tarang. Bini aku turun Tujoh menyadi Ngadan. Minta nuan contact aku ba email lyn448@streamyx.com
Wilson Ngumbang
Wilson,
Terima kasih laban bc ngaga update peturun aki kitai Tarang..enti bc masa free aku contact dik.
Janting
Mindu2,
Peturun Tarang uleh dipeda ba family tree ba Geni.com. The family tree is managed by me and few others. You could see the tree through Google search for ‘Wilson Ngumbang’or ‘Chula Tarang. The correct name for Chulo is Chula but pronounced as ‘Chulo’ by Krian people just like ‘Kabo’. I am inviting other descendants of Tarang to complete branches of the tree by contacting me thro email lyn448@streamyx.com.
Wilson Ngumbang
Gregory,
Aku diatu agi gawa ba Kuching tang bisi travelling ka Saratok lalu ngagai rumah panjai di Krian. Leboh aku nemuai ila, aku ngambi gambar kubur, tiang enggau perau ngayau Tarang ka nuan.
Wilson Ngumbang
Gregory,
Aku ka nemu tusut Sengalang Burong ngagai Duri bini Beti Berauh Ngumbang. Ba family tree aku tusut Sengalang Burong (turun) ngagai Beti lebih panjai ari Sengalang Burong ngagai Duri. Some generations are missing. Ni ke betul Dara Tinchin Temaga tauka Dara Linsin Temaga?
Wilson Ngumbang
Nitih ka leka pengap Lemambang, Dara Tinchin Temaga. Mayuh aku ninga orang nyebut – Dara Insin Temaga. Tang sigi enggi lemambang nya ke betul agi.
Tusut Sengalang Burong ngagai Durie nadai di compile aku.
WN,
Ok. Anang enda magi aku gambar nya awak ka semua turun Tarang meda magang. Enti bisi cherita tambah pasal Tarang enggau turun iya, nuan tau mega magi aku. Aku mega tau masuk ka nama nuan nyadika “Informant” aku.
GNMawar,
Terima kasih ka saut nuan. I would be most grateful to contribute to your website. I will get to you again once I have the materials.
Gregory,
Aku tebuka website nuan lalu tepeda ka email pasal Chulo @ Tarang. Bisi Mindu2 tauka James udah meri nuan gambar perau kayau Tarang enggau tiang rumah Tarang? Kubur Tarang ba Kumpai, Krian. Aku berumah ba Kumpai nampil turun Tujoh anak Tarang. Tiang ke dua besai di entak ba ruai aku. Ti ketiga mit dientak ba ruai TR Ferderick Juan. Tiang ti besai agi bedau bisi tang enda ulih entak kami lebuh maia nya. Perau ia agi bedau ba Sg. Bansu ari Ulu Kumpai. Arap ka ulih nambah berita Tarang.
Wilson Ngumbang
Wilson,
Ulih kah nuan ngambi gambar semua peaska ny lalu kirum ngagai e-mail aku gnmawar@gmail.com
Aku rindu amat ninga engau macha jerita tuai bujang berani kelia.Tang nama kabuah bansa kitai diatu enda becuan ka pemerani bujang berani kitai kelia kena mangai ka bansa kitai baka kelia megai ai, megai tanah, megai menua.Angkat meh bansa IBAN anang kelalu mabuk engau pejalai dunya diatu.Unsut ka pengaruh pengering ati,pasuk ka Baju kebal am kitai sama beserakup ngering ka bansa, am kitai ngangkat ka bansa awak ka dikelala orang.Gaga aku meda bansa kitai ti bisi diciri ka perintah nyadi menteri. awak ka bisi ga orang ngelala IBAN. Uji ka chunta sida ka gawa dimenua bukai anang malu madah ka diri IBAN.
ka tinggal di menua am kitai beserakup.awak ka orang datai ka menua kitai ngelala bansa kitai. nya aja ari aku PASUN MANGAH ( selangor alai ku gawa tang aku tetap nyalak orang ditu awak ka ngelala bansa aku ) aku anak IBAN darah IBAN
Gregory
Rindu ninga cherita nuan tu. Utai ke manah nyadi material history and heritage.
cheers.
Orang Kumpai Nampil,
TQ ka tulong nuan. Arap ka gambar nya ulih diambi nuan nyadi ka pengingat bala peturun Chulo “Tarang”, enggai ka semina ninga orang ngenang aja.
James,
TQ for the information.
Tujoh anak Chulo “Tarang” ngada ka Liam, ti muka tanah di Ulu Teru, Tinjar Baram….
Dalam pengujong taun 1870, Chulo “Tarang” nyadi keterubah tuai Iban dalam Krian megai pengarap Christain. Iya mega nyadi keterubah Iban di menoa Bagi Kedua maia nya berumah ngena batang belian ke besai nyadi ka tiang rumah. Tiang tu agi dikena turun iya sampai ka diatu. Nyadi Chulo “Tarang” parai sabedau rumah iya nya tembu dalam taun 1887
………………………………………………………………………………….
Rindu amat aku macah utai ti ditulis nuan ditu.
Endang iya sigi amatbatang tiang tebelian segala dikena bala entua aku berumah. Endang bediri, siti nyadi ke Tiang Penyandih kena nunga temuai lalu iya ke mit mimit agi bediri ba puak bilik sida entua ak KUMPAI, KRIAN ditu.
Iya ke besai agi nyadi Tiang penyandih ba ruai Tr Fedrick Juan, bisi diberi sida iya brief decription pasal penatai Tiang ti bangat besai endar nya.
Siti ari perau pengayau Tarang endang amat agi bisi ba tebing ai Krian nyentuk ke seharitu. Nadai orang ngintu. Orang bisi geli mimit deka ngadu ke perau nya. Orang takut mindah ke iya ngagai endor ke manah agi.
Sayau… tang apa bolih buat.
Ila aku nguji download ke gambar 1) Tiang Tarang sereta 2) Perau Pengayau tarang, nagnti leboh bisiulai ke menoa sida entua aku.
Terima kasih
miMe,
You can start the ball rolling by introducing your self and exchanging e-mails with your cousins from Chulo “Tarang” bloodline. Tell us where is your “pendiau” now?
hello kaban2,
actually, miMe and Mindu2 are the same person. miMe means It’s me Mindu2.
where’s my ‘pendiau’(?) let u all in(?) and m sure semua kaban2 like to know more from me. Sebabnya I know a lot about our great2 grandfather.
about the picture of a perahu, at dis moment m very sorry, bedau ulih aku ngambi gambar laban dia2 aku bz amat with my routine. siti gi aku mega terpaksa nda muka ur blog for a month or more. ukai aku nggai buT I ve many things to do which need m attention. ukai reti aku madah berandau ngau kita nda penting tang ulih dilengka dulu til m free.
about exchanging e-mails with kaban2 that’s not a problem. I will email to menyadi tuai ‘gnm’ then u can give them email aku.
Mindu,
peturun ia ndang maioh gawa ba shell, perintah enggau d overseas pan bc
thanks so much Ungit. How do you know about them?
Aku sigi ka amat jejak kasih peturun aki kami. Nti bala ke semak2 nya I know cos those who stay overseas are my cousins. Iya ke gawa ba Shell pan cousin ga, 2nd cousin.
Aku ka nemu bala di Baram laban suah di sebut niang ini menya, bala anak aki kami maioh amat di din.
waiting for ur reply.
gnmawar,
A few months ago someone told me a story of this ‘bintang banyak’. m quite confused over this person. Ko cerita ke didinga, nadai ga kaitan Tarang ngau ‘bunsu bintang banyak’.
Tu macam ke nemu bendar cerita Tarang aku. Ulih ke gnmr nanya orang ke tuai,laban ko apai akulah, indai unggam apai Tarang nya benama Mona. Lalu ke bukai2nya aku nda nemu.
Siti gi, ulih ke gnmr ngasoh semua bala peturun Tarang reveal themselves in ur portal. By doing so, they are able to know each other. Nda alah ga semina ninga cerita pasal aki ini diri tang nda nmu kaban.
Mindu2,
Enti nuan nusut ari Jelengai ke jadi enggau Bunsu Bintang Banyak, nya baru nuan nemu asal penatai aki Kita Chulo “Tarang”.
Manah bendar enti kita ke peturun Chulo “Tarang” tu deka begiga ka kaban diri. Nya endang utai ti dikadeka, dipinta orang ke tuai menya. Kita tau beserakup ngaga tiang pengingat ka iya lalu begempuru betemu enggau pangan diri.
Mindu2,
Peturun Tarang uleh dipeda ba family tree ba Geni.com. The family tree is managed by me and few others. You could see the tree through Google search for ‘Wilson Ngumbang’or ‘Chula Tarang. The correct name for Chulo is Chula but pronounced as ‘Chulo’ by Krian people just like ‘Kabo’. I am inviting other descendants of Tarang to complete branches of the tree by contacting me thro email lyn448@streamyx.com.
Wilson Ngumbang
Tu turun Chula Tarang bala anak ia bini ia, Chula Tarang x Siah = Tandok, sarak ia enggau bini ia ti dama Siah, ia bebini baru, jadi ka Dinggu lalu beranak ka Dungkung x Ngindang , tang sarak ga Dungkung enggau Ngindang belaki baru jadi ka Bruja, Dungkung tu nadai anak , ngiru Lipat anak menyadi ia Inzin, tu bagi anak ia enggau Siah ia nya Tandok x Belangkat, tu anak ia enggau Dinggu, Dungkung, Inzin x Rambuyan, Lanjjing x Ratih, Gulang x Kandau, Unggit tu mati bujang ,Ngadan x Kumang Badung sarak bebini baru ngambi Binau, Tujuh x Luka, mati Luka bebini baru ngambi Endun.Barang sapa turun Tarang ti ka nemu turun diri tau email ka lyn448@streamyx.com TQ.
Aku rindu amat ninga cerita Tarang tu. Laban maioh amat bala peturun iya, bisi ke ditemu tang maioh agi ke nda dikelala.
Aku ka nemu sapa nama laki bala anak indu Tarang Tuai, lalu didni endor sida tu diau. Lalu sama enggau bala kaban ti bukai.
Kati bisi ke bala uchu ambu Tarang tu nemu endor kubur iya?
Arap ke gnmawar ulih meri saut ke tanya aku tu.
Thanks.
Mawar,
Kati ulih nuan nulong nyelidik peturun Tarang ke pindah ke menua Sibu.
Eileen,
Aku enda nemu bagi sida ke pindah ka Sibu. Enti pemacha bukai bisi nemu, tau meri penemu ngagai kami dua Eileen ditu ngambi ka bisi ditampong ditu. TQ.
Turun Tarang ti Pindah ka Sibu tu ari turun anak indu ia ti dama Inzin, ia nya Muk, Tu ripih tusut sida ia,Tarang x Dinggu = Inzin x Rambuyan =Mindu x Laja = Ganai , Tarang(ngangkat), Muk, Muk tu Belaki ka Sibu tang aku enda nemu dama laki ia. nya aja ka temu aku terima kasih.
Hello Eileen,
Sebedau aku nyaut tanya nuan tu dulu aku minta ampun ari nuan nyema utai ti disebut aku bisi nda betul.
Munyi ti ngai alah ari orang bukai meh aku tu. Name given to me by my late grandfather Tarang2 is Mindu2. Kebuah pia, kena ngingat ke ni kami ke benama Mindu ak Insin ak Tarang/Chulo. Sigi bisi peturun Tarang tu di Sibu, sama anak Mindu menyadi Tarang2, lalu bala di Sibu amat maioh. Siko ari uchu iya dia bc gawa di Miri nti nda salah ingat asai ke ba Shell.
mindu2, Eileen,
Rindu amai ninga kita berandau ka “heritage” diri. Keep it up. Enti bisi tusut tau meri aku … aku nambah ka ditu kena ngemaju ka Jerita aki Chulo “Tarang” aku ditu.
Bakar,
Au bc ia nusi ke cerita maya kacau kedayan suba..Aki aku Manggat tok agi gerai lalu ia selalu becerita ngau kisah cda ia keliak enggau aku gak selalu nanyak ia tusut bala kami sebilik.
Wat janting,
Maioh orang kaya baru di malang diak didinga aku, udah terima rega pemakai menua.BC kena bebeli ka rumah enggau 4Wd. Amat bereita tu.
Aree,
Nyangka amat …. tanah NCR jual ngagao company besai … tu jangka aja. Orang dia mayoh ngerja sawit.
Aree Brunei,
Bala ka kak nual tanah aki ine sida ia udah meh di jual..baka kami sebilik enda ulih berimba agi..cuma nampung utai ka di beri aki ine suba..enti bc lebih meli gak..
Sida ka nual menua nyak sigi amat..pemakai menuo kami kak di jual bala tuai rumah bukai tang kami sebilik endang sigi enda setuju..
Janting antalai,
Aki nuan Manggat kala bedengah kedayan maia orang charut enggau perintah brunei dalam taun 60an klia.
Aku arap ka ia gerai.
Tabi basa ke Kita..
bisi kala ninga cherita pasal perau kayau di banting? Perau Kayau ti diberi nama Perau Timba Darah..tauka nemu tusut ari ijau ti di banting? terima kasih.
hello jawai,
aku nda nmu dama perau nya tang kala meda peraunya selalu kena kami bemain ba ai krian. Lalu siti gi perau iya ke dikena iya ngayau nadai ulih di kacau lalu ulih ngasoh kudi.
mindu2,
Nuan tau ngambi gambar perau nya ngena digital camera. Kirum ka ngagai e-mail aku. Ila aku publish nya ditu awak ka bala peturun Tarang meda nya. Regards.
Janting Antalai,
Thanks Janting… nadai salah nuan nambah ka tusut nya ka ujong agi ngagai tuboh kita. Ngambi ka bala kaban ari Krian nemu kaban diri di Malang dia.
Tu naka ke temu aku ari cerita bala sida ini aku punggal. Nyadi Ngadan x Binau = Bayang, Ginyam, Grijih, Untan, Umang. Bayang tok nadai anak jadi enggau Gunning. Umang x Jugok = Labi, Sandai, Simba. Labi x Janting= Manggat, Kandau, Sekee, Lawie, Jack, Limah, Douglas, Lily, Wille. Limah tok tadi di iru aki Bayang lalu ngibun bilik Ngadan. Limah x Dali=Limau, Ujang, Chayak, Undom, Cathrine, Lowrine, Angga..Nyak gaya bala kami ka nguan bilik ngadan di malang diatu punggal… Tang tusut aku tok naka bala cda indai aku ajak enti ngagai bala kami nu mayuh endar telesak ia di mallang diatu..hope u can update ..bala kami ka tinggal di menuo din mayuh enda di temu aku tang bisi gak bala kami di bagi kedua ..aku enda entu nemu endur ia..
Janting Antalai,
Terima kasih besai punggal. Enti ulih, nuan meri aku tusut kita di Malang dia dikena aku update tusut Chulo “Tarang” awak ka kita nemu sapa kaban belayan kita jemah ila.
Tabi pungal,
Nyadi aku tok baru maca certia nuan tok tadi..Nyadi kami tok meh ka ngibun bilik Bayang di malang nyak alai aku nu tekenyit ati laban bisi gak bala sida aki aku becerita ka penatai asal bala aki Ngadan suba ya ka lalu mungkal menua di Batang Malang Bakong tok. Terima Kasih laban bisi reference kena aku cerita ngagai bala anak terlesak ilak
Selamat ari gawai
gnmawar,
Appreciate very much enti nuan ulih ngirum ke aku tusutnya ngena email. TQ
Augustine,
Bisi aku nyimpan Tusut ari Patinggi Ngadan….tang nadai pechah tusut ari nya.
GNMawar,
TQ. Kati bisi nuan nyimpan tusut sida Patinggi Ngadan??
TQ.
augustin,
Check it out in my article “Early Iban Migration Part 2″.
GNMawar,
Kati bisi ke enda nuan nyimpan cerita “Patinggi Ngadan”
ari Layar, Saribas?
TQ.
Sound interesting Idetrorce, please elaborate further your disagreement. Share with us your opinion knowledge.
Kati bisi nuan nemu cerita Bandang Ke Bensumbar “Batu Lichin”.Enti bisi arap ka ulih nusoi ba Web tu.
Idetrorce,
Any reason you want to share with me? I’m open for discussion.
very interesting, but I don’t agree with you
Idetrorce
Nadai tentu nemu detail Jerita Unggang “Lebur Menoa”. Nganti aku udah research enggau sikik agi nya baru aku publish ditu.
Bisi nemu cerita `Lebur Menoa` wai..uji pantai ka ba ditu, ingin ka nemu..Tq
TQ 8mund,
Bala kitai ari Malang bisi nampil bala ari Banting. Nama tuai Banting nya Ijau “Lang” tauka Ijau “Berani”. “Ijau Lelayang” tu ensumbar Penghulu Bantin ari Batang Ai.
Sapa kini tiris pantis bala Tarang ti bisi nampil bala di Banting, Lingga? Ulih enti aku deka nanya pasal tuai kayau ari Banting ti suah didinga maya agi nembiak menya ” Ijau Layang”. Sapa meh tuai tu? Nadai artikel ti bisi ngenang tuai kini?
Galang,
Aku nadai udah mansik tusut ngenyauh nya. Enti bisi bala kita nemu pechah tusut sida Unggit, tau meri aku awak ka di publish ditu. Aku mega deka nemu dini endor turun sida nya diatu.
Sapa Unggit manok Sabong Ngidang dalam cerita tu lalu bekini ko peturun Unggit tu. Kita bisi nuan nemu dini endor terasak Unggit? Bisi enda peturun Unggit tu pindah ke Durin di Sibu Lalu Ke Limbang
Galang,
Aku bisi berasai tekait enggau cerita nuan tu,
Asal peturun aki kami ke bensumbar Aki Lang Buban @ Apai Lenjai ke datai ari Skrang..Sida mindah ke Merebai,Kerangan Rian,Julau lalu ditangkan ke Nanga Durin.Dah nya sida mindah ke Penassu,Btg Igan lalu undur kulu di Nanga Engkalat.Sekeda kaban belayan Lang Buban bisi mindah ke Limbang.Lalu nyangka serebak enggau cerita nuan nya…
Galang, A.D
Aku peturun Lenjai (f) + Ubu , diatu begiga ka bala peturun menyadi Lenjai enggau peturun menyadi Ubu. Tang aku enda nemu sapa nama bendar Lang Buban. Minta seduai nampong tusut ka atas bala nya.
Aya Jetie,
Nama rita nuan aya Jetie? Bisi udah aku tepeda ke artikel dikeluar ke Borneo Post bekenang ke tusut ari sapiak aki ktak, Runggah uchu Kedu ke Bensumbar Lang Ngindang.(Enti nda salah ingat aku)
Tuju aku ke nulis cherita aki Lang Buban@Apai Lenjai sigi ndai kaitan nggau tusut siti antara siti semina aku ngrintai ke crita aku Lang Buban laban aku bisi nyangka pemindah petunggal aki Mujan anak Ubu kelia kurang lebih serebak enggau jerita pturun Unggit ke mindah ke Limbang (munyi ko dicherita ke Galang nyak).
Thanks TN for your info. Tarang Mandang Langit, Tarang Mandang Dunya, Tarang Mandang Banting, Tarang Mandang Lingga…..sama-sama tau dikena… bala turun iya bisi udah nampil orang Banting & Lingga.
Just wondering : What is Chulo real nome de gro ” Tarang mandang langit, Tarang mandang dunya, Tarang mandang Lingga” or is it as stated above in your article.
If i am not mistaken, Ngadan married twice. The first wife was Kumang Badong. He was divorced by his wife. They had a son named Thomas. Ngadan later went to migrate to the Baram area and got married again to his cousin from Ulu Krian ? The eldest children from this marriage was Bayang.
Berangang/Entakit,
Seduai tau nanya ngagai turun sida di Malang dia. Aku semina nemu siko dua turun sida nya ke sama begulai kerja enggau aku ditu. Aku mega nadai kala nemuai ngabas bilik sida dia.
Unggal,
Ulih nuan nerang ke enggau silik agi pasal peturun aki Bayang ak Ngadan ti diau di malang ke ?
Punggal,
Oleh nuan madah ka sapa nama bini ngadan ba tiris Pengulu chulo. kati aki Bayang ak Ngadan tu bisi menyadi tauka anak agi idup diau di menoa malang.